ايماقتار • 03 ءساۋىر، 2019

پاۆلودار وبلىسىنىڭ اكىمى بولات باقاۋوۆ جەرگىلىكتى كاسىپكەرلەرمەن كەزدەستى

943 رەت كورسەتىلدى

تەرەڭكول اۋدانىنا جاساعان جۇمىس ساپارى بارىسىندا پاۆلودار وبلىسىنىڭ اكىمى بولات باقاۋوۆ جەرگىلىكتى كاسىپكەرلەرمەن كەزدەستى. «Nur Otan» پارتياسىنىڭ اۋداندىق فيليالىندا وتكەن كەڭەستە تاراپتار اعىمداعى جىلعا ۇسىنىلعان بيزنەس جوبالاردى تالقىلادى. بۇل تۋرالى pavlodar.gov.kz حابارلادى.

اۋدان اكىمى ەرنۇر ايتكەنوۆ 2019 جىلى تەرەڭكول اۋدانىندا بىرنەشە ءسۇتتى-تاۋارلى فەرمانىڭ قۇرىلىسى جوسپارلانعانىن ايتتى.

— بوبروۆكا اۋىلدىق وكرۋگىندە «استىق پۆ» جشس-ءى ينۆەستيتسيالار كولەمى 1،2 ميلليارد تەڭگەنى قۇرايتىن ءسۇتتى-تاۋارلى فەرمانىڭ قۇرىلىسىن اياقتادى، — دەدى ول. – ءساۋىر ايىندا فەرماعا ەۋروپادان 700 باس ءىرى قارا مال اكەلىنەدى.

«شاروۆ» شارۋا قوجالىعى وسىعان ۇقساس 400 باس مالعا ارنالعان جوبانى جۇزەگە اسىرماقشى. فەرمانىڭ قۇرىلىسىن باستاۋ ءۇشىن تەك كەپىلدىك م ۇلىكتىڭ ازدىعى قول بايلاۋ بولىپ وتىر.

— فەرما سالۋ ءۇشىن ىنتا-جىگەردەن بولەك، تەحنيكالىق-ەكونوميكالىق نەگىزدەمە، ارنايى بولىنگەن جەر ۋچاسكەسى، ستف-عا قاجەتتى ينفراقۇرىلىمنىڭ جوبالاۋ-سمەتالىق قۇجاتتاماسى بولۋى كەرەك، — دەدى ايماق باسشىسى. — ءسىز فەرمانىڭ قۇرىلىسىن باستاپ، ارى قاراي ونى كەپىلدىك م ۇلىك رەتىندە قويۋىڭىزعا بولادى. ءبىز ءوز تاراپىمىزدان كەزەڭ-كەزەڭمەن قاراجات بولەتىن بولامىز. ەگەر سۋبسيديا العىڭىز كەلسە، ساراپتامادان وتكەن جوبالاۋ-سمەتالىق قۇجاتتاماسىز اقشا بەرىلمەيدى.

اۋدان كاسىپكەرلەرى بورداقىلاۋ الاڭدارىن سالۋعا دا قۇلشىنىپ وتىر. «ۆيلگەلم» شارۋا قوجالىعىنىڭ باسشىسى 200 ميلليون تەڭگە كولەمىندەگى ءوز قاراجاتى ەسەبىنەن اۋدان اكىمدىگى بەرگەن 42 گەكتار جەردە ءبىر مىڭ باس ءىرى قارا مالعا ارنالعان بورداقىلاۋ الاڭىن سالايىن دەپ جاتىر. وبلىس اكىمى شارۋالارعا سۋبسيديا الۋ ءۇشىن كەم دەگەندە 5 مىڭ باس مالعا ارنالعان الاڭ سالۋ قاجەت ەكەندىگىن ەسكەرتتى.

كەزدەسۋدە بايقونىس اۋىلدىق ايماعىندا تۇز وندىرۋمەن اينالىسىپ جاتقان «ينتەركونتينەنت پۆ» جشس-ءىڭ وكىلدەرى دە بولدى. الداعى جازدا كاسىپورىن تۇزدى بايىتۋعا ارنالعان، ونىمدىلىگى ساعاتىنا 100 توننانى قۇرايتىن قۇرال-جابدىق ساتىپ الماقشى ەكەن.

— ءبىز تۇز كەنىنە اپاراتىن جولدى جوندەپ، كومبينات قۇرىلىسىنا قاجەتتى الاڭ سالدىق. قىسقا دەيىن يزرايلدىك تەحنولوگيا بويىنشا اس تۇزىن قاپتاۋعا ارنالعان قۇرال-جابدىقتار ورناتاتىن بولامىز، — دەدى كومپانيا وكىلدەرى. — سونداي-اق، 350 باس ۇساق ءمۇيىزدى مالعا ارنالعان فەرمەرلىك شاۋرۋاشىلىق اشىپ، بالشىقپەن ەمدەيتىن دەمالىس ورنىن اشۋدى جوسپارلاپ وتىرمىز.

جينالىس بارىسىندا وبلىس اكىمى اۋدان باسشىلىعىنىڭ جۇمىسىن سىنعا الىپ، اۋدان ورتالىعىندا جاڭادان اشىلعان «ماستەر» دۇكەنىنىڭ قوجايىنى ءۇش جىل بويى ساۋدا ءۇيىنىڭ قۇرىلىسىنا قاجەتتى الاڭعا قول جەتكىزە الماعانىن مىسال رەتىندە كەلتىردى.

— اۋدانعا جاڭا ينۆەستورلار قاجەت، — دەدى ايماق باسشىسى. – ەرتىس وزەنىنىڭ بويىندا سۋارمالى ەگىستىككە قاجەتتى جەرلەر جەتەرلىك. جول شەتىندەگى بيزنەستى دامىتۋدىڭ دا الەۋەتى اسا زور. جەرگىلىكتى اكىمدەر ناقتى جوبالارمەن اينالىسۋلارى قاجەت.

سوڭعى جاڭالىقتار

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار