ارىسى – لوندون, بەرىسى رەسەيدەن كەلگەن ساراپشىلاردىڭ پىكىرىنەن ۇققانىمىز 2019 جىلعى نازار اۋدارۋىمىز كەرەك ماسەلەلەر وسى كۇنگە دەيىنگىلەرگە مۇلدەم ۇقسامايدى ەكەن. بۇلاي دەپ بولجام ايتۋعا 2018 جىلعى ەكونوميكانىڭ بارلىق سالاسىنداعى بايقالىپ قالعان فاكتورلار سەبەپ بولىپ وتىر ەكەن.
بۇگىنگى تاڭدا الەمدەگى ەڭ باستى تاۋەكەلدەردىڭ ءبىرى ول, - الەمدىك ەكونوميكا دامۋىنىڭ باسەڭدەۋى». بۇگىن الماتىدا باستالعان «حالىقارالىق ريسك-مەنەدجمەنت بويىنشا كونفرەنتسيادا» «ەۋرازيا» ساقتاندىرۋ كومپانياسى» اق باسقارماسىنىڭ توراعاسى بوريس ۋمانوۆ وسىنداي پىكىر ءبىلدىردى. ونىڭ ايتۋىنشا, جالپى حالىق ءۇشىن, ساقتاندىرۋ كومپانيالارى ءۇشىن ەڭ باستىسى - ەلدەردىڭ تۇراقتى تۇردە دامىپ وتىرعاندىعى.
«ەگەر قىتايدىڭ, ەۋروپانىڭ ەكونوميكاسىنىڭ دامۋى تەجەلەتىن بولسا, بۇل قازاقستانعا دا وڭاي تيمەيدى. ياعني, قازاقستاننىڭ ەكسپورتقا شىعاتىن ونىمدەرىنە: مۇنايعا, مىسقا, اليۋمينيگە جانە باسقا دا ونىمدەرگە سۇرانىس تومەندەيدى. بۇل ەكونوميكامىزعا كەرى اسەر ەتەدى. سول ءۇشىن بۇكىل الەمدە ءوندىرىس توقتاۋسىز دامىپ وتىرۋى ءتيىس. ال وسىنداي تاۋەكەلدەردەن بارىنشا ساقتانۋ ءۇشىن بۇل اتالعان ونىمدەردەن وتاندىق جاڭا ونىمدەر شىعارۋ كەرەك», -دەدى بوريس ۋمانوۆ.
ا.م. ۆەست رەيتينگ اگەنتتىگىنىڭ باسشىسى ۆاسيليس كاتسيپيس تسيفرلى ەكونوميكانىڭ سوڭى الەمدىك ەكونوميكانىڭ ينتەگراتسيالانۋىنا ۇلاساتىنىن ايتتى. بۇل فاكتور ساقتاندىرۋ نەمەسە ساراپتاما جاسايتىن اگەنتتەردىڭ مىندەتتەرىن اۋىرلاتىپ, باعىتتارىن ءارتاراپاتاندىرىپ جىبەرىپتى. وسىعان دەيىن ساقتاندىرۋ سالاسىندا م ۇلىك نەمەسە ءومىردى ساقتاندىرۋ ترەند بولسا, ەندى بۇل قاتارداعى قۇبىلىستاردىڭ بىرىنە اينالىپتى.
«قازىر الەم – ينتەلەكتۋالداردىڭ مۇمكىندىگىنە نازار اۋدارا باستادى. قازىرگى ترەند الەمدىك اقىل ويدى ساقتاندىرۋ. قازىر ءتىپتى عارىشتا ءجۇرىپ تە كومپبيۋرگە كىرىپ, دەرەكتەر بازاسىندا ساقتالعان تەحنولوگيالىق يدەيالاردى ۇرلاپ الۋعا نەمەسە ونى ساتىپ جىبەرۋگە بولادى. اقش نەمەسە لوندون كومپانيالارى حاكەرلەر شابۋىلىنان الەمدە 4 ملرد اككاۋنت جوعالىپتى.
قازىر تسيفرلاندىرۋدان تونگەن قاۋىپ ۋاقىت وتكەنس سايىن ەسەلەنىپ بارادى. بۇل كومپانياداعى اقپاراتتى تەحنولوگيا سالاسى ماماندارىنىڭ پروبلەمەسى ەمەس, ءبارىمىزدىڭ پروبلەمامىز», -دەپ اتاپ ءوتتى ۆاسيليس كاتسيپيس. حالىقارالىق كونفەرەنتسيا ەرتەڭ جالعاسادى.
