رەسمي دەرەكتەرگە سايكەس, وتانداستارىمىزدىڭ اۋىر سىرقاتتارعا شالدىعۋ دەڭگەيى جىل وتكەن سايىن كوبەيىپ كەلەدى. ماسەلەن, 2017 جىلى تۇرعىندار اراسىندا العاش رەت تىركەلگەن سىرقاتتانۋشىلىق 100 مىڭ ادامدا 57896-عا جەتسە, بۇل قر دەنساۋلىق ساقتاۋ مينيسترلىگىنىڭ جىلدىق ستاتيستيكالىق ەسەبىنە سايكەس وتكەن جىلدىن كورسەتكىشىنەن 1,9% ارتىق. ال «Samruk-Kazyna Trust» الەۋمەتتىك جوبالار قورىنىڭ مالىمەتتەرى بويىنشا دارىگەرلەر 2018 جىلدىڭ سوڭىنا قاراي ەل ايماقتارىندا كەڭ تارالعان سىرقاتتاردىڭ ءبىرىنشى بەستىگىن انىقتادى. ولار – ارتەريالدى گيپەرتونيا, جۇرەكتىڭ يشەميالىق اۋرۋى, قانت ديابەتى, سوزىلمالى برونحيت, ەندەميالىق زوب. ەڭ قاۋىپتى دەرتتەر اراسىندا تۋبەركۋلەز, قانت ديابەتى مەن ونكولوگيا كوش باستاپ تۇر.
«قازاقستاندىقتار اراسىندا ونكولوگيالىق دەرتتەردى ەمدەۋدە كەشەندى ءادىس-تاسىلدەردى قولداناتىن, جوعارى تەحنولوگيالىق مەديتسينالىق ورتالىقتاردىڭ قىزمەتىنە دەگەن سۇرانىس ارتىپ كەلەدى», – دەيدى ىستامبۋلداعى Anadolu ەمحاناسىنىڭ پروفەسسورى, مەديتسينا عىلىمدارىنىڭ دوكتورى سەردار تۋرحال.
پروفەسسوردىڭ ايتۋىنشا, 2018 جىلى ءبىر عانا Anadolu (تۇركيا) ورتالىعىنا قازاقستاننان ناۋقاستار لەگى ارتقان. سونىڭ ناتيجەسىندە, قازاقستاندىق پاتسيەنتتەردىڭ 75%-نە ونكولوگيالىق سىرقاتتاردى ەمدەۋ بويىنشا قىزمەت كورسەتىلسە, 25% – ىشكى سىرقاتتار, جالپى حيرۋرگيا, نەيروحيرۋرگيا, پەدياتريا, كارديولوگيا, ۋرولوگيا, ەكو (ەكستراكورپورالدى ۇرىقتاندىرۋ), ايەلدەر سىرقاتتارى بويىنشا ەم قابىلداعان.
ەمحانا دەرەكتەرى بويىنشا, Anadolu ماماندارىنىڭ كومەگىنە جۇگىنگەن قازاقستاندىق ناۋقاستاردىڭ 30% ءوز دياگنوزى تۋرالى قازاقستاندا حاباردار بولعان, بىراق ءوز ەلىندە ەم قابىلداۋدى باستاماعان. قازاقستاندىقتاردىڭ 50% ەمدەۋدى قر باستاعان, بىراق ولار ەمنىڭ بالامالى تۇرلەرىن نەمەسە تەراپيانىڭ نەعۇرلىم ءتيىمدى ادىستەرىن زەردەلەۋدى ءجون كورگەن. قازاقستاندىق پاتسيەنتتەردىڭ 10%-ندە سىرقات اسقىنعان, كەش كەزەڭدە بولعان: قر ولارعا ەمنىڭ بىرنەشە نۇسقاسى ۇسىنىلماعان ەدى, ال Anadolu-دا مۇنداي سىرقاتتاردىڭ تابىستى تەراپياسىنىڭ تاجىريبەسى بار. پاتسيەنتتەردىڭ قالعان 10% ەمحانا كومەگىنە سىرقاتتىڭ تەرمينالدىق كەزەڭىندە جۇگىنگەن.
شەتەلدىك ماماندار قر مەديتسينالىق قىزمەتتەر نارىعىنداعى باسەكەلەستىكتىڭ ءوسۋى قازاقستاندىق نارىقتىڭ دامۋىنا جاڭا سەرپىن بەرەدى, دەگەن سەنىمدە.
