...ريزاشىلىق بىلدىرەدى
مەرەيىڭ ۇستەم بولسىن, باس باسىلىم!
كوپشىلىك وقىرمان ءۇشىن «ەگەمەن قازاقستان» گازەتىنىڭ ورنى ەرەكشە دەسەك, ال بيىلعى وسى باسىلىمنىڭ 100 جىلدىعى ايتۋلى مەرەكەلەردىڭ ءبىرى بولىپ سانالادى. گازەت سوناۋ الاساپىران قيىن كەزدە قۇرىلىپ, ودان بەرگى زامانداردا نەبىر كەزەڭدەردى باستان وتكەرسە دە ءوز مىندەتىن ابىرويمەن اتقارا ءبىلدى. ۇجىمداعى نەبىر تارلاندار «باس كەسپەك بولسا دا, ءتىل كەسپەك جوق» دەگەن ماتەلدى ءوز تۇعىرناماسى ەتە ءبىلدى. كەڭەس زامانىندا نەبىر وتكىر ماقالالاردىڭ جولى بولماسا, تاۋەلسىزدىكتەن سوڭ ولارعا داڭعىل جول اشىلدى. تاريحي تاقىرىپتارعا تەرەڭدەپ بارىپ, تىيىم سالىنعان تۇلعالاردىڭ باعى جاندى. اسىرەسە باتىرلارىمىز بەن بيلەرىمىز, دانالارىمىز تۋرالى تەرەڭ ماعىنالى ماقالالاردى قالىڭ وقىرمان تۇششىنا وقيتىن بولدى. مەنىڭ دە تاريح شىندىعىنا ارنالعان ماقالالارىم جارىق كوردى. مەرەكەلى جىلى كوپشىلىك كوكەيىندەگى كۇردەلى ماسەلەلەر ءوز ورايىن تابا بەرسىن دەگىم كەلەدى.
بولاتبەك ناسەنوۆ,
تاريح عىلىمدارىنىڭ دوكتورى
...اسەرىمەن بولىسەدى
قىلقالام شەبەرى ناسيحاتتالدى
ورتالىقتاندىرىلعان كىتاپحانا جۇيەسىندە ۇيىمداستىرىلعان ارنايى كلۋب اياسىندا حالىق سۋرەتشىسى ءابىلحان قاستەەۆتىڭ 115 جىلدىعىنا وراي ء«ومىر جانە ونەر» اتتى وتىرىس ءوتتى.
شارا باسىندا كىتاپحاناشى گۇلشات يسماديلوۆا ءابىلحان قاستەەۆتىڭ قيىندىققا تولى بالالىق شاعى مەن جاستىق شاعى تۋرالى اڭگىمەلەي كەلە, سيرەك بەرىلەتىن كوركەم شىعارماشىلىق دارىنىمەن ول جەتكىنشەك كەزىندە-اق تاستار مەن اعاش قابىعىنا تابيعاتتىڭ سۇلۋلىعىن بەينەلەگەنى جايلى ايتىپ بەردى. سونداي-اق قازاقستاننىڭ ۇلتتىق كوركەمسۋرەت مەكتەبىنىڭ نەگىزىن قالاۋشى, ۇلى سۋرەتشىنىڭ شىعارماشىلىق جولى مەن قالىپتاسۋى تۋرالى اقپارات بەرىلدى. قاتىسۋشىلار ءابىلحان قاستەەۆتىڭ «قازاقستان بايلىعى», «تىڭ تۋرالى», «قازاقستان جەرىندە» جانە تاعى باسقا ەڭبەكتەرى تۋرالى تەرەڭىرەك ماعلۇمات الا ءبىلدى. كىتاپحاناشى سۋرەتشىنىڭ ءاربىر تۋىندىسى – ەل تاريحى, قازاقستاندىق كەسكىندەمە تاريحى ەكەنىن اتاپ ءوتتى. جيىن سوڭىندا ء«ومىر مەن ونەر» اتتى اشىق كىتاپ كورمەسىنە قويىلعان قۇندى دۇنيەلەرگە شولۋ جاسالدى.
راۋشان قابجانقىزى,
سەمەي
...ءۇمىت ارتادى
مۇگەدەك جان بيزنەسىن كەڭەيتپەكشى
اقمولا وبلىسىنىڭ جارقايىڭ اۋدانىندا قايتا وڭدەۋگە جارايتىن شيكىزاتتاردى قابىلدايتىن ارنايى قويما جۇمىس ىستەپ تۇر. ونى ءىى توپتاعى مۇگەدەك سەرگەي پريۆالوۆ اشىپ, بۇگىندە ءوز ءىسىن دوڭگەلەتىپ وتىر. دەنساۋلىعىنداعى كىناراتىنا قاراماستان سەرگەي بالا كۇنىنەن العىر بولىپ وسكەن. مەكتەپتى ۇيدە وقىپ ءجۇرىپ اياقتاعان سوڭ, كوللەدجدەن باعدارلاماشى ماماندىعىن الىپ شىقتى. كەيىن اتا-اناسى مەن دوستارىنىڭ قولداۋىنىڭ ارقاسىندا دەرجاۆينسك قالاسىندا كىشىگىرىم قويمانى جالعا الىپ, كارتون قاعازدارى, پلاستيك بوتەلكەلەرى مەن تەمىر ىدىستاردى جينايتىن ورىن اشتى. قويمادا وتىرىپ قانا قويماي, قالا ءىشىن ارالاپ شيكىزات ىزدەۋگە كىرىستى. جينالعان قاراجاتىنا ۆەلوسيپەد ساتىپ الىپ, وعان ارنايى جاشىكتەر ورناتتى.
«نۇر وتان» پارتياسىنىڭ جارقايىڭ اۋداندىق فيليالىنا كومەك سۇراپ كەلگەن سەرگەيگە پارتيالاستار قولۇشىن سوزىپ, قاجەتتى قۇجاتتاردى جيناستىرىپ, قويمانى سەنىمگەرلىك باسقارۋعا الۋعا كومەكتەستى. قويمادا بۇگىنگى كۇنى سەرگەي الليۋميني ىدىستاردى, پلاستيك, شىنى بوتەلكەلەر مەن قاعاز قالدىقتارىن جيناۋدا.
«سەرگەي ءوز ءىسىن كارتون جيناۋدان باستاعان. پارتيانىڭ كومەگىمەن قۇجات جيناۋعا كومەكتەستىك. وبلىس ورتالىعىنا شيكىزات جونەلتۋدە قيىندىق كورىپ وتىر. بۇل ماسەلە دە شەشىمىن تابادى دەپ سەنەمىز», دەيدى اۋداندىق پارتيا فيليالىنىڭ كونسۋلتانتى, اۋدان اكىمىنىڭ مۇگەدەكتەر ماسەلەسى بويىنشا كەڭەسشىسى ءادىل نۇربەكوۆ.
بۇگىندە سەرگەي «باستاۋ-بيزنەس» باعدارلاماسىنا قۇجاتتارىن تاپسىرىپ قويعان. وقىپ, نەسيە الىپ, بيزنەسىن كەڭەيتسەم دەگەن نيەتتە.
«قوقىس وڭدەيتىن تسەح اشسام دەيمىن. اينالانىڭ بارلىعى شاشىلعان قوقىس. ونى قايتا وڭدەۋدەن وتكىزىپ, قۇرىلىس زاتتارىن شىعارۋ ويدا بار», دەپ ءوز جوسپارىمەن بولىسكەن سەرگەي قول قۋسىرىپ وتىرعان جان ەمەس. قاتارلاستارىنان كەم قالماي جوبا قۇرىپ, گرانت الىپ, بيزنەسىن كەڭەيتپەكشى.
اسلان وسپانوۆ
اقمولا وبلىسى
