ەكونوميكا • 03 ءساۋىر، 2019

KASE ستۋدەنتتەردىڭ بيرجالىق ساۋاتتىلىعىن ارتتىرۋدى جالعاستىرادى

242 رەت كورسەتىلدى

KASE 1-30 ءساۋىر ارالىعىندا «بيرجالىق ىنتا» ءبىلىم جوباسى اياسىندا قازاقستان جانە باسقا دا مەملەكەتتەر ستۋدەنتتەرى ءۇشىن قارجىلىق جاتتىعۋلارىن وتكىزەتىندىگىن حابارلايدى.

جوباعا قاتىسۋ ءۇشىن http://kase.kz/ru/account/registration/exchange_simulator/ بويىنشا تىركەلۋگە بولادى. مۇنداي جوبا العاش رەت 2008 جىلى 29 شىلدەدە باستالعان بولاتىن. وسى ۋاقىت ارالىعىندا بۇل جوباعا قازاقستاننىڭ جانە دە الىس-جاقىن شەتەلدەردىڭ سەكسەنگە جۋىق جوعارى وقۋ ورىندارىنان 4500-دەن استام ستۋدەنت قاتىسقان (تۇركيا، وڭتۇستىك-شىعىس ازيا، ۇلىبريتانيا، ت.ب.).

«بيرجالىق ىنتا» جوباسى قارجى-ەكونوميكالىق جانە باسقا دا ماماندىقتاردا وقيتىن، ءوزىنىڭ كاسىبي ءبىلىمى مەن قور بيرجاسىندا جۇمىس ىستەۋ تاجىريبەسىن نىعايتقىسى كەلەتىن ستۋدەنتتەردىڭ قارجى ساۋاتتىلىعىن كوتەرۋدى ماقسات ەتەدى.

جوبا قورىتىندىسىنا وراي ءوزىنىڭ ۆيرتۋالدى پورتفەلىنىڭ تابىسى جوعارى ستۋدەنتتەر جەڭىمپاز بولىپ تابىلادى. قاتىسۋشىلار KASE ارىپتەس ۇيىمدارىندا تاجىريبەدەن ءوتۋ مۇمكىندىگىنە يە بولادى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار