– ەلىمىز ءوندىرىسىنىڭ كوشىن باستايتىن سوكولوۆ-سارىباي كەن ءوندىرۋ بىرلەستىگىنىڭ ۇلكەن ۇجىمى مەملەكەت باسشىسى قاسىم-جومارت توقاەۆتىڭ دەر ۋاقىتىنداعى شەشىمىن قىزۋ قولداپ وتىر. بۇل – تاريحي شەشىم. مەرزىمىنەن بۇرىن سايلاۋ بىزگە قازاقستاننىڭ تۇڭعىش پرەزيدەنتى, ەلباسى نۇرسۇلتان نازارباەۆ سالىپ بەرگەن دامۋدىڭ سارا جولىن, بۇگىن جۇزەگە اسىرىپ جاتقان ەكونوميكالىق-الەۋمەتتىك باعدارلامالاردىڭ ىرعاعىن ساقتاۋ ءۇشىن اسا قاجەت. تاۋەلسىزدىك جىلدارىنان بەرى ەلىمىزدە كوپتەگەن ستراتەگيالىق باعدارلامالار ومىرگە كەلدى, ال ولار ءبىزدىڭ ەڭبەك ەتەتىن سوكولوۆ-سارىباي كەن ءوندىرۋ بىرلەستىگىنىڭ دامۋىنا دا تىكەلەي ىقپال جاسادى, – دەدى پارتيانىڭ سوكولوۆ-سارىباي كەن ءوندىرۋ بىرلەستىگى اۋداندىق فيليالى توراعاسىنىڭ ورىنباسارى الەكساندر ماكارەنكو.
«Nur Otan»پارتياسىنىڭ ءحۇش سەزىندە پارتيا توراعاسى نۇرسۇلتان نازارباەۆ تاپسىرعان «حالىققا كومەك», «باقىتتى وتباسى», «اۋىل – ەل بەسىگى», «قۇتتى مەكەن» جوبالارى وڭىرلەردى الەۋمەتتىك-ەكونوميكالىق دامىتۋدىڭ تەتىگى بولىپ تابىلادى. «قۇتتى مەكەن» جوباسى بويىنشا بيىل وبلىس وڭىرىندە جەرگىلىكتى ماڭىزى بار 531 شاقىرىم جول جوندەۋدەن وتەدى. مۇندا جولداردى نەگىزىنەن ورتا جوندەۋگە باسىمدىق بەرىلەدى. وسى جۇمىستاردىڭ 50 پروتسەنتى رەسپۋبليكالىق, 50 پروتسەنتى جەرگىلىكتى بيۋدجەتتەن قارجىلاندىرىلادى.
– اۋىلدىق جەرلەردى اۋىز سۋ مەن قامتاماسىز ەتۋ جوبا بويىنشا قولعا الاتىن وتە ماڭىزدى جۇمىس بولىپ وتىر. وبلىستا بارلىعى 548 اۋىلدىق ەلدى مەكەن بار. سونىڭ 172 عانا ورتالىقتاندىرىلعان اۋىز سۋ قۇبىرىمەن قامتاماسىز ەتىلگەن. 376 ەلدى مەكەن ورتالىقتاندىرىلماعان اۋىز سۋدى پايدالانادى جانە تاسىپ بەرىلەدى. 2020 جىلعا دەيىن ەلدى مەكەندەردى اۋىز سۋمەن قامتۋ ءۇشىن 22 جوبا جۇزەگە اسىرىلادى, وعان بيىل 7,8 ميلليارد تەڭگە قارجى ءبولىندى. بيىل 19 اۋىلعا ورتالىقتاندىرىلعان اۋىز سۋ قۇبىرى تارتىلاتىن بولادى, – دەدى پارتيانىڭ وبلىستىق فيليالىنىڭ توراعاسى, وبلىس اكىمى ارحيمەد مۇحامبەتوۆ.
ءوڭىر باسشىسى پارتيا جوبالارى بويىنشا وبلىستا جۇزەگە اساتىن جۇمىستاردىڭ قازىردىڭ وزىندە باستالىپ كەتكەنىن تىلگە تيەك ەتتى. «باقىتتى وتباسى» جوباسى بويىنشا ازاماتتاردىڭ الەۋمەتتىك ءالجۋاز قاتارىن قولداۋ ءۇشىن وبلىس بيۋدجەتىنەن 7,7 ميلليارد تەڭگە بولىنەتىنىن ايتتى. بۇل بىلتىرعى جىلدان 20 پررتسەنتكە كوپ. كاسىپكەرلەردىڭ كومەگىمەن 20 كوپ بالالى وتباسى باسپانالى بولدى.
كونفەرەنتسياعا قاتىسقان پارتيا مۇشەلەرى «Nur Otanنىڭ» كەزەكتەن تىس وتەتىن ءحىح سەزىنە وبلىستان باراتىن دەلەگاتتار قۇرامىن سايلاپ, ءبىر اۋىزدان داۋىس بەردى.
قوستاناي
