وندا بىرقاتار نىسانداردى ارالاپ, اتقارىلىپ جاتقان جۇمىستارىمەن تانىستى. ەڭ الدىمەن ايماق باسشىسى بىرتىلەك اۋىلدىق وكرۋگى, ەڭبەكشى ەلدى مەكەنىندە ورنالاسقان «كەلەس پلاست» جشس-ءنىڭ جىلىجايعا قاجەتتى پوليەتيلەن ونىمدەر شىعارۋ تسەحىنا باردى. بۇگىندە اتالعان جىلىجايدا 20 ادام جۇمىس ىستەيدى. كاسىپورىن 2018 جىلى ىسكە قوسىلىپ, جىلىجايعا ارنالعان پلەنكا, قىسقىش (زاجيم), پرەس ءجىپ شىعارۋمەن اينالىسادى. جالپى, جوبانىڭ قۇنى – 150,0 ملن. تەڭگە.
سونداي-اق ءوڭىر باسشىسى قوشقاراتا اۋىلدىق وكرۋگى, بەسقۇبىر ەلدى مەكەنى, «وكتەمحان» شارۋا قوجالىعىندا دا بولدى. جىلىنا 120 توننا كوكونىس ءونىمىن بەرەتىن جىلىجاي 0,65 گا اۋماقتا ورنالاسقان. جالپى 15 ادامدى جۇمىسپەن قامتىپ وتىر. جوبانىڭ جالپى قۇنى – 22 ملن. تەڭگە. سونداي-اق ءوڭىر باسشىسى جۇزىمدىك جانە بىرلەسۋ اۋىلدىق وكرۋگتەرىندەگى 8 ەلدى مەكەندى تابيعي گازبەن قامتاماسىز ەتۋ بارىسىمەن تانىستى. ودان كەيىن بىرلەسۋ اۋىلدىق وكرۋگى, قازاقستان ەلدى مەكەنىندەگى شارۋاشىلىققا باردى. مۇندا جىلىنا 3 رەت كوكونىس ءوندىرۋ جوباسى قاراستىرىلىپ جاتىر. دالىرەك ايتساق, م.اۋەزوۆ اتىنداعى وقمۋ-ءنىڭ عىلىمي قىزمەتكەرى ب.قالىمبەتوۆتىڭ قر ءبىلىم جانە عىلىم مينيسترلىگىنىڭ 147 ملن. تەڭگە گرانتىن جەڭىپ العان وزىق تەحنولوگياسى ەندىرىلۋدە.
اۋدانداعى بىرقاتار نىسانداردىڭ جاي كۇيىمەن تانىسقان وبلىس اكىمى ءونىم وندىرۋدە جاڭا تەحنولوگيالاردى ءتيىمدى پايدالانۋ زامان تالابى ەكەنىن ايتىپ, بىرقاتار تاپسىرمالار جۇكتەدى.
ودان بولەك وبلىس باسشىسى بىرلىك اۋىلدىق وكرۋگى اۋماعىنداعى «تم-ستروي – 21» جشس-ءنىڭ پرەسس ءجىپ ءيىرۋ جانە قىش زاۋىتتارىنا باردى. كەلەس اۋدانىنا جاساعان ءىسساپارى بارىسىندا تۇركىستان وبلىسىنىڭ اكىمى ومىرزاق شوكەەۆ بىرلىك اۋىلدىق وكرۋگىنىڭ اۋماعىندا سالىنىپ جاتقان «قىزىلاسكەر» قوسالقى ەلەكتر ستانساسىنىڭ قۇرىلىسىمەن تانىسىپ, جۇزىمدىك اۋىلدىق وكرۋگى, جۇزىمدىك ەلدى مەكەنى, كەلەس وزەنىندەگى «ويماۋىت» سۋ بوگەتىن ارالاپ كوردى.
