بەكزاتتىڭ ءجۇرىپ وتكەن جولى بارشا جانكۇيەرلەردىڭ كوز الدىندا. 1998 جىلى جاستار اراسىندا ازيا جانە الەم بىرىنشىلىگىندە كۇمىس مەدالدى يەلەگەننەن كەيىن ول قىراعى مامانداردىڭ نازارىنا ىلىكتى. 1999 جىلى ۇلتتىق كوماندامىزدىڭ ساپىنا قابىلدانىپ, 57 كيلو سالماقتا ورتالىق ازيا ويىندارى مەن ازيا چەمپيوناتتارىندا اقتىق سىنعا دەيىن جەتىپ, كۇمىس جۇلدەنى موينىنا ءىلدى. 2000 جىلى سيدنەيدە الاۋى تۇتانعان وليمپيا ويىندارىندا التىن تۇعىرعا كوتەرىلىپ, بارشا قازاقستاندىق جانكۇيەردى قۋانىش پەن شاتتىققا بولەدى. جاڭا عاسىر تابالدىرىقتان اتتاعانعا ساناۋلى عانا مينۋتتار قالعاندا بەكزات بارۋىرىمىز جول اپاتىنان قازا تاپتى. ول نەبارى 20 جاستا ەدى...
تۇركىستاندا ءوتىپ جاتقان جارىستا بەس مەملەكەتتەن كەلگەن 200-دەن اسا بوكسشى باق سىناۋدا. ولار 11 سالماق دارەجەسى بويىنشا جۇلدەلەردى ساراپقا سالۋدا. وسى ءتۋرنيردى تاماشالاۋعا كەلگەندەر قاتارىندا وليمپيادا چەمپيوندارى ەرماحان ىبىرايىموۆ پەن سەرىك ساپيەۆ باستاعان كوپتەگەن داڭقتى بوكسشىلار بار.
عالىم سۇلەيمەن,
«Egemen Qazaqstan»
