پوليتسيا قىزمەتكەرلەرى ۆەتەرينارلارمەن بىرلەسىپ, قۇجاتسىز مال اكەلۋ فاكتىلەرىن, مال سويۋعا جانە ەت ساتۋعا ارنالعان سەرتيفيكاتتىڭ جوقتىعىن انىقتاۋ ءۇشىن ساۋدا ورىندارىندا رەيدتىك ءىس-شارالاردى وتكىزدى.
«رەيد قورىتىندىسى بويىنشا 26 اۆتوكولىك تەكسەرىلدى. قىزىلوردا وبلىستىق پوليتسيا باسقارماسىنىڭ باستاماسىمەن بارلىق مال سويۋ مەن ەت بولۋگە ارنالعان جەرلەردە بەينەباقىلاۋ كامەرالارى ورناتىلدى. مال ۇرلىقتارىنىڭ الدىن الۋ ءۇشىن قۇجاتسىز مال باسىن تاسىمالدايتىن بارلىق كولىك قۇرالدارىن تەكسەرۋ ۇيىمداستىرىلدى. قۇقىق بۇزۋشىلىقتار انىقتالعان جاعدايدا قىزىلوردا وبلىسى ۆەتەريناريا بولىمىنە تەكسەرۋ جۇرگىزۋ ءۇشىن ءتيىستى شەشىمدەر قابىلدانادى. وسى باعىتتاعى جۇمىستار ءالى دە جالعاسىن تاباتىن بولادى» - دەيدى وبلىستىق پوليتسيا دەپارتامەنتىنىڭ ءباسپاسوز قىزمەتى.
باقتيار تايجان,
«Egemen Qazaqstan»
قىزىلوردا وبلىسى
