سايلاۋ • 16 ءساۋىر، 2019

كاسىپوداق – ۇلكەن كۇش

806 رەتكورسەتىلدى

جەرگىلىكتى كاسىپوداق ۇيىمىنىڭ وكىلدەرى پرەزيدەنت قاسىم-جومارت توقاەۆتىڭ ۇندەۋىندە بەلگىلەنگەن ساياسي شەشىمگە قاتىستى وزدەرىنىڭ ەرىك-جىگەرلەرىن ءبىلدىرۋ ءۇشىن س.مۇقانوۆ اتىنداعى عىلىمي-امبەباپ كىتاپحاناعا جينالىپ، وي-پىكىرلەرىن ورتاعا سالدى.

كاسىپوداقتاردىڭ ۇيلەستىرۋ كەڭەسىنىڭ كەڭەيتىلگەن وتىرىسىن وبلىستىق كاسىپوداقتار ءبىر­­لەس­تىگىنىڭ توراعاسى ەرىك نۇ­را­قاەۆ كىرىسپە سوزبەن اشىپ، ەڭ الدىمەن بارلىق الەۋ­مەت­تىك جاۋاپكەرشىلىگى جوعارى جاسام­پازدىق كۇشتەردى، بارشا قازاق­ستاندىقتاردى حالىقارالىق تالاپتار مەن ستاندارتتارعا ساي ءادىل دە اشىق سايلاۋ وتكىزۋگە قولداۋ كورسەتۋگە شاقىرعان رەس­پۋبليكالىق كاسىپوداقتار ۇندەۋىمەن قىسقاشا تانىستىرىپ ءوتتى. وندا ەڭبەككەرلەردىڭ قۇقىعىن قورعاۋ، جۇمىس ىستەۋگە ءتيىستى جاعداي جاساۋ، سونداي-اق الەۋمەتتىك ارىپتەستىكتىڭ ءتيىمدى ىنتىماقتاستىعى سالاسىندا كوپتەگەن كوكەيكەستى ماسەلەلەر­دى شەشۋدىڭ ماڭىزى زور، مۇنداي ورەلى مىندەتتەر بۇكىل­حالىق­تىق ماندات العان پرە­زي­دەنتتىڭ باسشىلىعىمەن تۇراق­تىلىق، ايقىندىق جانە اشىق­تىق جاع­دايىندا ورىندالارى ءسوزسىز ەكەنى ايتىلعان، دەي كە­لىپ، 9 ماۋ­سىم كۇنى ءار كاسىپوداق مۇشە­سى سايلاۋ ۋچاسكەسىنە بارىپ، كونس­تي­تۋتسيالىق ازاماتتىق بورىشىن وتەيتىنىنە سەنىم ءبىلدىردى. 

قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ بەلگىلەپ بەرگەن مەم­لەكەتتىك باعدارلامالار مەن اۋقىم­دى ءىس-قيمىل جوسپارلارى بارلىق سالانى قامتىپ وتىر­عانىن ءبارىڭىز كورىپ، ءبىلىپ وتىرسىزدار. 18 سالالىق كاسىپوداقتى بىرىكتىرەتىن رەسپۋبليكالىق كاسىپ­وداقتار فەدەراتسياسىنا 2 ميلليونداي ادام مۇشە. وب­لىس­تىق ۇيىم 50 مىڭنان استام ادامنىڭ باسىن قوسادى. 1 مىڭ­عا جۋىق باستاۋىش كاسىپوداق ۇيى­مى جۇمىس ىستەيدى. اركەز ەڭبەك ادامىنىڭ مۇددەسىن قور­عايتىن بەدەلدى قوعامدىق ينستي­تۋتتىڭ ارالاسپايتىن سالاسى كەمدە-كەم. «جۇمىسشىلار ءوز­دەرىن لايىقتى سەزىنۋلەرى ءۇشىن كاسىپوداقتار قوزعالىسى ءوز ءبيى­گىندە بولۋى ءتيىس»، دەپ ەل­با­سى سيپاتتاما بەرگەن ۇيىم ەڭ­بەك قارىم-قاتىناستارىنداعى تۇراق­تىلىقتى قامتاماسىز ەتىپ، جاڭاشا باعىتتا جۇمىس ىستەپ كەلەدى، دەدى ول. اۋىلدىق جەرلەردە مەديتسينانى دامىتىپ، جاس مامانداردىڭ قونىستانىپ، تۇراق­تانۋى ءۇشىن جارتى ميل­ليون تەڭگە مولشەرىندە كوتەرمە­اقى ۇسىنىلعانىنا، «7-20-25» باع­دارلاماسى شەڭبەرىندە 20 پايىز باستاپقى جارنا­نى تولەۋ ءۇشىن سەرتيفيكات قاراس­تىرىلعانىنا، ەڭبەك شارتتارىن ودان ءارى جەتىلدىرۋ، ەڭبەك قاۋىپ­سىزدىگىن ساقتاۋ باعى­تىن­داعى باستامالاردىڭ الدا دا قولداۋ تاباتىنىنا ناقتى مىسال­دار كەلتىردى. 

 ەل ومىرىندەگى ەلەۋلى كەزەڭدى باستان كەشىرىپ وتىرمىز، دەدى ءوز سوزىندە «مەملەكەتتىك، بانك مەكەمەلەرى جانە قوعامدىق قىزمەت كورسەتۋ قىزمەتكەرلەرى­نىڭ سالالىق كاسىپوداعى» قوعام­دىق بىرلەستىگىنىڭ جەتەك­شىسى تەمىرعالي ءابىلماجىنوۆ. سوندىقتان وسىنداي سىندارلى شاقتا ءبىر ارناعا توپتاسقانىمىز وتە قاجەت. ىشكى، سىرتقى ساياساتتا قازاقستاننىڭ تاجىريبەسى مول.تاۋەلسىز ەلىمىزدىڭ نەگىزىن سالىپ، قابىرعاسىن قالاپ، وتىز جىلعا ۋاقىت ىشىندە الەمدىك ارەناعا تانىتقان نۇرسۇلتان ءابىش ۇلى سالعان سارا جولدىڭ دايەكتىلىكپەن جالعاساتىنىنا، كەزەكتەن تىس سايلاۋدىڭ تاريحي، ساياسي ماڭىزدىلىعىنا توقتالدى. نەگىزگى ماقسات – ءار ازاماتقا ەلىمىزدە اتقارى­لىپ جاتقان رەفورمالاردىڭ ماڭىزدىلىعىن جەتكىزۋ، ءتۇ­سىن­دىرۋ، تولعانتقان ساۋالدارعا جا­ۋاپ بەرۋ، ماسەلەلەردىڭ شەشى­لۋىن باقىلاۋعا الۋ. 

«اۋىل شارۋاشىلىعى قىز­مەت­كەرلەرى سالالىق كاسىپ­وداعى» اتىنان ءسوز العان ونىڭ ءتور­اعاسى بەكەت نۇعىمانوۆ جوعا­رى بيلىك اتا زاڭىمىز­دى باس­شىلىققا الا وتىرىپ، ەلىمىز­دىڭ ودان ءارى باياندى وركەن­دەۋى باعىتىندا ورنىقتى شەشىم قابىلداعانىن، ءار سايلاۋ­شى قوعامنىڭ تۇراق­تىلىعى ءۇشىن داۋىس بەرۋگە باراتىنىن، جۇرتشىلىق بولىپ سايلاۋعا بەلسەندى تۇردە قاتىسۋ بىردەن-ءبىر دۇرىس تاڭداۋ ەكەنىن تىلگە تيەك ەتتى.

باسقا سويلەۋشىلەر دە سول­تۇ­س­تىكقازاقستاندىق كاسىپو­داق مۇشەلەرى كەزەكتەن تىس پرەزي­دەنتتىك سايلاۋعا ءبىر كىسىدەي ءۇن قوسىپ، سىندارلى ساتتە توپ­تاس­قاندىقتىڭ بيىك ۇلگىسىن كورسە­تەتىنىن العا تارتتى. 
 
 سولتۇستىك قازاقستان وبلىسى
سوڭعى جاڭالىقتار

تەاتردىڭ ونلاين تارتۋى

رۋحانيات • بۇگىن، 20:42

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

ۇقساس جاڭالىقتار