قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ءوز وكىلەتتىگىن ق.توقاەۆقا بەرگەن تاريحي كۇنىنەن باستاپ قازاقستان ءۇشىن تاريحي-دەموكراتيالىق دامۋدىڭ جاڭا ساپارى باستالدى. بۇل – ۋاقىت تالابى. قازاقستان حالقى وسىناۋ ساياسي جاڭعىرۋدىڭ ءمان-ماقساتىن, يدەيالىق ۇستانىمىن, جالپىۇلتتىق تۇجىرىمىن كەڭ كولەمدە قولداي وتىرىپ, ەل دامۋىنىڭ ەلەۋلى كەزەڭى, تاعدىرشەشتى جولى اقىل مەن پايىمعا, ساياسي ساۋاتتىلىق پەن سارابدال ويعا, ازاماتتىق كوزقاراسقا جۇگىنەتىنىنە سەنەدى.
جاھاندىق جىلناماعا كوز سالساق, وسىنداي اسا ماڭىزدى ساتتەردە كوپ ەل باسشىسىنا يەك ارتقان, حالىق بەرەكە-بىرلىكتى تۋ ەتىپ ۇستانىپ, ىنتىماقتىڭ ىرىسقا باستايتىنىن تەرەڭ تۇسىنگەن. وسى تۇرعىدان كەلگەندە, الدىمىزدا تۇرعان پرەزيدەنتتىك سايلاۋ ەلدىڭ رۋحاني-ساياسي ەسەيۋىنىڭ, ازاماتتىق تۇرعىدان, مەملەكەتتىك پەيىلدەن ۇلتتىق ۇجىمداسۋعا دايىن ەكەندىگىن كورسەتەدى. ەل نازارى پرەزيدەنتتىك لاۋازىمعا لايىقتى قازاقستان ازاماتىنا اۋادى, قوعامدىق ويدىڭ قوزعاۋشى كۇشى حالىقتىڭ ءبىر ماقساتقا ۇمتىلعان مۇراتىن ايقىنداپ بەرەدى.
وتەگەن ورالباي ۇلى,
مەملەكەتتىك سىيلىقتىڭ لاۋرەاتى, قازاقستاننىڭ ەڭبەك سىڭىرگەن قايراتكەرى
