لابوراتوريالىق مەديتسينا بويىنشا I حالىقارالىق كونگرەسس ءوتتى

سونىمەن فارابي فورۋمى كەزىندە لابوراتوريالىق مەديتسينا بويىنشا «كلينيكالىق مەديتسيناداعى زەرتحانالىق دياگنوستيكا: داستۇرلەر جانە جاڭالىقتار» اتتى I حالىقارالىق كونگرەسس ءوتتى. كونگرەستىۋنيۆەرسيتەتتىڭ مەديتسينا جانە دەنساۋلىق ساقتاۋ فاكۋلتەتى مەن «ورتالىق ازيالىق مەديتسينالىق زەرتحانالىق دياگنوستيكا جانە ساراپتاما قاۋىمداستىعى» قۇ، «زەرتحانالىق مەديتسينا جانە ساراپتاما قاۋىمداستىعى» زتق، سونداي-اق اق «ۇمۋ-دىڭ»زەرتحانالىق دياگنوستيكا كافەدراسىمەن بىرلەسىپ ۇيىمداستىردى.

كونگرەسس باعدارلاماسى زەرتحانالىق مەديتسينانىڭ زاماناۋي باعىتتارىنا زەرتحانالىق دياگنوستيكاداعى ينتەگرالدىق تەحنولوگيالار مەن پانارالىق تاسىلدەر تۇرعىسىنان جانە زەرتحانالىق مەديتسينانى كلينيكالىق مەديتسينامەن ۇشتاستىرۋعا ارنالدى.

العاشقى كونگرەسكە 380 ادام قاتىسىپ، قازاقستان رەسپۋبليكاسىنىڭ دەنساۋلىق ساقتاۋ سالاسىنىڭ، سونداي-اق الىس جانە جاقىن شەت ەلدەردىڭ قوعامدىق بىرلەستىكتەرى، ىسكەرلىك قاۋىمداستىعى، عالىمدار مەن ساراپشىلار، مەملەكەتتىك ورگانداردىڭ وكىلدەرى ءسوز الدى.

رەسەي فەدەراتسياسى، بەلارۋس رەسپۋبليكاسى، قىرعىز رەسپۋبليكاسى، وزبەكستان، ءازىربايجان، بەلگيا جانە فرانتسيا، سونداي-اق ددسۇ ەۋروپالىق بيۋروسىنىڭ وكىلدەرى دە كەلدى.

 كونگرەسس اياسىندا زەرتحانالىق دياگنوستيكا ءۇشىن قۇرال-جابدىقتار، شىعىن ماتەريالدار مەن رەاگەنتتەردىڭ حالىقارالىق كورمەسى ءوتتى.

پەدياتريا، يممۋنولوگيا، اللەرگولوگيا، رەپرودۋكتولوگيا جانە ۋرولوگيا، گاستروەنتەرولوگيا جانە كلينيكالىق مەديتسينانىڭ باسقا سالالارىندا الەمدىك لابوراتوريالىق مەديتسينا جەتىستىكتەرىن ەنگىزۋدىڭ باسقارۋ، عىلىمي جانە پراكتيكالىق ماسەلەلەرى تالقىلاندى.

مەديتسينالىق كومەك، زەرتحانالىق قولداۋ، مامانداردى دايارلاۋدىڭ جوعارى جانە جوعارى وقۋ ورنىنان كەيىنگى دايارلىعى، مەديتسينالىق جانە مەديتسينالىق ەمەس ءبىلىمى بار ماماندار ءۇشىن بۇگىنگى تاڭدا قولدانىلاتىن بىلىكتىلىك جۇيەسىن ۇيىمداستىرۋ، كاسىپتىك ستاندارتتاردى جانە ءبىلىم بەرۋ باعدارلامالارىن دامىتۋعا ەرەكشە نازار اۋدارىلدى.

كونگرەسس قاتىسۋشىلارى سوڭعى جىلدارى قازاقستاندا ماتەريالدىق-تەحنيكالىق الەۋەتىنىڭ ارتۋىن ەسەپكە الا وتىرىپ، حالىقارالىق ستاندارتتاردى، جوعارى تەحنولوگيالاردى ەنگىزەتىن، ۇيىمداستىرۋشىلىق، زاڭنامالىق، ءبىلىم بەرۋ نىساندارىندا قىزمەت كورسەتۋ قۇرىلىمىن رەفورمالاعان زەرتحانالىق مەديتسينانىڭ بىرەگەي قۇرىلىمىن جاسادى.

كونگرەسس اياسىندا ەكى دوڭگەلەك ۇستەل وتكىزىلدى. «قازاقستان رەسپۋبليكاسىندا ۆيرۋستىق گەپاتيتتىڭ زەرتحانالىق دياگنوستيكاسى: ماسەلەلەر، شەشىمدەر» تاقىرىبىنداعى دوڭگەلەك ۇستەلدە سانيتارلىق-ەپيدەميولوگيالىق ساراپتاما عىلىمي-پراكتيكالىق ورتالىعىنىڭ بازاسىندا پارەنتەرالدى جانە ۆيرۋستىق گەپاتيتكە ارنالعان انىقتامالىق زەرتحانا ماسەلەسى قارالدى.

حالىقارالىق كونگرەسس شەڭبەرىندە «كواگۋلولوگياداعى سىرتقى جانە ىشكى ساپانى باقىلاۋ، ولاردى شەشۋ جولدارى جانە ولاردى شەشۋ جولدارى» تاقىرىبىندا ماستەر-كلاسس وتكىزىلدى.

كونگرەستىڭ قورىتىندىسى بويىنشا مەديتسينالىق كومەكتىڭ ساپاسىن جاقسارتۋعا باعىتتالعان زەرتحانالىق مەديتسينا سالاسىنداعى ۇيىمداستىرۋشىلىق، قۇقىقتىق، ادىستەمەلىك، عىلىمي، يننوۆاتسيالىق جانە ءبىلىم بەرۋ ماسەلەلەرى بويىنشا بىرقاتار ماڭىزدى شەشىمدەر قابىلداندى. اتاپ ايتقاندا، ۆيچ/سپيد جانە گەپاتيتتىڭ جۇقپالى ەتيولوگياسىن زەرتحانالىق دياگنوستيكالاۋدى ۇيىمداستىرۋ بويىنشا ۇسىنىستار جاسالدى.

كونگرەسستىڭ جۇمىسىنا قازاقستان، قىرعىز رەسپۋبليكاسى، بەلورۋسسيا جانە رەسەي فەدەراتسياسىنداعى زەرتحانالىق مەديتسينا سالاسىنداعى مەملەكەتتىك ورگانداردىڭ، قوعامدىق بىرلەستىكتەر مەن بيزنەس وكىلدەرىنىڭ بىرىڭعاي زەرتحانالىق مەديتسينا فەدەراتسياسىن (EEFLM) قۇرۋدا بىرلەسكەن جۇمىستار جاساۋعا دايىن بولعاندىقتان، ءتيىستى مەموراندۋمعا قول قويىلدى. بۇل قۇجات بىرلەسكەن زاڭنامالىق، ءبىلىم بەرۋ، عىلىمي-تەحنيكالىق باعدارلامالار مەن جوبالاردى جۇزەگە اسىرۋ، سونداي-اق قول قويعان ەلدەردىڭ كلينيكالىق زەرتحانالىق دياگنوستيكاسىنىڭ سۋبەكتىلەرىن قولداۋدى قاراستىرادى.

الماتى