اسكەري قىزمەتشىلەردەن جاۋاپ الىندى
سارسەنبى, 28 قاراشا 2012 7:29
تالدىقورعان قالالىق سوتىنىڭ عيماراتىندا اسكەري قىزمەتشىسى ۆ.چەلاحتىڭ ۇستىنەن سوت پروتسەسى جالعاسۋدا. 27 قاراشادا سوتتالۋشى سوت ءماجىلىسى زالىنا كەلۋدەن كەزەكتى رەت باس تارتتى.
سوتتالۋشىنىڭ ادۆوكاتى س.سارسەنوۆ وقيعا ورنىندا قارۋ-جاراق جارىلىسىنىڭ بولعانىن انىقتاۋ ءۇشىن كريميناليستيكالىق بالليستيكالىق ساراپتاما مەن قايتادان جارىلىس تەحنيكاسى ساراپتاماسىن تاعايىنداۋ تۋرالى ءوتىنىش ءبىلدىردى. بۇل وتىنىشتەردى سوت اشىق قالدىرىپ, كۋالاردى سۇراۋدى ودان ءارى جالعاستىردى.
سارسەنبى, 28 قاراشا 2012 7:29
تالدىقورعان قالالىق سوتىنىڭ عيماراتىندا اسكەري قىزمەتشىسى ۆ.چەلاحتىڭ ۇستىنەن سوت پروتسەسى جالعاسۋدا. 27 قاراشادا سوتتالۋشى سوت ءماجىلىسى زالىنا كەلۋدەن كەزەكتى رەت باس تارتتى.
سوتتالۋشىنىڭ ادۆوكاتى س.سارسەنوۆ وقيعا ورنىندا قارۋ-جاراق جارىلىسىنىڭ بولعانىن انىقتاۋ ءۇشىن كريميناليستيكالىق بالليستيكالىق ساراپتاما مەن قايتادان جارىلىس تەحنيكاسى ساراپتاماسىن تاعايىنداۋ تۋرالى ءوتىنىش ءبىلدىردى. بۇل وتىنىشتەردى سوت اشىق قالدىرىپ, كۋالاردى سۇراۋدى ودان ءارى جالعاستىردى.
سوت چەلاحپەن بىرگە قىزمەت ەتكەن اسكەري قىزمەتشىلەردەن جاۋاپ الدى. كۋالار سوتتالۋشىنىڭ مىنەز-قۇلقى مەن وزدەرىنىڭ ونىمەن قارىم-قاتىناسى تۋرالى باياندادى. سونداي-اق, «سارىبوكتەر» زاستاۆاسىنان «ارقانكەرگەنگە» شولعىنشىلىققا جىبەرىلگەن جانە ورتەنىپ كەتكەن شەكارا بەكەتىن ءبىرىنشى بولىپ كورگەن 2484 اسكەري ءبولىمنىڭ اسكەري قىزمەتشىلەرىنەن جاۋاپ الىندى.
سوتتا زارداپ شەككەندەردىڭ وكىلدەرى ر.قىدىراليەۆا مەن ت.رەي ءسوز سويلەدى. ولار سوتتان ءىستى قاراۋدى ولاردىڭ قاتىسۋىنسىز جالعاستىرۋدى سۇرادى. ونىڭ سىرتىندا قازا تاپقان سولدات د.رەيدىڭ اناسى تەرگەۋ جولىمەن انىقتالعان ءوزىنىڭ ۇلىنىڭ مۇردەسىن جەرلەگىسى كەلەتىنىن جەتكىزدى.
وسىدان كەيىن سوت وقيعا بولعان جەردى قاراعان جانە قازا تاپقانداردىڭ دەنەلەرى تابىلعان جازبالار بار بەينەتاسپانى قاراۋدى جالعاستىردى.
قر اسكەري سوتىنىڭ ءباسپاسوز قىزمەتى.
