ايتۋلى جارىستا ۇلتتىق ليگانىڭ ەڭ ۇزدىك ءتورت كومانداسى جۇلدەلى ورىنداردى ءوزارا ساراپقا سالۋدا. جارتىلاي فينالدا جەڭىمپازدى انىقتاۋ ءۇشىن ەكى ويىننان وتكىزىلدى. تالدىقورعاننىڭ «جەتىسۋى» پاۆلوداردىڭ «ەرتىس-قازحرومىن» قوس كەزدەسۋدە دە قاپى قالدىردى. العاشقى ماتچتا 3:1 (19:25, 25:23, 25:20, 25:22) ەسەبى تىركەلسە, كەلەسى باسەكەدە ءدال سونداي ناتيجەمەن اياقتالدى – 3:1 (25:14,16:25,27:25,25:17).
كەلەسى جارتىلاي فينالدىق سايىستا وسكەمەننىڭ «التايى» ءوزىنىڭ ءىزباسسارلارىن, ياعني «التاي-2» كلۋبىن ەش قينالماي ۇتتى. بۇل ويىنداردا 3:0 (25:13, 25:22, 25:16) جانە 3:1 (27:25,20:25,25:14,25:16) ەسەپتەرى تىركەلدى.
وسىلايشا, الداعى كۇندەرى «التاي» مەن «جەتىسۋ» باس جۇلدە ءۇشىن تالاسادى. ال قولا مەدال ءۇشىن تارتىس «ەرتىس-قازحروم» مەن «التاي-2» كوماندالارى اراسىندا وتەدى.
