ويتكەنى الەمدە بولىپ جاتقان وزگەرىستەردىڭ, ءتۇرلى سىناقتاردىڭ جيىلەپ كەتكەن جاعدايىندا پرەزيدەنتتىڭ وكىلەتتىگى تولىق بولۋى كەرەك. سوندا عانا ول اسا كۇردەلى شەشىمدەردى باتىلدىقپەن قابىلداي الاتىن بولادى. سايلاۋعا ءتۇسىپ, حالىقتىڭ سەنىمىن العان تۇلعالار عانا ەلدىڭ اتىنان باتىل شەشىمگە بارا الادى.
ارينە بىزدە جوعارعى بيلىك زاڭدى جولمەن اۋىستى. بيلىكتى بەيبىت جولمەن بەرۋدە ەلباسى نۇرسۇلتان نازارباەۆ بىردەن-ءبىر دۇرىس شەشىم قابىلدادى دەپ سانايمىن. زاڭ بويىنشا قاسىم-جومارت توقاەۆ 2020 جىلعا دەيىن سايلاۋعا تۇسپەي بيلىكتە وتىرا بەرۋگە قۇقى بار. بىراق ول جاقىن ۋاقىتتا سايلاۋ وتكىزىپ, پرەزيدەنتتى تۇپكىلىكتى سايلاۋ قاجەتتىگىن ايتتى. بۇل وتە دۇرىس شەشىم. ويتكەنى سايلانباعان پرەزيدەنتكە دەگەن سەنىم ءبارىبىر تومەندەۋ بولادى. ول ەلدىڭ ىشىندە عانا ەمەس, سىرتقى قاتىناستاردا دا بىلىنەدى. ارىپتەس مەملەكەتتەردىڭ باسشىلارى, ءىرى ينۆەستورلار پرەزيدەنتتىڭ كەپىلدىكتەرىنە سەنىمسىزدىكپەن قاراۋى مۇمكىن. سوندىقتان ەلدىڭ اتىنان ماڭىزدى شەشىمدەر قابىلداۋ ءۇشىن ونىڭ حالىق اتىنان سايلانعانى ءجون. سونىمەن بىرگە سايلاۋعا بارلىق ساياسي پارتيالاردان ۇمىتكەرلەر تىركەلەتىنى بەلگىلى. سايلاۋشىلار ولاردىڭ اراسىنان ەڭ سەنىمدى دەگەنىن تاڭداپ, داۋىس بەرەتىن بولادى. وسىنىڭ ءوزى دەموكراتيالىق قاعيداتتىڭ بىزدە تولىق ورىندالىپ وتىرعانىن كورسەتەدى.
تاراس حيتۋوۆ,
ءماجىلىس دەپۋتاتى
