پروكۋرورلىق تەكسەرۋ دۇرىس جولدا كەلە جاتىر
جۇما, 27 قاڭتار 2012 7:10
جاڭاوزەندەگى جاپپاي ءتارتىپسىزدىكتىڭ ورىن الۋ سەبەپتەرى انىقتالدى. باس پروكۋرور اسحات داۋىلباەۆتىڭ مالىمدەۋىنشە, وسىعان دەيىن جاپپاي ءتارتىپسىزدىكتەردى ۇيىمداستىرعان ادامداردىڭ اتتارى بەلگىلى بولىپ, ولارعا قىلمىستىق كودەكستىڭ 241-بابىنىڭ 1-بولىگى بويىنشا ايىپ تاعىلىپ وتىر. تەرگەۋ بارىسىندا مەملەكەت قارجىسىن تالان-تاراجعا سالعان جاڭاوزەن قالاسىنىڭ بۇرىنعى جانە قازىرگى باسشىلارىنىڭ دا قىلمىستىق ارەكەتتەرى ءاشكەرەلەنگەن. اتاپ ايتقاندا, قوعامدىق قورلار ارقىلى لاۋازىمدى تۇلعالار مەن قورلاردىڭ باسشىلارى قالا تۇرعىندارىنا قولداۋ كورسەتۋگە ارنالعان دەمەۋشىلىك قارجىلاردى قولما-قول اقشاعا اينالدىرىپ, ءوز پايدالارىنا جاراتقان ەكەن. سونىمەن قاتار, ءتارتىپسىزدىكتىڭ ورىن الۋىنا سەبەپ بولعان جاعدايلاردىڭ ءبىرى رەتىندە جەكەلەگەن تۇلعالاردىڭ جۇمىستان بوساتىلۋى بولىپ وتىر.
جۇما, 27 قاڭتار 2012 7:10
جاڭاوزەندەگى جاپپاي ءتارتىپسىزدىكتىڭ ورىن الۋ سەبەپتەرى انىقتالدى. باس پروكۋرور اسحات داۋىلباەۆتىڭ مالىمدەۋىنشە, وسىعان دەيىن جاپپاي ءتارتىپسىزدىكتەردى ۇيىمداستىرعان ادامداردىڭ اتتارى بەلگىلى بولىپ, ولارعا قىلمىستىق كودەكستىڭ 241-بابىنىڭ 1-بولىگى بويىنشا ايىپ تاعىلىپ وتىر. تەرگەۋ بارىسىندا مەملەكەت قارجىسىن تالان-تاراجعا سالعان جاڭاوزەن قالاسىنىڭ بۇرىنعى جانە قازىرگى باسشىلارىنىڭ دا قىلمىستىق ارەكەتتەرى ءاشكەرەلەنگەن. اتاپ ايتقاندا, قوعامدىق قورلار ارقىلى لاۋازىمدى تۇلعالار مەن قورلاردىڭ باسشىلارى قالا تۇرعىندارىنا قولداۋ كورسەتۋگە ارنالعان دەمەۋشىلىك قارجىلاردى قولما-قول اقشاعا اينالدىرىپ, ءوز پايدالارىنا جاراتقان ەكەن. سونىمەن قاتار, ءتارتىپسىزدىكتىڭ ورىن الۋىنا سەبەپ بولعان جاعدايلاردىڭ ءبىرى رەتىندە جەكەلەگەن تۇلعالاردىڭ جۇمىستان بوساتىلۋى بولىپ وتىر.
وسى ارادا ايتا كەتەتىن ءبىر نارسە بار. جاڭاوزەندەگى جاعداي ەلباسىنىڭ تىكەلەي نازارىنداعى ماسەلە. جاپپاي ءتارتىپسىزدىك ورىن العان ايماققا ۇلت كوشباسشىسىنىڭ ءوزى بارىپ, ءمان-جايدى كوزىمەن كورىپ, تۇرعىندارمەن اشىق اڭگىمەلەسۋىنىڭ ءوزى وسىنى ايعاقتايدى.
جاپپاي تارتىپسىزدىكتىڭ سەبەپ-سالدارى تولىق انىقتالدى دەي المايمىز. باس پروكۋرور اسحات داۋىلباەۆ جاڭاوزەندەگى جاعدايدىڭ ءالى دە ءجىتى زەرتتەلىپ, تەرەڭ تالداۋ جاسالاتىنىن جانە ونى قوعام نازارىندا ۇستايتىنىن ايتتى. دەگەنمەن, پروكۋرورلىق تەكسەرىستەردىڭ وڭ جانە دۇرىس جولدا كەلە جاتقانىن بايقايمىز.
ءسابيت جارەكەەۆ, قىزىلوردا قالاسى پروكۋرورىنىڭ اعا كومەكشىسى.
قىزىلوردا.
