ج.جيەنباەۆ اتىنداعى وسىمدىكتەردى قورعاۋ جانە كارانتين عىلىمي-زەرتتەۋ ينستيتۋتىنىڭ ديرەكتورى اباي ساعيتوۆتىڭ ايتۋىنشا, «بايسەركە-اگرو» كوپسالالى اگروحولدينگىمەن بىرلەسە جۇمىس ىستەۋ 2012 جىلداردا جولعا قويىلعان. اتالعان اگروحولدينگكە بىرلەسە جۇمىس ىستەپ, وتاندىق اگروكەشەن عىلىمىن دامىتۋعا بايلانىستى بىرلەسكەن ءىس-قيمىلدار قولعا الىندى. مىنە, وسى سەگىز جىل كولەمىندە وزىق تاجىريبەلەر مەن جەتىستىكتەردىڭ ناتيجەسىندە كوپتەگەن يگى ىستەر قولعا الىندى.
«بايسەركە-اگرو» عىلىمي-وندىرىستىك وقىتۋ ورتالىعىندا ەلىمىزدىڭ اۋىل شارۋاشىلىعى سالاسىنىڭ دامۋىنا قاتىستى وزىق تاجىريبەلەر قالىپتاسقان.
«بايسەركە-اگرو» وندىرىستىك كەشەنىندە اۋىل شارۋاشىلىعى داقىلدارىن ءوسىرۋ بارىسىندا وتاندىق عالىمدار ازىرلەگەن يننوۆاتسيالىق تەحنولوگيالار بەلسەندى تۇردە قولدانىلادى. بۇگىندە شارۋاشىلىق قۇرامىنا ۆەتەرينارلىق پاتولوگيا-اناتوميالىق زەرتحانالارى, جەم-ءشوپتى زووتەحنيكالىق تالداۋدان وتكىزەتىن زەرتحاناسى جانە اگروحيميا زەرتحاناسى بار عىلىمي-وندىرىستىك وقىتۋ ورتالىعى كىرەدى.
«عىلىم, ءبىلىم, بيزنەستى بىرىكتىرمەسەك ناتيجە بولمايتىنىنا كوز جەتكىزدىك. وسى تۇرعىدا ينستيتۋتتا تۇقىمدى زالالداندىرۋمەن بايلانىستى وسىمدىك قورعاۋ جۇيەسى قالىپتاستى. ياعني, قودانىستاعى تۇقىمداردىڭ بارلىعى دەرلىك كوپتەگەن ۆيرۋستاردان ەمدەلە باستادى. تۇقىم ساپاسىز بولسا, تولىققاندى ءونىم الۋ مۇمكىن ەمەستىگى بەلگىلى. ءبىر ايتا كەتەرلىگى, باكتەريالىق زالالسىزداندىرۋعا كەلمەيتىن تۇقىم تۇرلەرىن مال ازىعى رەتىندە دە پايدالانۋعا كەلمەيدى. بۇگىندە وتاندىق جانە شەتەلدىك تۇقىمداردى زەرتتەۋدىڭ كەشەندى جۇيەسى دامىپ كەلەدى»,-دەيدى اباي وراز ۇلى. بيوتەحنولوگيالىق جاعىنان تمد ەلدەرىنەن 40-50 جىلعا وزىق كەتكەن گوللانديا, يسپانيا, يتاليا, فرانتسيا, گەرمانيا سياقتى ەلدەردىڭ تاجىريبەلەرىن نەگىزگە العان وتاندىق عىلىمداردىڭ بۇگىنگى جەتىستىگى قوماقتى. اتالعان ينستيتۋت ءبىر عانا گەرمانيانىڭ 25 ينستيتۋتىمەن ارىپتەستىكتە جۇمىس ىستەپ كەلەدى. سونىڭ ناتيجەسىندە وسىمدىكتەردى قورعاۋدىڭ سان-سالالى جەتىستىكتەرىنە قول جەتكىزىلىپ كەلەدى.
كونفەرەنتسيادا رەسپۋبليكانىڭ اگرارلىق سەكتورىنىڭ وزەكتى ماسەلەلەرىن تالقىلاۋ ماقساتىندا وتاندىق جانە شەتەلدىك عالىمدار وسىمدىكتەردى قورعاۋدىڭ زاماناۋي جەتىستىكتەرىنە, كوكەيتەستى ماسەلەلەرىنە وراي ۇزدىك تاجىريبەلەرىمەن ءبولىسىپ, اۋىل شارۋاشىلىعى داقىلدارىن جەتىلدىرۋ, قولدانىلاتىن بيوپرەپاراتتار مەن ميكرو تىڭايتقىشتار, تۇقىمدىق جانە توپىراق ينفەكتسيالارى, جاسىل ايماقتاردىڭ جاعدايى, جەمىستەردى زيانكەستەردەن قورعاۋ, ت.ب. تاقىرىپتارداعى ۇسىنىس-پىكىرلەرىمەن ءبولىستى.
