سوڭعى جىلدىڭ وزىندە شاعىن جانە ورتا بيزنەس سۋبەكتىلەرىنىڭ سانى 13,8 پايىزعا ءوستى.
ايتا كەتەيىك, ايماقتا جاپپاي كاسىپكەرلىكتى دامىتۋ بويىنشا اۋقىمدى جانە جۇيەلى جۇمىستار اتقارىلىپ جاتىر.
اعىمداعى جىلى كاسىپكەرلىكتى شاعىن نەسيەلەۋگە 4 ملرد تەڭگەدەن استام قارجى قاراستىرىلعان. ولار جۇمىسپەن قامتۋ جانە جاپپاي كاسىپكەرلىكتى دامىتۋ "ەڭبەك" باعدارلاماسىن ىسكە اسىرۋعا باعىتتالاتىن بولادى. ونىڭ ىشىندە وبلىستىق بيۋدجەتتەن وڭىرلىك ينۆەستيتسيالىق ورتالىق ءۇشىن ستارتاپ-جوبالاردى قارجىلاندىرۋعا 500 ملن.تەڭگە بولىنەدى.
سونىمەن قاتار, "بيزنەس-كەڭەسشى" باعدارلاماسى اياسىندا 2019 جىلى 737 ادامدى وقىتۋ جوسپارلانۋدا. ال "باستاۋ-بيزنەس" باعدارلاماسىمەن 800 ادام بىلىكتىلىگىن ارتتىراتىن بولادى.
"بيزنەستىڭ جول كارتاسى-2020" باعدارلاماسى بويىنشا جىل باسىنان بەرى ەكىنشى دەڭگەيلى بانكتەر جالپى سوماسى 658 ملن.تەڭگەنى قۇرايتىن 27 جوبانى ماقۇلداعان.
2018-2020 جىلدارى ايماقتا جاپپاي كاسىپكەرلىكتى دامىتۋدىڭ ءۇش جىلدىعى بولىپ جاريالانىپ, «جول كارتاسى» ازىرلەندى.
2018 جىلدىڭ قورىتىندىسى بويىنشا قىزىلوردا وبلىسى بيزنەستى جۇرگىزۋگە قولايلى جاعداي جاساعان ەڭ ۇزدىك وبلىس دەپ تانىلىپ, تۇڭعىش پرەزيدەنت, ەلباسى ن.ءا.نازارباەۆ قىزىلوردا وبلىسىنىڭ اكىمى ق.كوشەرباەۆقا "التىن ساپا" سىيلىعىن تابىستادى.
سونداي-اق, اعىمداعى جىلدىڭ اقپان ايىنان باستاپ وبلىستا كاسىپكەرلەرگە قىزمەت كورسەتۋ ورتالىعى بازاسىندا كاسىپكەرلىك ماقساتتار ءۇشىن جەر ۋچاسكەلەرىن بەرۋ بويىنشا اشىق اۋكتسيوندار وتكىزىلۋدە. ەستەرىڭىزگە سالا كەتەيىك, 2017 جىلى ايماق باسشىسىنىڭ باستاماسىمەن ء"بىر ءوتىنىم" قاعيداتى بويىنشا 70-تەن استام قىزمەت ءتۇرى تەگىن كورسەتىلەتىن "كاسىپكەرلەرگە قىزمەت كورسەتۋ ورتالىعى" قۇرىلدى. مىسالى, جەر قاتىناستارى سالاسىندا 21 قىزمەت ءتۇرى كورسەتىلسە, ونىڭ 7 مەملەكەتتىك قىزمەت بولىپ تابىلادى.
