رۋحانيات • 08 ءساۋىر، 2019

«استانا بالەت» قازاقستاندى ناسيحاتتاۋ ءۇشىن تۋريستىك ۇيىمدارمەن كەلىسىمگە قول قويدى

845 رەت كورسەتىلدى

قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن، «استانا بالەت» تەاترىندا «نك «Kazakh Tourism» اق، سونىمەن قاتار، استانا كونۆەنشبيۋروسى، ەلوردالىق جانە ەۋرازيالىق تۋريزم قاۋىمداستىعى مەن تەاتر اراسىندا ەكىجاقتى مەموراندۋمعا قول قويىلدى.

مەموراندۋم ەل استاناسىنداعى تۋريستىك كلاستەردى باسەكەگە قابىلەتتى ەتىپ، تاريحى، ءداستۇرى مەن مادەنيەتى باي قازاقستانعا شەتەلدىك تۋريستەردى تارتۋعا ىقپال ەتپەك.

«استانا بالەت» قازاقستان استاناسىنىڭ تۋريستىك برەندىنە اينالۋدى كوزدەيتىن ۇلكەن جوبا. قازاقستاندىقتار مەن شەتەلدىك تۋريستەردى «استانا بالەت» تەاترىنىڭ تىنىس-تىرشىلىگىمەن تانىستىرۋ مادەنيەت سالاسىندا شەتەلدىك مەيمانداردى قىزىقتىراتىن تىڭ جوبا بولماق.

تەاتر قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن قۇرىلعان. تەاتر رەپەرتۋارىندا سان-الۋان جانرداعى بالەتتەر مەن كونتسەرتتىك باعدارلامالار بار: كلاسسيكا مەن نەوكلاسسيكادان باستاپ، contemporary مەن ۇلتتىق بيگە دەيىن. رەپەرتۋار قازاقستان، رەسەي، اقش پەن گەرمانيا، قىتاي مەن برازيليانىڭ ايگىلى بالەتمەيستەرلەرى قويعان جيىرمادان استام سپەكتاكلدەن جاساقتالعان. كلاسسيكا، نەوكلاسسيكا مەن حالىق ستيلىندە جاسالعان حورەوگرافيالىق مينياتيۋرالاردان تۇراتىن بۇل قويىلىمدار «استانا بالەت» تەاترىن تۋرپاكەتكە قوسۋعا مۇمكىندىك بەرەدى.

وسى كۇنى تۋريزم الەمدىك ەكونوميكانىڭ قارقىندى دامىپ جاتقان سالاسى. تۋريستەر بارعان ايماعىنىڭ ارحيتەكتۋرالىق ەسكەرتكىشتەرىمەن، مادەني ەرەكشەلىكتەرىمەن تانىسۋعا اسىق. «استانا بالەت» – ەكسكۋرسيا جۇرگىزەتىن عاجايىپ عيمارات. ول جاس شاماسى ارقيلى تۋريستەردى قىزىقتىراتىنى ايان. الەمنىڭ كەز كەلگەن جەرىنەن كەلگەن مەيمان ءۇشىن، تەاتر عيماراتى مادەني تۋريزم نىسانىنا اينالماق. تەاترعا كەلىپ، كورەرمەن ىقىلاسىنا بولەنگەن شىعارماشىلىق ۇجىممەن تانىسۋ – ەلىمىزدىڭ حورەوگرافيا ونەرىنىڭ تاريحىمەن دە تانىسۋ. تەاترعا كەلۋ – مادەني-تانىمدىق، ەتنيكالىق جانە ويىن-ساۋىق ءتۋريزمىن جانداندىرا تۇسەرى انىق.


الماتى

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار