توراعالىق بارىسى جوعارى باعالاندى
سەنبى, 4 اقپان 2012 7:21
جاقىندا يسلام ىنتىماقتاستىعى ۇيىمى (يىۇ) باس حاتشىلىعىنىڭ شاقىرۋىمەن ادام قۇقىعى ءجونىندەگى ۋاكىل اسقار شاكىروۆتىڭ وسى ۇيىمنىڭ جيددا قالاسىنداعى (ساۋد ارابياسى كورولدىگى) شتاب-پاتەرىنە ساپارى بولدى, دەپ حابارلادى قازاقستان رەسپۋبليكاسىنداعى ادام قۇقىقتارى ءجونىندەگى ۋاكىل اپپاراتىنىڭ باسپاسوز قىزمەتى.
سەنبى, 4 اقپان 2012 7:21
جاقىندا يسلام ىنتىماقتاستىعى ۇيىمى (يىۇ) باس حاتشىلىعىنىڭ شاقىرۋىمەن ادام قۇقىعى ءجونىندەگى ۋاكىل اسقار شاكىروۆتىڭ وسى ۇيىمنىڭ جيددا قالاسىنداعى (ساۋد ارابياسى كورولدىگى) شتاب-پاتەرىنە ساپارى بولدى, دەپ حابارلادى قازاقستان رەسپۋبليكاسىنداعى ادام قۇقىقتارى ءجونىندەگى ۋاكىل اپپاراتىنىڭ باسپاسوز قىزمەتى.
ا.شاكىروۆ ساپار اياسىندا يىۇ باس حاتشىسى ەكمەلەددين يحسانوعلىمەن جانە قۇرىلۋى تۋرالى شەشىم استانا قالاسىندا وتكەن يىۇ سىرتقى ىستەر مينيسترلەرى كەڭەسىنىڭ 38-ءشى سەسسياسىندا قابىلدانعان يىۇ ادام قۇقىقتارى جونىندەگى تۇراقتى تاۋەلسىز كوميسسيا حاتشىلىعىنىڭ باس ديرەكتورى حەمايۋت ۋددينمەن كەزدەستى.
يىۇ وكىلدەرى قازاقستاندىق ومبۋدسمەننىڭ ادام قۇقىقتارىن قامتاماسىز ەتۋ, سونىڭ ىشىندە زاڭنامالىق بازانى جانە قۇقىق قولدانۋ تاجىريبەسىن جەتىلدىرۋ, ۇكىمەتتىك ەمەس جانە حالىقارالىق ۇيىمدارمەن ءوزارا ءىس-قيمىل جاساۋ, سونداي-اق ادام قۇقىقتارى سالاسىنداعى حالىقارالىق نورمالار مەن ستاندارتتاردى ۇلتتىق زاڭناماعا ەنگىزۋ باعىتىنداعى قىزمەتىمەن تانىستى.
اڭگىمە بارىسىندا قۇقىقتىق قورعاۋ ماسەلەلەرى بويىنشا جەمىستى جانە قىزعىلىقتى پىكىر الماسۋ بولىپ, ۇلتتىق قۇقىق قورعاۋ ينستيتۋتى مەن يىۇ جۇيەسىنىڭ جوعارىدا اتالعان كوميسسياسىمەن بارىنشا تىعىز بايلانىس ورناتۋ تۋرالى كەلىسىمدەرگە قول جەتكىزىلدى.
يىۇ باسشىلىعى ۇيىمنىڭ سىرتقى ىستەر مينيسترلەرى كەڭەسىندە قازاقستاننىڭ اعىمداعى ءتوراعالىعىن جوعارى باعالادى.
