قازاقستان اسكەري-تەڭىز كۇشتەرىنىڭ تاريحىنا شەگىنىس جاساپ كورەتىن بولساق, 1993 جىلدىڭ 2 ساۋىرىندە قر پرەزيدەنتىنىڭ جارلىعىمەن قۇرىلعان-دى. باستاپقىدا اقتاۋ قالاسىندا اسكەري-تەڭىز بازاسىندا قۇرىلعان اسكەري-تەڭىز بازاسى 1999 جىلدىڭ شىلدە ايىندا قازاقستان رەسپۋبليكاسى ۇقك شەكارا قىزمەتى تەڭىز بولىمدەرىنىڭ قۇرامىنا كىردى. 2003 جىلدىڭ 7 مامىرىندا قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسى قارۋلى كۇشتەرiنiڭ قۇرىلىمىن ودان ءارi جەتiلدىرۋ جونiندەگi شارالار تۋرالى» №1085 جارلىعى شىقتى. وسى ساتتەن باستاپ اسكەري-تەڭىز كۇشتەرى قازاقستان رەسپۋبليكاسى قارۋلى كۇشتەرىنىڭ جەكە باعىتى رەتىندە قالىپتاستى.
بۇگىندە كاسپي ءوڭىرى قازاقستاننىڭ ەكونوميكاسى ءۇشىن ماڭىزدى ايماق بولىپ تابىلادى. كاسپي تەڭىزىنىڭ قازاقستاندىق بولىگىندە رەسپۋبليكانىڭ مەملەكەتتىك شەكاراسىن, اۋماقتىق تۇتاستىعىن, ەگەمەندىگى مەن ەكونوميكالىق مۇددەلەرىن قورعاۋدى باستى نازارىندا ۇستايتىن اسكەري-تەڭىز ساربازدارى قارۋلى قاقتىعىستاردى وقشاۋلاۋ جانە الدىن الۋعا اتسالىسۋ, پورتتىق ايماقتى, مۇناي تابۋ نىساندارى ورنالاستىرىلعان جاساندى ارالدار جانە پلاتفورمالاردى قوسا العاندا سۋلى اۋدانداردى قورعاۋ جانە كۇزەتۋ, ت.ب. مەملەكەت قاۋىپسىزدىگى ءۇشىن ەرەكشە نىساندار بويىنشا قىراعى كۇزەتتە تۇرادى. مەملەكەتىمىزدىڭ تاۋەلسىزدىگى جىلدارىندا اسكەري-تەڭىز كۇشتەرى قاجەتتى تاجىريبە جيناقتاپ, مەملەكەتىمىزدىڭ اسكەري قاۋىپسىزدىگىن قامتاماسىز ەتۋ مۇددەسىندە جاۋىنگەرلىك جانە جۇمىلدىرۋ ازىرلىگىن جەتىلدىرىپ كەلەدى. بۇگىندە اسكەري-تەڭىز كۇشتەرى كاسپي ماڭىنداعى ەلدەر اراسىندا كۇشتەردى ورنالاستىرۋدا ايرىقشا ورىنعا يە ەكەنىن جانە وڭىردەگى تۇراقتىلىقتىڭ كەپىلى دەۋگە نەگىز بار.
