ەلوردادا كاسىپوداقتار فەدەراتسياسى اتقارۋ كوميتەتىنىڭ كەزەكتەن تىس كەڭەيتىلگەن ءماجىلىسى ءوتتى. وندا قازاقستاندا كەزەكتەن تىس پرەزيدەنتتىك سايلاۋ وتكىزۋ تۋرالى ماسەلە تالقىلاندى. ءماجىلىستىڭ وتىرىسىنا كاسىپوداقتار فەدەراتسياسىنىڭ, سالالىق كاسىپوداق بىرلەستىكتەرىنىڭ جانە ءىرى باستاۋىش كاسىپوداق ۇيىمدارىنىڭ جەتەكشىلەرى قاتىستى. قاتىسۋشىلار مەملەكەت باسشىسىنىڭ ەلىمىزدەگى بارلىق الەۋمەتتىك جاۋاپكەرشىلىگى جوعارى, جاسامپاز كۇشتەردى قازاقستان رەسپۋبليكاسىندا حالىقارالىق نورمالار مەن ستاندارتتارعا ساي ءادىل دە اشىق سايلاۋ وتكىزۋگە قولداۋ كورسەتۋ تۋرالى مالىمدەمەسىنە ءبىراۋىزدان قولداۋ كورسەتتى.
قازاقستان رەسپۋبليكاسىنىڭ كاسىپوداقتار فەدەراتسياسى مەملەكەت باسشىسى ق.توقاەۆتىڭ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ تۋرالى باستاماسىن قولدايدى.
قازاقستان رەسپۋبليكاسىنىڭ كونستيتۋتسياسى – ەلىمىزدەگى ساياسي ءۇردىستىڭ ءتيىمدى قۇرالى رەتىندە مەملەكەتتىك بيلىك تارماقتارىنىڭ بىرلىگى مەن ءوزارا ۇيلەسىمدى بايلانىسىن, كونستيتۋتسيالىق زاڭدىلىقتىڭ نىعايۋىن, ادامنىڭ جانە ازاماتتىڭ قۇقىقتارى مەن بوستاندىقتارىن قامتاماسىز ەتەتىن تەتىك.
ءبىز قازاقستاننىڭ ازاماتتار مەن قوعامنىڭ ءال-اۋقاتىن جاقسارتۋعا باعىتتالعان الەۋمەتتىك دامۋىن جانە ۇيلەسىمدى قوعامدىق-ساياسي باعدارىن جالعاستىرا بەرەتىندىگىنە سەنىمدىمىز.
سونىمەن قاتار ەڭبەككەرلەردىڭ قۇقىعىن قورعاۋ, لايىقتى ەڭبەك ءۇشىن ءتيىمدى شارتتار قالىپتاستىرۋ, سونداي-اق الەۋمەتتىك ارىپتەستىكتىڭ ءتيىمدى ىنتىماقتاستىعى سالاسىنا قاتىستى كوپتەگەن كوكەيكەستى ماسەلەلەردى شەشۋدىڭ ماڭىزى زور ەكەنىن تۇسىنەمىز.
