«Queen of University-2019» ءداستۇرلى بايقاۋىنا قاتىسقان قاۋ-ءنىڭ سانقوي ارۋلارى «ەركە-نۇر» ءسان ءۇيىنىڭ ۇلتتىق ناقىشتاعى كيىم ۇلگىلەرىن كوپشىلىك نازارىنا ۇسىندى. بايقاۋعا قاتىسقان 12 ۇمىتكەر بىرنەشە اي بويى جارىسقا دايىندالىپ, ءوز ونەرلەرىن كورسەتتى. دەرىنىڭ تابيعي تالانتتارىن كورسەتۋگە تىرىستى.
ولاردىڭ بارلىعى – قازاق قىزدارىنىڭ قاس سۇلۋلارى الەمدەگى نازىكتىك پەن سۇلۋلىق ۇيلەسىمىنىڭ كورىنىسى ىسپەتتى. ارينە, بۇل تاڭعاجايىپ ساتتەر ولاردىڭ ەسىندە ەرتەگىدەگىدەي ساقتالارى انىق.
بايقاۋ ەرەجەسىنە ساي ارۋلار ساحنادا شىعارماشىلىق, ينتەللەكتۋالدىق قابىلەتتەرىن كورسەتتى, سونداي-اق, كوللەكتسيالىق كيىم مەن كەشكى كويلەك ۇلگىسىن تانىستىردى.
قازىلار القاسىنىڭ قۇرامىندا ديزاينەرلەر مەن مودەلدەر بولدى. سونداي-اق, بايقاۋعا قاتىسۋشىلاردىڭ تالانتىن يۋنەسكو-نىڭ قر-داعى گەوساياساتتار جونىندەگى ۇلتتىق كوميتەتىنىڭ توراعاسى ديليارا ۆۋدۆورد, قر سىرتقى ىستەر مينيسترلىگى الماتى قالاسىنداعى وكىلدىگىنىڭ كەڭەسشىسى رۋسلان بۋلتريكوۆ, «ەركە-نۇر» ءسان ءۇيىنىڭ جەتەكشىسى فاريدا مەرحاميتقىزى جانە مادەنيەت, ونەر قايراتكەرلەرى جوعارى دەڭگەيدە باعالادى.
اراۋلار اراسىنان ءون بويى وزىق شىققان راديوتەحنيكا, ەلەكترونيكا جانە تەلەكوممۋنيكاتسيا ماماندىعىنىڭ 2 كۋرس ستۋدەنتى ايدانا نۇرباەۆا سۇلۋلىق بايقاۋىنىڭ ءتاجىسىنىڭ يەگەرى اتاندى. ونەرلى اسەم ارۋ قۇستاردىڭ بەكزاتى –اققۋدىڭ سۇلۋلىعىن بەينەلەيتىن «اققۋ» ءبيىن اسقان شەبەر ورىنداپ, كورەرمەنىن ءتانتى ەتتى.
سالتاناتتى كەشتە قازاق-امەريكا ۋنيۆەرسيتەتىنىڭ پرەزيدەنتى اميرلان قۇسايىنوۆ بايقاۋدىڭ جەڭىمپازى ايدانا نۇرباەۆاعا 180 000 تەڭگەنىڭ سەرتيفيكاتىن تابىس ەتتى.
