جيىندا وبلىس اكىمى وبلىستىق تابيعي رەسۋرستار جانە تابيعاتتى پايدالانۋدى رەتتەۋ, جەر قاتىناستارى, اۋىل شارۋاشىلىعى باسقارمالارى جانە ارال-سىرداريا باسسەيندىك ينسپەكتسياسى, «قازسۋشار» كاسىپورنىنىڭ قىزىلوردا فيليالى باسشىلارىنا, سونداي-اق, قالا مەن اۋدان اكىمدەرىنە ءوڭىردىڭ سۋارمالى ەگىنشىلىگىن دامىتۋ جونىندە جەر كولەمى, سۋارۋ تەتىكتەرى مەن جوبانى قارجىلاندىرۋ كوزدەرى كورسەتىلگەن ءىس-شارالار جوسپارىن ازىرلەۋدى تاپسىردى.
«وبلىستاعى سۋارمالى جەرلەردىڭ كولەمىن 300 مىڭ گەكتارعا ۇلعايتۋعا تولىق مۇمكىندىكتەر بار. ايماقتا 249,8 مىڭ گەكتار سۋارمالى جەرلەردىڭ 236,8 مىڭ گەكتارىنا ەگىس ەگۋگە بولادى. قوسىمشا جۇمىس توبىمەن 96 مىڭ گەكتار جاڭا سۋارمالى جەرلەر انىقتالىپ وتىر. وسىلايشا سۋارمالى جەرلەردىڭ كولەمىن 332 مىڭ گەكتارعا جەتكىزۋ مۇمكىندىگى بار. سوندىقتان, ءبىز جاڭا سۋارمالى جەرلەردى يگەرۋدى ۇكىمەتتىڭ 2018 جىلعى 28 جەلتوقسانداعى قاۋلىسىمەن بەكىتىلگەن سۋارمالى جەرلەردى دامىتۋ جونىندەگى ءىس-شارالار جوسپارى ارقىلى ىسكە اسىرۋىمىز قاجەت», دەدى ول.
باقتيار تايجان,
«Egemen Qazaqstan»
قىزىلوردا وبلىسى
