وسك پرەزيدەنت سايلاۋىنا قاتىستى ءىس-شارالاردىڭ كۇنتىزبەلىك جوسپارىن جاريالادى

2019 جىلعى 10 ساۋىردە قازاقستان رەسپۋبليكاسى ورتالىق سايلاۋ كوميس­سيا­سىنىڭ وتىرىسى ءوتتى, وعان ساياسي پارتيالاردىڭ وكىلدەرى, سونداي-اق وبلىستاردىڭ, رەسپۋبليكالىق ماڭىزى بار قالالاردىڭ جانە رەسپۋبليكا استا­ناسىنىڭ اۋماقتىق سايلاۋ كوميس­سيا­لارى­نىڭ مۇشەلەرى بەينەكونفەرەنتسيالىق بايلانىس تۇرىندە قاتىستى. وتىرىستا ەكى ماسەلە قارالدى:

1. 2019 جىلعى 9 ماۋسىمعا تاعايىن­دالعان قازاقستان رەسپۋب­ليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ جوسپارىن بەكىتۋ تۋرالى;

2. 2019 جىلعى 9 ماۋسىمعا تاعايىن­دالعان قازاقستان رەسپۋب­ليكاسى پرەزي­دەنتىنىڭ كەزەكتەن تىس سايلاۋى جونىندەگى سايلاۋ قۇجاتتارىنىڭ نىساندارىن بەلگىلەۋ تۋرالى.

كۇنتىزبەلىك جوسپار تۋرالى بايان­داما­مەن قر وسك توراعا­سىنىڭ ورىن­باسارى كونستانتين ۆيكتوروۆيچ پەتروۆ ءسوز سويلە­دى. سايلاۋ قۇجات­تارى­نىڭ نىسان­­دارىن بەلگىلەۋ ماسەلەسى بويىنشا ورت­ساي­لاۋكومنىڭ سايلاۋ پروتسە­سىن ۇيىم­داس­تىرۋ ءبولىمىنىڭ مەڭ­گەرۋشىسى داۋرەن تىلەۋكەن ۇلى ىس­قاقوۆ بايانداما جاسادى.

1. 2019 جىلعى 9 ماۋسىمعا تاعايىن­دالعان قازاقستان رەسپۋبليكاسى پرە­زي­دەنتىنىڭ سايلاۋىن ازىرلەۋ مەن وتكىزۋ جونىندەگى نەگىزگى ءىس-شارا­لارى­نىڭ كۇنتىزبەلىك جوسپارى.

قازاقستان رەسپۋبليكاسى پرەزي­دەنتىنىڭ كەزەكتەن تىس سايلاۋى جونىندەگى نەگىزگى ءىس-شارالاردىڭ كۇنتىزبەلىك جوس­پارى سايلاۋ تۋرالى قولدانىستاعى زاڭناماعا قاتاڭ سايكەس تۇردە ازىرلەندى.

ناۋقاننىڭ جەكەلەگەن كەزەڭ­دەرى­نىڭ ۇزاقتىعىن ايقىنداۋ ءۇشىن نەگىز «قازاقستان رەسپۋب­لي­­كا­­­سىن­داعى سايلاۋ تۋرالى» كونس­­تي­تۋتسيالىق زاڭ­نىڭ 66-1-با­بى بولىپ تابىلادى. قازاق­ستان رەس­پۋب­ليكاسى پرەزيدەنتiنiڭ كە­زەك­­­تەن تىس سايلاۋى جونىندەگى
ءىس-شارا­­­لاردى وتكىزۋ مەرزiمدەرiن ور­تا­­­­لىق سايلاۋ كوميسسياسى بەلگi­لەي­دi. وسى جوسپارعا سايكەس قازاقستان رەس­­پۋب­­ليكاسى پرەزي­دەنتىنىڭ لاۋازىمىنا كان­دي­­دات­تاردى ۇسىنۋ سايلاۋ تاعا­­يىن­­دال­عان كۇننەن كەيىنگى كۇننەن, ياعني 2019 جىلعى 10 ساۋىردەن باستالىپ, اعىم­داعى جىلدىڭ 28 ساۋىرىندە ساعات 18-00-دە اياقتالادى. پرەزي­دەنتتiككە كان­دي­داتتاردى ۇسىنۋ قۇقىعى «سايلاۋ تۋرالى» كونس­تي­تۋتسيالىق زاڭنىڭ 55-بابى 1-تارماعىنا سايكەس بەلگi­لەن­گەن ءتارتiپپەن تiركەلگەن رەس­پۋب­ليكالىق قوعامدىق بiرلەس­تiك­تەرگە تيەسىلى. ۇسىنۋ تۋرا­لى شەشىم رەسپۋبليكالىق قو­عام­­دىق بىرلەستىكتىڭ جوعارعى ور­گا­نى مۇشەلەرىنىڭ جالپى سانى­نىڭ كوپ­شىلىك داۋىسىمەن قابىل­دانادى. كان­ديدات­تاردىڭ كونس­تيتۋتسيادا جانە «ساي­لاۋ تۋرا­لى» كونستيتۋتسيالىق زاڭدا قويى­­لاتىن تالاپتارعا سايكەستiگiن انىق­تاۋ­دى ورتالىق سايلاۋ كوميسسياسى رەس­پۋب­ليكالىق قوعامدىق بiرلەستiكتiڭ جوعارى ورگانى وتىرىسىنىڭ كانديداتتى ۇسى­نۋ تۋرالى حاتتاماسىنان ءۇزiندi كوشىر­مە كانديداتتىڭ داۋىسقا تۇسۋگە كەلi­سiم بە­رۋi تۋرالى ءوتiنi­شiمەن جانە كاندي­دات­­تىڭ ساي­لاۋ جارناسىن ەنگىزگەنىن كۋا­لان­­­­دى­راتىن قۇجاتپەن بىرگە ۇسىنىل­عان كەز­دەن باستاپ بەس كۇن iشiندە جۇزەگە اسىرادى.

كونستيتۋتسيا مەن «قازاقستان رەس­پۋب­لي­كاسىنداعى سايلاۋ تۋرا­لى» كونستي­تۋ­تسيالىق زاڭىندا قويىلعان  تالاپتار:

- تۋمىسى بويىنشا ازاماتتىعى;

- سوڭعى 15 جىلدا قازاقستان رەسپۋب­ليكاسىنىڭ اۋماعىندا تۇرۋى;

- جوعارى ءبىلىمى;

- 40 جاسقا تولعان بولۋى;

- بەلسەندى سايلاۋ قۇقىعى بولۋى;

- مەملەكەتتىك قىزمەتتە نەمەسە سايلانبالى لاۋازىمدا كەم دەگەندە 5 جىل جۇمىس تاجىريبەسىنىڭ بولۋى;

- مەملەكەتتىك ءتىلدى ەركىن مەڭ­گەرۋى.

پرەزيدەنتتىككە كانديدات­تاردى  قولداۋ وبلىستاردىڭ, رەسپۋبليكا­لىق ماڭىزى بار قالالاردىڭ جانە استانانىڭ كەم دەگەندە 2/3 بولىگىن تەڭ دارەجەدە بىلدىرەتىن سايلاۋشىلاردىڭ كەم دەگەندە 1% -نىڭ قولدارىن جي­ناۋمەن راس­تالۋى ءتيىس. 01.01.2019 ج. جاعداي بويىنشا قازاق­ستان رەسپۋبليكاسى ورتالىق ساي­لاۋ كوميسسياسى 11 814 019 داۋىس بەرۋگە قۇقىعى بار ازاماتتى قازاق­ستان رەسپۋبلي­كا­سىنىڭ ساي­لاۋ­شىلار تىزىلىمىنە ەنگىزگەن. وسىلايشا, ءاربىر كاندي­داتتى قولداۋ ءۇشىن 118 140 ساي­لاۋ­شى­نىڭ تۇپنۇسقالى قولى جينا­لۋى ءتيىس. قول قويۋ پاراق­تارىن بەرۋ كان­دي­­دات­تىڭ كونس­تيتۋ­تسيا مەن كونس­تي­تۋ­تسيالىق زاڭ­نىڭ تالاپتارىنا ءساي­كەس­تىگىن انىق­­تاعاننان كەيىن 5 كۇن ءىشىن­دە جۇزەگە اسىرىلادى. قول جي­ناۋدى پرەزيدەنتتىككە كاندي­دات­تاردىڭ سەنىم بىلدىرگەن ادامدارى ۇيىمداستىرادى. سەنىم بىلدىرىلگەن ادامداردى تىركەۋ­دى, سونداي-اق قولداردىڭ ءتۇپنۇس­قالىلىعىن تەكسەرۋ ءراسىمىن اۋماقتىق سايلاۋ كوميسسيالارى پاسپورتتىق قىزمەتتەرىنىڭ قىز­مەتكەرلەرىن تارتا وتىرىپ جۇرگىزەدى.

پرەزيدەنتتىككە كانديداتتار رەتىندە تىركەلۋ ءۇشىن ۇسىنىلۋ­شىلار ۇسىنىلاتىن ايدىڭ ءبىرىنشى كۇنىندەگى, ياعني  01.04.2019 ج. جاع­داي بويىنشا ءوزىنىڭ جانە جۇ­بايىنىڭ (زايىبىنىڭ) كىرىستەرى مەن مۇلكى تۋرالى دەكلاراتسيالار تاپسىرعانى جونىندە مەملەكەتتىك كىرىس ورگانىنىڭ انىقتاماسىن, سونداي-اق ءوزىنىڭ دەنساۋلىق جاع­دايى تۋرالى مەديتسينالىق قورى­تىندىنى تاپسىرۋى قاجەت. كان­دي­داتتاردى تىركەۋ اعىمداعى جىل­دىڭ 11 مامىرى كۇنگى ساعات 18.00-گە دەيىن جالعاسادى. تاپ­سىرىل­عان دەكلاراتسيالاردا كانديداتتاردىڭ كىرىستەرى مەن مۇلكى تۋرالى مالىمەتتەردىڭ راس ەمەستىگى انىقتالعان جاعدايدا ورتا­لىق سايلاۋ كوميسسياسى كاندي­داتتاردى تىركەۋدىڭ كۇشىن جويا الادى.

سايلاۋ الدىنداعى ۇگىت تىركەۋ كەزەڭى اياق­تالعاننان كەيىن دەرەۋ باستالادى جانە دا­ۋىس بەرۋ كۇنى الدىنداعى كۇنگى 00-00 سا­عاتقا دەيىن, ياعني 8 ماۋسىم كۇنگى 00-00-گە دەيىن جالعاسادى. «سايلاۋ تۋرالى» كونستيتۋتسيالىق زاڭىنىڭ 28-بابىنىڭ 3-تارماعىنا ءساي­كەس قازاقستان رەسپۋبليكاسىنىڭ پرە­زيدەنتiنە تiركەلگەن كانديداتتارعا ەفير جانە ءباسپاسوز بەتىنەن ورىن بەرۋ تولەماقىسىنىڭ مولشەرى, شارتتارى مەن ءتارتىبى تۋرالى مالىمەتتەردى حابارلاۋ مەن جاريالاۋ سايلاۋ الدىنداعى ۇگىت باستالعانعا دەيiن 5 كۇننەن كەشiك­تiرiلمەي, ياعني اعىمداعى جىلدىڭ 5 ما­مى­رىنا دەيىن وتكiزiءلۋى تيiس. كۇنتىزبەلىك جوسپارداعى بىرقاتار باپتار سايلاۋ پروتسەسىنە قاتىسۋشىلاردى سايلاۋ كوميسسيالارىنىڭ قۇرامدارى, سايلاۋ ۋچاسكەلەرىنىڭ ورنالاسقان جەرلەرى, سايلاۋشىلاردىڭ تىزىمدەرىن تانىسۋ ءۇشىن ۇسىنۋ مەرزىمدەرى تۋرالى اقپارات­تاندىرۋ مەرزىمدەرىن بەلگىلەيدى.

داۋىس بەرۋ 9 ماۋسىمدا جەرگىلىكتى ۋا­قىت بويىنشا 07-00-دەن 20-00-گە دە­يىن بولادى. داۋىس بەرۋ اياقتالعان كەز­دەن باس­تاپ 12 ساعاتتان كەشىكتىرمەي ساي­لاۋ ۋچاس­كەلەرىندە داۋىستاردى ساناۋ جۇرگىزىلەدى.

اكىمشىلىك-اۋماقتىق بىرلىكتەر بويىنشا داۋىستاردى ساناۋ ناتيجە­لەرى اۋماقتىق كوميسسيالاردىڭ وتىرىس­تارىندا بەلگىلەنەدى جانە وسك-عا ەكى كۇن مەرزىم ىشىندە (11 ماۋسىمنان كەشىكتىرمەي) جەتكىزىلەدى.

ورتالىق سايلاۋ كوميسسيا­سىنىڭ سايلاۋ ناتيجەلەرىن بەلگىلەۋىنە جانە جاريالاۋىنا, سايلانعان پرەزيدەنتتى تىركەۋىنە 7 كۇن.

2. سايلاۋ قۇجاتتارىنىڭ نىساندارىن بەلگىلەۋ تۋرالى

«قازاقستان رەسپۋبليكاسىن­داعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 12-بابىنىڭ 1), 2), 6) تارماقشالارىنا, سونداي-اق قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋدى ۇيىمداستىرۋ ماقساتىندا «2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزي­دەنتىنىڭ كەزەكتەن تىس سايلاۋى جونىندەگى سايلاۋ قۇجاتتارىنىڭ نىساندارىن بەلگىلەۋ تۋرالى» ورتالىق سايلاۋ كوميسسيا­سىنىڭ قاۋلىسى ازىرلەندى.

اتالعان قاۋلىمەن سايلاۋ پروتسەسى­نىڭ بارلىق كەزەڭدەرىندە قاجەتتى قۇجات­تاردىڭ نىساندارىن بەكىتۋ كوزدەلگەن.

پرەزيدەنتتىڭ كەزەكتەن تىس سايلاۋى بويىنشا سايلاۋشى­لاردىڭ ءتىزىمى.

پرەزيدەنتتىككە كانديداتتى قولداپ قول جيناۋعا ارنالعان قول قويۋ پاراعى. قول قويۋ پاراعىنىڭ نىسانى كونستيتۋتسيالىق زاڭنىڭ 56-بابىنىڭ 4-تارماعىنا سايكەس ازىرلەندى. قول قويۋ پاراعى ءبىر پاراقتا ەكى جاعىنان, ورتالىق ساي­لاۋ كوميسسياسىنىڭ ءتۇرلى-ءتۇس­تى لوگوتيپى بار بلانكىندە باسىلادى.

پرەزيدەنتتىككە كانديدات بولىپ داۋىس­قا تۇسۋگە كەلىسىمى تۋرالى ءوتىنىش­تىڭ نىسانى. ءوتىنىش­تە پرەزيدەنتتىككە كان­دي­­داتتىڭ زاڭناما تالاپتارىنا سايكەس­­تىگىن تەكسەرۋ ءۇشىن قاجەتتى كاندي­دات تۋرالى دەرەكتەر كورسەتىلەدى. ءوتى­نىش­­كە بەلگىلەنگەن نىسان بويىن­شا بيو­گرا­فيالىق دەرەكتەر; مەمل­ەكەتتىك قىز­مەتتەگى نەمەسە سايلان­بالى مەملەكەتتىك لاۋا­زىمدارداعى جۇمىس تاجىريبەسى تۋرالى ءمالى­مەت­تەر; سايلاۋ جارناسىن ەنگىز­گەنىن كۋالاندىراتىن قۇجات قوسا بەرىلەدى.

پرەزيدەنتتىككە كانديدات­تىڭ سەنىم ءبىلدى­رىلگەن ادامدارىن ءتىر­كەۋ تۋرالى اۋماق­تىق سايلاۋ كوميس­سياسى حات­تاما­سى­نىڭ نىسا­نى. كونستيتۋتسيالىق زاڭ­نىڭ 31-بابى­نىڭ 2-تارماعىندا كاندي­­دات­تار سەنiم بiلدiرiلگەن ادام­دا­رىن وزدەرىنىڭ قالاۋلارى بويىن­شا ءتيىستى سايلاۋ وكرۋگiندەگi ءار ساي­لاۋ ۋچاس­كەسىنە ءۇش ادامنان اسپايتىن ساندا انىق­تاي­دى جانە ولاردى تiركەۋ ءۇشiن تيiستi ساي­لاۋ كوميس­سياسىنا حابارلايدى دەپ بەلگىلەنگەن.

پرەزيدەنتتىككە كانديداتتى قول­داپ قويىلعان قولداردىڭ دۇرىس­­تى­­عىن تەكسەرۋ ناتيجەلەرى تۋرالى اۋماق­تىق سايلاۋ كوميس­سياسى حات­تا­ما­سى­­نىڭ نىسانى. قويىل­عان قول­دار­دىڭ دۇ­رىس­تىعىن تەكسەرۋ پرەزي­دەنت­تىككە كانديدات­قا قاج­ەتتى ساندا قويى­لعان دۇرىس قولدار انىقتالعانعا دەيىن, كونس­تي­تۋ­تسيالىق زاڭ تالاپتارىنا سايكەس جۇرگىزىلەدى.

پرەزيدەنتتىككە كاندي­داتتىڭ وعان كونس­تيتۋتسيادا جانە كونس­تيتۋتسيا­لىق زاڭدا قويىلا­تىن تا­لاپ­­تارعا سايكەس­تىگىن انىق­تاۋ تۋرالى ور­تا­لىق سايلاۋ كوميس­سيا­سى حات­تا­ماسىنىڭ نىسانى. كاندي­داتتىڭ ءساي­كەستىگىن انىقتاۋ, سونىڭ ىشىندە ىشكى ىستەر, ءبىلىم جانە عىلىم مينيسترلىك­تەرى, مە­ملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى, باس پروكۋ­راتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى بەرگەن مالىمەتتەر نەگى­زىندە جۇزەگە اسىرىلادى.

داۋىس بەرۋدىڭ باستالۋى مەن اياقتالۋىنىڭ وزگە ۋاقىتىن بەلگىلەۋ تۋرالى اۋماقتىق سايلاۋ كوميسسياسى شەشىمىنىڭ نىسانى. كونستيتۋتسيالىق زاڭنىڭ 38-بابىنىڭ 1-تارماعىنا ءساي­كەس اۋماقتىق سايلاۋ كوميسسيالارى تيiس­تi اكiمنiڭ, ۋچاسكەلiك سايلاۋ كوميس­سيالارىنىڭ ۇسىنىسى بويىنشا داۋىس بەرۋدi باستايتىن جانە اياقتايتىن باسقا ۋاقىت بەلگiلەۋگە قۇقىلى. بۇل وراي­دا داۋىس بەرۋدi ساعات التىدان ەرتە باستاپ, ساعات جيىرما ەكiدەن كەش اياقتاۋ­عا بولمايدى. داۋىس بەرۋدi باستاۋ جانە اياقتاۋ ۋاقىتىن وزگەرتۋ تۋرالى اۋماق­تىق كوميسسيالاردىڭ شەشiمi سايلاۋ­شىلاردىڭ نازارىنا جەتكىزىلۋگە ءتيىس.

داۋىس بەرۋ كەز كەلگەن ۋاقىتتا اياقتالۋى مۇمكىن سايلاۋ ۋچاسكەلەرىنىڭ تىزبە­سىن بەكىتۋ تۋرالى اۋماقتىق ساي­لاۋ كوميسسياسى شەشىمىنىڭ نىسانى. 38-باپتىڭ 3-تارماعىندا بىلاي دەپ بەكىتىلگەن: «قازاقستان رەس­پۋب­ليكاسىنىڭ يەلiگiندەگi جانە سايلاۋ كۇنi جۇزۋدە جۇرگەن كەمەلەردە, اسكەر بولiمدەرiندە, شالعايداعى جانە قاتىناسۋ قيىن اۋدانداردا, الىستاعى مال شارۋاشىلىعى ۋچاسكەلەرiندە, دەمالىس ۇيلەرiندە, ساناتوريلەردە, تۇراقتى ەمدەۋ-پروفيلاكتيكالىق مەكەمەلەرiندە, تەرگەۋ يزولياتورلارى مەن ۋاقىتشا ۇستاۋ يزولياتورلارىندا, سونداي-اق شەت مەم­لەكەتتەردەگi قازاقستان رەس­پۋب­­لي­كاسىنىڭ وكiلدiكتەرi جانىنان قۇرىلعان سايلاۋ ۋچاسكەلەرiندە, ەگەر تiزiمگە ەنگiزiل­گەن سايلاۋشىلاردىڭ ءبارi داۋىس بەرسە, ۋچاسكەلiك سايلاۋ كوميسسياسى داۋىس بەرۋدi كەز كەلگەن ۋاقىتتا اياقتالدى دەپ جاريالاي الادى. مۇنداي ۋچاسكەلەردiڭ تiزبەسiن تيiستi سايلاۋ كوميسسياسى سايلاۋعا دەيiن جەتi كۇننەن كەشiكتiرمەي بەكiتەدi».

سايلاۋ ۋچاسكەسىن اشۋ تۋرالى ۋچاس­كەلىك سايلاۋ كوميسسياسى حاتتاما­س­ى­­نىڭ نىسانى. داۋىس بەرۋدى اشۋ كونس­تي­تۋتسيالىق زاڭنىڭ 40-بابىمەن رەتتەلەدى.

سايلاۋ ۋچاسكەسى بويىنشا پرەزي­دەنت­تىڭ كەزەكتەن تىس ساي­لاۋىندا داۋىس بەرۋ ناتيجەلەرى تۋرالى ۋچاسكەلىك سايلاۋ كوميس­سياسى حاتتاماسىنىڭ نىسانى. داۋىستاردى ساناۋدى سايلاۋ كوميسسياسىنىڭ مۇشەلەرى داۋىس بەرۋ قورىتىندىلارى انىقتالعانعا دەيىن ءۇزىلىسسىز جۇرگىزەدى, ولار داۋىستاردى ساناۋ كەزىندە قاتىساتىن ادامداردىڭ نازارىنا جەتكىزىلۋى ءتيىس. سايلاۋ ۋچاس­كەسىندە داۋىستاردى ساناۋ ۋاقىتى داۋىستاردى ساناۋ باستالعاننان ون ەكى ساعاتتان اسپاۋى ءتيىس.

پرەزيدەنتتىڭ كەزەكتەن تىس ساي­لاۋىن­دا داۋىستاردى ساناۋ ءناتي­جە­لەرى تۋرالى اۋماقتىق سايلاۋ كو­ميس­­سياسى حاتتا­ماسى­نىڭ نى­سانى. پرە­زيدەنت سايلاۋىندا داۋىس­تار­دى ساناۋ ناتيجەلەرى اۋماقتىق سايلاۋ كوميسسياسىنىڭ وتىرىسىندا انىق­تالىپ, كوميسسيا توراعاسى مەن مۇشەلەرى قول قوياتىن حاتتاماعا ەنگىزىلەدى جانە ەكى كۇندىك مەرزىمدە ورتالىق سايلاۋ كوميسسياسىنا جىبەرىلەدى.

پرەزيدەنتتىڭ كەزەكتەن تىس ساي­لاۋى­نىڭ قورىتىندىلارى تۋرالى ور­تالىق سايلاۋ كوميس­سياسى حات­تاما­سى­نىڭ نىسانى. 65-باپتىڭ 1-تار­ماعىنا سايكەس ورتالىق سايلاۋ كوميسسياسى اۋماقتىق سايلاۋ كوميسسيا­سى حاتتامالارىنىڭ نەگiزiندە سايلاۋ­دان كەيiن جەتi كۇندiك مەرزiمنەن كەشiك­تiرمەي پرەزيدەنت سايلاۋىنىڭ قورىتىندىلارىن بەلگiلەيدi جانە تيiستi قاۋلى قابىلدايدى.

پرەزيدەنتتىككە كانديدات كۋا­لىگىنىڭ نىسانى. ورتا­لىق سايلاۋ كوميسسياسى پرەزي­دەنتتىككە كانديداتتى تىركەۋ كەزىن­دە ءتيىستى كۋالىك بەرەدى.

پرەزيدەنتتىككە كانديدات­تىڭ سەنىم بىلدىرىلگەن ادامى كۋالىگىنىڭ نىسانى. اۋماقتىق سايلاۋ كوميسسياسى سەنىم بىلدىرىلگەن ادامداردى تىركەگەن سوڭ ءتيىستى كۋالىك بەرەدى.

حالىقارالىق بايقاۋ­شى كۋا­لىگى­نىڭ نىسانى. كونس­تي­تۋتسيالىق زاڭ­نىڭ 20-2-بابى­نىڭ 2 جانە 4-تارماق­تارى­نا سايكەس شەت مەملەكەتتەر مەن حالىق­ارال­ىق ۇيىمداردىڭ بايقاۋشى­لارى قازاق­­ستان رەسپۋبليكاسى سىر­تقى ىستەر مي­نيستر­لىگىنىڭ ۇسى­نۋى بويىن­شا ور­تالىق سايلاۋ كوميس­سياسى­نىڭ جانىن­دا اككرە­­ديتتەلەدى. شەت مەم­لەكەتتەر مەن حالىق­ارالىق ۇيىمداردىڭ اككرە­ديتتەل­گەن باي­قاۋشىلارىنا ولاردىڭ سايلاۋ ناۋ­­قانىن وتكىزۋ كەزەڭىندەگى قىزمەتى ءۇشىن نە­گىز بولىپ تابىلاتىن, ورتالىق سايلاۋ كو­مي­س­سيا­سى بەلگىلەگەن ۇلگىدەگى كۋالىك بەرىلەدى.

ءتيىستى اكىمشىلىك-اۋماقتىق بىرلىك بو­يىنشا تانىسۋ ءۇشىن سايلاۋشىلار ءتىزىمى ۇسىنىلعان كۇنگى سايلاۋ ۋچاس­كە­لە­رى­نىڭ سانى جانە تىزىمدەرگە ەنگى­زىل­گەن ساي­لاۋ­شىلار سانى تۋرالى №1 حا­­­بار­­­دىڭ نىسانى. بۇل حاباردى اۋماق­تىق ساي­لاۋ كوميسسياسى ورتالىق سايلاۋ كوميس­سيا­سىنا سايلاۋشىلارعا تانىسۋ ءۇشىن ساي­ل­اۋ­شىلار تىزىمدەرىن ۇسىن­عاننان كەيىن بەرەدى.

ءتيىستى اكىمشىلىك-اۋماقتىق بىرلىك بويىنشا پرەزيدەنتتىڭ كەزەكتەن تىس سايلاۋىنا سايلاۋ­شىلاردىڭ كەلۋى تۋرالى №2 حابار­دىڭ نىسانى. بۇل حاباردى اۋماقتىق سايلاۋ كوميسسياسى سايلاۋ وتەتىن كۇنى ورتالىق سايلاۋ كوميسسياسىنا ءار ەكى ساعات سايىن بەرەدى.

ءتيىستى اكىمشىلىك-اۋماقتىق بىرلىك بويىنشا پرەزيدەنتتىڭ كەزەكتەن تىس سايلاۋىندا داۋىس­تاردى ساناۋ ءناتي­جە­لەرى تۋرالى №3 حاباردىڭ نىسا­نى. بۇل حاباردى اۋماقتىق سايلاۋ كوميسسياسى ورتالىق سايلاۋ كوميس­سياسىنا داۋىستاردى ساناعاننان كەيىن ەلەكتروندى تۇردە بەرەدى. ورتالىق سايلاۋ كوميس­سياسىنىڭ «2019 جىلعى 9 ماۋ­­سىمعا تاعايىندالعان قازاق­ستان رەسپۋبليكاسى پرەزيدەنتىنىڭ كەزەك­تەن تىس سايلاۋى جونىندەگى سايلاۋ قۇجاتتارىنىڭ نىساندارىن بەكىتۋ تۋرالى» تانىستىرىلعان قاۋ­لىسى زاڭناما تالاپتارى ەسكە­­رىلىپ ازىرلەندى جانە ورت­الىق سايلاۋ كوميسسياسىنىڭ اپپا­را­تىمەن جانە مۇشەلەرىمەن كەلىسىلدى.

باق جانە قوعامدىق بىرلەستىكتەرمەن ءوزارا ءىس-قيمىل ءبولىمى