– مەن ءوزارا ىقپالداستىعىمىزعا قاتىستى كۇن تارتىبىندەگى وزەكتى ماسەلە جونىندە, اسىرەسە, الداعى ۋاقىتتا جۇزەگە اسىرىلاتىن اتىراۋ وبلىسىنداعى گاز جانە حيميا كەشەنىنىڭ قۇرىلىسى تۋرالى سىزبەن پىكىر الماسقىم كەلەدى, – دەدى قاسىم-جومارت توقاەۆ.
كەزدەسۋ بارىسىندا قازاقستان پرەزيدەنتىنە «Borealis» كومپانياسىنىڭ ەلىمىزدەگى نەگىزگى جوبالارى مەن ولاردىڭ جۇزەگە اسىرىلۋ پەرسپەكتيۆالارى جونىندە باياندالدى.
ا.شتەرن ءوزارا ىقپالداستىقتىڭ جوعارى دەڭگەيىن اتاپ ءوتىپ, قازاقستاندا جۇمىس ىستەۋگە مۇمكىندىك بەرىپ, قولداۋ كورسەتكەنى ءۇشىن مەملەكەت باسشىسىنا العىس ايتتى.
