ۇرلىق انىقتالۋدا
بەيسەنبى, 7 ماۋسىم 2012 7:21
استانا قالاسى بويىنشا قارجى پوليتسياسى دەپارتامەنتى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى لاۋازىمدى تۇلعالارىنىڭ «اۋىز سۋ» سالالىق مەملەكەتتىك باعدارلاماسى اياسىندا بولىنگەن 1,5 ملرد.تەڭگە بيۋدجەت قاراجاتىن ۇرلاۋ دەرەگى بارلىعىن انىقتادى, دەپ حابارلادى قارجى پوليتسياسىنىڭ ءباسپاسوز قىزمەتى.
بەيسەنبى, 7 ماۋسىم 2012 7:21
استانا قالاسى بويىنشا قارجى پوليتسياسى دەپارتامەنتى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى لاۋازىمدى تۇلعالارىنىڭ «اۋىز سۋ» سالالىق مەملەكەتتىك باعدارلاماسى اياسىندا بولىنگەن 1,5 ملرد.تەڭگە بيۋدجەت قاراجاتىن ۇرلاۋ دەرەگى بارلىعىن انىقتادى, دەپ حابارلادى قارجى پوليتسياسىنىڭ ءباسپاسوز قىزمەتى.
پرەزيدەنت جارلىعىمەن ەرەكشە ستراتەگيالىق ماڭىزى بار دەپ تانىلعان رەسپۋبليكانىڭ 7 وبلىسىندا (شىعىس قازاقستان وبلىسى, باتىس قازاقستان وبلىسى, قاراعاندى, اقتوبە, جامبىل, قوستاناي جانە الماتى وبلىستارى) ورنالاسقان 36 سۋ جۇيەلەرىن تەكسەرۋ بارىسىندا مۇندا «اۋىز سۋ» مەملەكەتتىك باعدارلاماسى بويىنشا بولىنگەن 1,5 ملرد.تەڭگەنى ۇرلاۋ دەرەگى انىقتالعاندىقتان 2012 جىلعى 31 مامىردا اۋىل شارۋاشىلىعى ءمينيسترلىگىنىڭ سۋ رەسۋرستارى كوميتەتىنىڭ لاۋازىمدى تۇلعالارى مەن وزگە دە ادامدارىنا قاتىستى قىلمىستىق ءىس قوزعالدى.
وسىنداي كوپقىرلى تەكسەرۋلەردەن جىل سايىن 25 جىلدان استام ۋاقىت پايدالانىلعان ءجۇيەلەر مەن قۇرىلعىلار ءوتۋى ءتيىس. ولاردىڭ بەرىكتىلىگى, تۇراقتىلىعى مەن پايدالانۋ جارامدىلىعىنا قاراپ جاعدايى انىقتالادى. اتالعان نىسانداردى تەكسەرۋ قىزمەتتەرىنە مەملەكەتتىك ساتىپ الۋدىڭ كونكۋرستارىن وتكىزگەندە سۋ رەسۋرستارى كوميتەتىنىڭ لاۋازىمدى تۇلعالارى «مەملەكەتتىك ساتىپ الۋلار تۋرالى» قازاقستان رەسپۋبليكاسىنىڭ زاڭىنىڭ نورمالارىن ورەسكەل بۇزۋمەن جۇرگىزگەندىگى انىقتالدى.
بارلىق 36 نىسان بويىنشا اتقارىلعان جۇمىستاردىڭ جالعان اكتىلەرى جاسالىپ, ولارعا قول قويىلعان. بۇل اكتىلەردىڭ ءناتيجەسىندە «اككە استانا» جشس-نە 1,5 ملرد.تەڭگە بيۋدجەت قاراجاتى اۋدارىلعان. كاسىپورىن باسشىسى اقشالاي قاراجاتتى يەمدەنىپ ءوز قاجەتتىلىكتەرىنە جۇمساعان.
بيۋدجەت قاراجاتىن ۇرلاۋدىڭ وسى دەرەگىنە قاتىسى بار دەگەن سۋ رەسۋرستارى كوميتەتىنىڭ لاۋازىمدى ادامدارى سانى انىقتالۋدا.
اتالعان دەرەك مەملەكەتكە ءىرى كولەمدە زالال كەلتىرگەن جۇيەلى سيپاتتاعى سىبايلاس جەمقورلىق قىلمىس بولعاندىقتان جانە اۋقىمى بويىنشا ەلدىڭ تەڭ جارتىسىن دەرلىك قامتىعاندىقتان, ونى تەرگەۋ ءىسى اگەنتتىك باسشىلىعىنىڭ ەرەكشە باقىلاۋىنا الىندى.
وزگە اقپارات تەرگەۋ مۇددەسىنە بايلانىستى جاريالانبايدى.
