قازاقتا «جاقسىلىقتىڭ تەزىرەك بولعانى قايىرلى» دەگەن ءسوز بار. كەزەكتەن تىس سايلاۋ وتكىزۋ تۋرالى شەشىم دەر كەزىندە جانە ەرتەڭگى كۇندى بۇگىن قامداۋدىڭ جارقىن كورىنىسى دەپ ويلايمىن. قازىر ءبىز تاريحي كەزەڭدى باستان ءوتكەرىپ جاتىرمىز. بۇل سايلاۋ – تاۋەلسىزدىگىمىزدەگى ماڭىزدى كەزەڭ. ويتكەنى ەلىمىزدە بيلىك ترانزيتىن جۇزەگە اسىرۋدىڭ وسىنداي قادامى ءجۇردى.
سايلاۋ قوعامدى قايتا قۇرۋ ەمەس, ونى جاقسارتا ءتۇسۋ, ىزگىلەندىرۋ سياقتى ماقساتپەن وتكىزىلەدى. بۇگىنگى قوعامىمىزداعى ەڭ باستى ماسەلە – قوعامىمىزداعى تاتۋلىق پەن كەلىسىمدى قامتاماسىز ەتۋ, سونىڭ ىشىندە جەكەمەنشىكتى بيزنەستى دامىتۋعا جاعداي جاساۋ. سايلاۋدىڭ مەرزىمىنەن بۇرىن ءوتۋى ەلىمىزدىڭ الەۋمەتتىك-ەكونوميكالىق دامۋ جولىندا العا قويعان ماقساتتارىن ودان ءارى جۇزەگە اسىرۋعا مۇمكىندىك بەرەدى. ويتكەنى بىزگە ناقتىلىق كەرەك. سايلاۋ بىزگە قوعامدا ءتۇرلى اڭگىمەلەر مەن كۇماندى ويلارعا جول بەرمەي, شەشىپ الىپ, ارى قاراي ەلباسىمىز سالىپ كەتكەن جولمەن جۇرۋگە كومەكتەسەدى. ءبىز قازىر جالپىعا ورتاق سايلاۋ داۋىرىندە ءومىر ءسۇرىپ جاتىرمىز دەسەك بولادى. بۇل ناقتى ايتقاندا مەملەكەتتىڭ دەموكراتيالىق, پروگرەسسيۆتىك, قۇقىقتىق جولمەن ءجۇرۋىنىڭ ناقتى كەپىلى. وسىنداي جاۋاپتى كەزەڭدە سايلاۋعا قاتىسۋ ازاماتتاردىڭ تەك ءوزىن-ءوزى قۇرمەتتەۋى عانا ەمەس, جالپى قازاقستاننىڭ بولاشاعىنىڭ, ۇرپاق الدىندا جاۋاپكەرشىلىگىن كورسەتەدى.
دارحان مىڭباي,
ءماجىلىس دەپۋتاتى
