قۇقىق قورعاۋ قارىمى ارتادى
سەيسەنبى, 20 ناۋرىز 2012 8:16
ەلباسىنىڭ حالىققا ارناعان جولداۋى اياسىندا قۇقىق قورعاۋ جۇيەسىن جاڭعىرتۋدىڭ كەيبىر ماسەلەلەرى
جىل سايىنعى سەكىلدى ەلباسىنىڭ بيىلعى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى جولداۋى دا حالىق اراسىندا جىلى قابىلداندى.
سەيسەنبى, 20 ناۋرىز 2012 8:16
ەلباسىنىڭ حالىققا ارناعان جولداۋى اياسىندا قۇقىق قورعاۋ جۇيەسىن جاڭعىرتۋدىڭ كەيبىر ماسەلەلەرى
جىل سايىنعى سەكىلدى ەلباسىنىڭ بيىلعى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى جولداۋى دا حالىق اراسىندا جىلى قابىلداندى.
ەل پرەزيدەنتى وندا شيكىزات قورلارى مەن ينفراقۇرىلىمدارىنىڭ جوعارى شەگى سالاسىندا جاڭا عالامات جوبالاردىڭ باستاۋ الىپ, ەلىمىزدىڭ الىپ قۇرىلىس الاڭىنا اينالاتىنى تۋرالى جاريالادى.
دەگەنمەن, مەملەكەت باسشىسى الدا تۇرعان بۇل جۇمىستاردىڭ وراسان زور, كۇردەلى دە قيىن ەكەندىگىن اتاپ ءوتىپ, بارلىق وتانداستاردى وسىناۋ عالامات مىندەتتەردى ورىنداۋ ءۇشىن ءبىر كىسىدەي جۇمىلا بىلۋگە شاقىردى.
بارشاعا ءمالىم, جولداۋداعى قۇنى ميللياردتاعان دوللار تۇراتىن جوبالاردى جۇزەگە اسىرۋ وراسان ادام كۇشى مەن ءوندىرىس قورىن قاجەت ەتەدى. سوندىقتان بۇل باعىتتا قىرۋار قارجى اعىمدارىنىڭ, جۇك تاسىمالدارىنىڭ, كوشى-قون ۇدەرىستەرىنىڭ جانە ت.ب. ەسەلەپ ارتۋى اتالعان جوبالارعا قىلمىستىق ەلەمەنتتەردىڭ, ۇيىمداسقان, سونىڭ ءىشىندە ترانسۇلتتىق سيپاتتاعى قىلمىستىق توپتاردىڭ بالعا ۇيمەلەگەن اراداي تارتىلاتىنىن تەرەڭ ساراپتامالىق زەرتتەۋ ءجۇرگىزبەي-اق بايقاۋعا بولادى.
الايدا, بۇل عالامات جوسپارلاردى تابىستى جۇزەگە اسىرۋ ءتيىستى وڭتايلى جاعداي جاساۋمەن ونى ساقتاۋ مەملەكەتتىك ورگانداردىڭ عانا ەمەس, قۇقىق قورعاۋ ورگاندارىنىڭ دا جۇمىلىپ, ءتيىمدى جۇمىس جاساي ءبىلۋى ارقاسىندا عانا مۇمكىن بولادى.
مىنە, پرەزيدەنت ءوزىنىڭ جولداۋىندا وسى قۇرىلىمداردى ودان ءارى جەتىلدىرۋگە جانە ساپالى كادرلىق جاڭارتۋدى جۇزەگە اسىرۋعا باسا نازار اۋداردى. قۇقىق قورعاۋ جۇيەسىن ودان ءارى جاڭعىرتۋ, ءتيىمدى كادر ساياساتىن ءجۇرگىزۋ, قۇقىق قورعاۋ ورگاندارى قىزمەتكەرلەرىنىڭ بىلىكتىلىگىن, كاسىبيلىگىن ارتتىرۋ, ولاردىڭ الەۋمەتتىك مارتەبەسى مەن قارجىلاي قامتىلۋىن جاقسارتۋ «نۇر وتان» حالىقتىق-دەموكراتيالىق پارتياسىنىڭ سايلاۋالدى تۇعىرناماسىندا دا ورىن العان. وسى رەتتە قۇقىق قورعاۋ ورگاندارىنىڭ بۇكىل جەكە قۇرامىن قايتا اتتەستاتتاۋدان وتكىزۋ ەلەۋلى بەلەس بولارى انىق.
كەزەكتەن تىس قايتا اتتەستاتتاۋدان وتۋگە دايىندىق جۇرگىزۋ قاجەتتىگى قىزمەتكەردىڭ قۇقىقتىق ءبىلىمىن ارتتىرۋعا جانە ولاردىڭ مەملەكەتتىڭ قۇقىق قورعاۋ ورگاندارى قىزمەتىن رەتتەيتىن زاڭنامالىق اكتىلەرىنىڭ تالاپتارىن ناقتىراق تۇسىنۋىنە, كاسىبيلىك ءمۇمكىندىكتەرى مەن بىلىكتىلىكتەرىن دامىتۋىنا قوسىمشا سەبەپ بولادى.
قايتا اتتەستاتتاۋ ناتيجەسى بويىنشا سول قۇرىلىمداردىڭ باسشىلارىنا ءوز قىزمەتكەرلەرىنىڭ, سونىڭ ىشىندە باسشى قۇرامىنىڭ كادرلىق الەۋەتى مەن بىلىكتىلىگىنە باعا بەرۋگە مۇمكىندىك تۋادى. اتتەستاتتاۋدان وتكەندەردىڭ قىزمەتتىك مىندەتتەرىن جان-جاقتى جانە شىنايى اتقارا الاتىندىعىن انىقتاۋ ناتيجەسى ولاردىڭ اراسىنان نەعۇرلىم كاسىبي دايىندالعاندارىن دارالاپ, ماڭىزدى جەدەل-قىزمەت ءبولىنىستەرىنە جىبەرۋگە مۇمكىندىك بەرەدى. مۇنداي قىزمەتكەرلەردى قۇقىققا قارسى ءتۇرلى سيپاتتاعى دايىندالىپ جاتقان قىلمىستار تۋرالى اقپاراتتاردى اشۋعا, قىلمىستىق توپتاردى انىقتاۋ ءۇشىن جوعارى دەڭگەيدە كاسىبي شارالار وتكىزۋگە, قىلمىستىڭ ورىن الۋى مەن سەبەپتەرىن جويۋعا, اسىرەسە, ونىڭ اۋىر سالدارىنىڭ الدىن الۋعا باعىتتالعان شارالاردى قامتاماسىز ەتۋ ءۇشىن جۇمىلدىرعان ورىندى بولىپ تابىلادى.
ارينە, مۇنداي جۇمىس ءبىرشاما اۋىرلىقتى, سونىڭ ىشىندە مورالدىق جانە وراسان كۇش-جىگەردى قاجەت ەتەدى. سوندىقتان دا مۇنداي باعىتتاعى جۇمىستارعا نەعۇرلىم بىلىكتى جانە كاسىبي دايىندالعان قىزمەتكەرلەردى ەنگىزۋ ماسەلەلەرى ماڭىزدى دا كوكەيكەستى بولىپ تۇر. دەمەك, ەلباسىنىڭ قۇقىق قورعاۋ ورگاندارى قىزمەتكەرلەرىنىڭ قايتا اتتەستاتسيادان ءوتۋى اياقتالعاننان كەيىن اقشالاي قامتىلۋى جانە الەۋمەتتىك پاكەتىن ءوسىرۋ جونىندە ۇسىنىستار ازىرلەۋ تۋرالى تاپسىرماسىن ەسكەرەتىن بولساق, اتالعان ماسەلەلەردى قايتا زەردەلەۋ مۇمكىندىگى تۋادى. جەدەل ءبولىمشەلەردىڭ كاسىبي نەگىزىن ساقتاۋ ءۇشىن قىزمەتكەرلەردىڭ اقشالاي قامتىلۋى مەن الەۋمەتتىك پاكەتىن ايتارلىقتاي كوبەيتۋ ارقىلى تۇراقتىلىققا قول جەتكىزىپ ىنتالاندىرۋدى ارتتىرۋ قاجەت.
ەلباسى ءوزىنىڭ 2008 جىلعى اقپان ايىندا حالىققا ارناعان «قازاقستان حالقىنىڭ ءال-اۋقاتىن ارتتىرۋ – مەملەكەتتىك ساياساتتىڭ باستى ماقساتى» اتتى جولداۋىندا دا قىلمىسقا قارسى ماقسات جازالاۋشى ارەكەت ەمەس, قۇقىق بۇزۋشىلىقتاردى بولدىرماۋ مەن ولاردىڭ الدىن الۋ بولۋى ءتيىس ەكەنىن ايتقان ەدى. سول كەزدە پرەزيدەنتتىڭ تاپسىرماسى بويىنشا «قۇقىق بۇزۋشىلىقتىڭ الدىن الۋ تۋرالى» زاڭ جوباسى ازىرلەنىپ, ول 2010 جىلى قابىلداندى. ەندى جاڭارعان قۇقىق قورعاۋ جۇيەسى, قۇقىققا قارسى تەرىس ارەكەتتەر مەن زاڭ بۇزۋشىلىق جاساۋدىڭ العىشارتتارى تۋرالى تولىق جانە شىنايى اقپاراتقا ۋاقىتىندا قول جەتكىزەتىن جەدەل ىزدەستىرۋ قىزمەتىن ءتيىمدى ۇيىمداستىرا الادى دەپ سانايمىن.
مەملەكەت باسشىسى جولداۋىندا ءبىرتۇتاس ەكونوميكالىق كەڭىستىكتە ترانسۇلتتىق ۇيىمداسقان قىلمىسپەن كۇرەستى كۇشەيتۋ ءۇشىن ينتەرپول ۇلگىسىمەن ەۋررازپول – ەۋرازيا پوليتسياسىن قۇرۋ جونىندەگى ماسەلە ءپىسىپ-جەتىلگەنى تۋرالى دا اتاپ ءوتتى. بۇل ەل پرەزيدەنتىنىڭ جولداۋىندا اتالعان كەڭ كولەمدى جوبالاردى ىسكە اسىرۋ كەزەڭىندە قوعامدىق قاۋىپسىزدىك پەن قۇقىق ءتارتىبىن قامتاماسىز ەتۋگە زور اسەرىن تيگىزەتىنى ءسوزسىز.
جانات جاراسوۆ, پارلامەنت ءماجىلىسىنىڭ دەپۋتاتى, «نۇر وتان» حدپ فراكتسياسىنىڭ مۇشەسى.
