ناقتى شارالار كەشەنى
سەنبى, 28 قاڭتار 2012 7:41
قازاقستان رەسپۋبليكاسىنىڭ پرەزيدەنتى ن.ءا. نازارباەۆتىڭ «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى جولداۋىندا نەگىزگى ون باعىت بويىنشا ناقتى شارالار كەشەنى ۇسىنىلدى. ءالەۋمەتتىك-ەكونوميكالىق جاڭعىرتۋ مەن يندۋستريالىق-يننوۆاتسيالىق جوبالار قولعا الىنىپ, شيكىزاتتى ءوندىرۋ مەن ينفراقۇرىلىمدى جەتىلدىرۋ سالالارىندا كوپتەگەن كەڭ كولەمدى جوبالار جۇزەگە اسىرىلادى.
جولداۋدىڭ نەگىزگى باعىتتارىنىڭ ءبىرى – سوت جانە قۇقىق قورعاۋ جۇيەلەرىنىڭ قىزمەتىن جەتىلدىرۋگە بايلانىستى بولدى. ەلباسى: «سۋديالار سوت تورەلىگىن زاڭدى ءارى ءوزىنىڭ ار-وجدانىن باسشىلىققا الىپ جۇزەگە اسىرۋى قاجەت», دەي كەلە, سوت قاۋىمداستىعىن قالىپتاستىرۋ ءتارتىبىن تۇبەگەيلى وزگەرتۋدى تاپسىردى.
سەنبى, 28 قاڭتار 2012 7:41
قازاقستان رەسپۋبليكاسىنىڭ پرەزيدەنتى ن.ءا. نازارباەۆتىڭ «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى جولداۋىندا نەگىزگى ون باعىت بويىنشا ناقتى شارالار كەشەنى ۇسىنىلدى. ءالەۋمەتتىك-ەكونوميكالىق جاڭعىرتۋ مەن يندۋستريالىق-يننوۆاتسيالىق جوبالار قولعا الىنىپ, شيكىزاتتى ءوندىرۋ مەن ينفراقۇرىلىمدى جەتىلدىرۋ سالالارىندا كوپتەگەن كەڭ كولەمدى جوبالار جۇزەگە اسىرىلادى.
جولداۋدىڭ نەگىزگى باعىتتارىنىڭ ءبىرى – سوت جانە قۇقىق قورعاۋ جۇيەلەرىنىڭ قىزمەتىن جەتىلدىرۋگە بايلانىستى بولدى. ەلباسى: «سۋديالار سوت تورەلىگىن زاڭدى ءارى ءوزىنىڭ ار-وجدانىن باسشىلىققا الىپ جۇزەگە اسىرۋى قاجەت», دەي كەلە, سوت قاۋىمداستىعىن قالىپتاستىرۋ ءتارتىبىن تۇبەگەيلى وزگەرتۋدى تاپسىردى.
قازىرگى كۇنى ەلىمىزدىڭ سوت جۇيەسى حالىقتىڭ سوتقا دەگەن سەنىمىن نىعايتىپ, سوت تورەلىگىن ءبىلىكتى ءارى كاسىبي جۇزەگە اسىرا الاتىن تۇلعالاردىڭ سۋديا رەتىندە تاعايىندالۋىنا باعىتتالعان قادامدار جاساۋدا. سۋديالىققا, سوت سالاسىنداعى باسشىلىق لاۋازىمدارعا ءۇمىتكەرلەردى ىرىكتەۋ جۇيەسى جاڭارتىلدى, سىبايلاس جەمقورلىق وقيعالارىنىڭ الدىن الۋ ماقساتىنداعى شارالار كەشەنى تۇراقتى تۇردە جۇزەگە اسىرىلۋدا, قازاقستان رەسپۋبليكاسىنداعى 2012-2016 جىلدارعا ارنالعان سوت ءبىلىمى ستراتەگياسى دايىندالدى. سونىمەن قاتار, ەلەكتروندىق سوت ءجۇيەسى ەنگىزىلىپ, داۋلاردى سوتقا دەيىنگى ارالىقتا شەشۋ ينستيتۋتى دا ناتيجەلى قىزمەت ەتىپ كەلەدى.
اعىمداعى جىلدىڭ باسىندا ەلىمىزدىڭ سوت قۇرىلىمى مەن سوت وندىرىسىنە وزگەرىستەر مەن تولىقتىرۋلاردى كوزدەگەن زاڭ جوبالارى پارلامەنتپەن ماقۇلداندى. اتالعان زاڭ جوبالارىنا ساي, جەرگىلىكتى سوتتار سوت جۇيەسىندەگى ەرەكشە ورىنعا يە بولىپ, ال ىستەردى جاڭا سوت تالقىلاۋىنا قايتا جولداۋ ينستيتۋتى جويىلادى. قازاقستان رەسپۋبليكاسىنىڭ جوعارعى سوتى زاڭدا كورسەتىلگەن پروتسەسسۋالدىق دەڭگەيدە جەرگىلىكتى سوتتاردىڭ قىزمەتىن قاداعالاپ, سوت تاجىريبەسى ماسەلەلەرى بويىنشا تۇسىندىرمە جۇمىسىن جۇرگىزەتىن بولادى.
قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ سوت جۇيەسى الدىنا قويعان ماقساتتاردى ساپالى ورىنداۋ ءۇشىن سوت قاۋىمداستىعىنىڭ ءاربىر وكىلى ءوزىنىڭ جوعارى جاۋاپكەرشىلىگىن سەزىنە وتىرا, تۇراقتى تۇردە بىلىكتىلىگىن ارتتىرىپ, قىزمەتىن ودان ءارى جەتىلدىرەتىن بولادى.
بەكتاس بەكنازاروۆ, قازاقستان رەسپۋبليكاسى جوعارعى سوتىنىڭ توراعاسى.
