«قازاق كۇرەسى» سپارتاكياداسىندا پالۋاندار بەلدەستى

ىشكى ىستەر مينيسترلىگى ءبىلىم بەرۋ ۇيىمدارىنىڭ اۋىسپالى قۇرامى اراسىندا سالاماتتى ءومىر سالتىن جانە سپورتتى ناسيحاتتاۋ ماقساتىندا ءىىم ءبىلىم بەرۋ ۇيىمدارىنىڭ اۋىسپالى قۇرامىنىڭ اراسىندا سپارتاكيادانىڭ ءبىرىنشى كەزەڭى ناۋرىزدىڭ 15-ءى كۇنى ءىىم ش.قابىلباەۆ اتىنداعى قوستاناي اكادەمياسىنىڭ قابىرعاسىندا ۇيىمداستىرىلدى. ءار قالادا شوعىرلانعان ءىىم-ءنىڭ وقۋ ورتالىقتارى جانە جوعارى ۆەدومستۆالىق وقۋ ورىندارى اراسىندا قازاق كۇرەسىنەن سپارتاكيادا ءوتتى.

جارىسقا ءىىم م.ەسبولاتوۆ اتىنداعى الماتى اكادەمياسى, ءىىم ب.بەيسەنوۆ اتىنداعى قاراعاندى اكادەمياسى, ءىىم م.بوكەنباەۆ اتىنداعى اقتوبە زاڭ ينستيتۋتى, ءىىم توتەنشە جاعدايلار كوميتەتىنىڭ كوكشەتاۋ تەحنيكالىق ينستيتۋتى, ۇلتتىق ۇلاننىڭ پەتروپاۆل قالاسىنىڭ اسكەري ينستيتۋتى, تەمىرتاۋ, پاۆلودار جانە قوستاناي قالالارىنىڭ وقۋ ورتالىقتارى, سونىمەن قاتار ءىىم ش.قابىلباەۆ اتىنداعى قوستاناي اكادەمياسىنىڭ پالۋاندارى ءوز ونەرلەرىن كورسەتتى. قاي وقۋ ورنىنىڭ پالۋاندارىن الساڭ دا ارقايسىسى ءوز الدىنا مىقتى ءارى بايسالدى, سپارتاكياداعا جوعارى دايىندىقپەن كەلگەن سپورت شەبەرلەرى.

سالتاناتتى ءىس-شارانى وتكىزۋدى ءوز جەتەكشىلىگىنە العان اكادەميامىزدىڭ باستىعى, پوليتسيا گەنەرال-مويورى ميرلان قىزىلوۆ ءوز سوزىندە پالۋاندارعا جۇرەكجاردى لەبىزىن ءبىلدىرىپ, ساتتىلىك تىلەدى. سونىمەن قاتار قازاق كۇرەسى پالۋاندارىنا ءىىم ارنايى جانە جۇمىلدىرۋ دايارلىعى دەپارتامەنتىنىڭ اعا ينسپەكتورى, پوليتسيا مايورى ا.بەيسەنعاليەۆ, «دينامو» دەنە شىنىقتىرۋ-سپورت قوعامىنىڭ قوستاناي وبلىستىق فيليالىنىڭ باستىعى ۆ.چەرنياەۆ تا پالۋاندارعا جەڭىس تىلەدى.

ءار پالۋانعا ۇلتتىق دارەجەدەگى تورەشى ك.يسماگۋلوۆ جانە I دارەجەدەگى تورەشىلەر ە.كابيدۋللينوۆ, م.ابدۋايتوۆ, ە.شاكيروۆ وڭ باعالارىن بەرىپ, تورەلىك ەتتى.

سپارتاكيادا Qazaq kuresi حالىقارالىق فەدەراتسياسىنىڭ قاعيدالارىمەن 66 كگ, 74 كگ, 82 كگ جانە +82 كگ جوعارى سالماق دارەجەلەرىندە وتكىزىلدى.

رەسپۋبليكامىزدىڭ تۇكپىر-تۇكپىرىنەن كەلگەن پالۋاندار كورەرمەندەرگە قازاق كۇرەسىنىڭ ءارتۇرلى ءادىس-تاسىلدەرىن قولدانىپ, ءوزارا كۇش سىناستى.

قازاق كۇرەسىنەن وتكەن سپارتاكيادادا اكادەميامىزدىڭ مىڭ بۇرالعان بيشىلەر ۇجىمى بي بيلەپ, وقۋ ورنىمىزدىڭ تاربيە جۇمىسى ءبولىمىنىڭ بىلىكتى مامانى تيمۋر تۋلىباەۆ پەن 1-كۋرس كۋرسانتى تولەۋ اقتورەنىڭ ورىنداۋىندا پالۋانداردىڭ بويىنا پاتريوتتىق رۋح ۇيالاتاتىن «اتامەكەن» ءانى شىرقالدى.

قازاقستان رەسپۋبليكاسىنىڭ ەڭبەك سىڭىرگەن مادەنيەت قىزمەتكەرى, قازاقستان كومپوزيتورلار وداعىنىڭ مۇشەسى, قوستاناي وبلىسى امانكەلدى اۋدانىنىڭ قۇرمەتتى ازاماتى, ءانشى-سازگەر قاليبەك دەرىپسالدين باسقارعان اكادەميامىزدىڭ دومبىراشىلار وركەسترى ءوز ونەرلەرىن كورسەتتى. وسىلايشا, جارىسىمىزدىڭ قازاقى ناقىشتاعى اتموسفەراسىن جانداندىرا ءتۇستى.

66 كگ سالماق دارەجەسىندە:

I ورىن - ورازبەك ەرجان – ۇلتتىق ۇلان اسكەري ينستيتۋتى;

II ورىن - بەرىك ەرىك – م.ەسبولاتوۆ اتىنداعى الماتى اكادەمياسى;

III ورىن - بويراباي فاقريددين – ب.بەيسەنوۆ اتىنداعى قاراعاندى اكادەمياسى;

III ورىن - رايمحانوۆ قامبار – توتەنشە جاعدايلار جونىندەگى كوميتەتىنىڭ كوكشەتاۋ تەحنيكالىق ينستيتۋتى;

74 كگ سالماق دارەجەسىندە:

I ورىن - مەيرحانوۆ نۋراسىل - توتەنشە جاعدايلار جونىندەگى كوميتەتىنىڭ كوكشەتاۋ تەحنيكالىق ينستيتۋتى;

II ورىن - كاسىلجانوۆ ەراسىل - توتەنشە جاعدايلار جونىندەگى كوميتەتىنىڭ كوكشەتاۋ تەحنيكالىق ينستيتۋتى;

III ورىن - الىمبەكوۆ بيباتىر - م.ەسبولاتوۆ اتىنداعى الماتى اكادەمياسى;

III ورىن - باكزالباەۆ گاسىربەك - ب.بەيسەنوۆ اتىنداعى قاراعاندى اكادەمياسى;

82 كگ سالماق دارەجەسىندە:

I ورىن - ۋرينبەكوۆ نۋرجيگيت - ۇلتتىق ۇلان اسكەري ينستيتۋتى;

II ورىن - قۇرمانعاليەۆ باۋىرجان – تەمىرتاۋ ق. وقۋ ورتالىعى;

III ورىن - جارقىنبەك باقداۋلەت – ش.قابىلباەۆ اتىنداعى قوستاناي اكادەمياسى;

III ورىن - احمەتوۆ ەراسىل - توتەنشە جاعدايلار جونىندەگى كوميتەتىنىڭ كوكشەتاۋ تەحنيكالىق ينستيتۋتى;

+82 كگ سالماق دارەجەسىنەن جوعارى:

I ورىن - ءسابيت جان - ش.قابىلباەۆ اتىنداعى قوستاناي اكادەمياسى;

II ورىن - سۇلتانوۆ ابىلسەىت - توتەنشە جاعدايلار جونىندەگى كوميتەتىنىڭ كوكشەتاۋ

تەحنيكالىق ينستيتۋتى;

III ورىن - ءپىرنازار ادىلبەك - م.ەسبولاتوۆ اتىنداعى الماتى اكادەمياسى;

III ورىن - باقوچونوۆ يدريس - ۇلتتىق ۇلان اسكەري ينستيتۋتى.

سونىمەن قاتار جالپى كوماندالىق جۇلدەلى ورىندار بويىنشا:

I ورىندى توتەنشە جاعدايلار جونىندەگى كوميتەتىنىڭ كوكشەتاۋ

تەحنيكالىق ينستيتۋتىنىڭ كومانداسى;

II ورىندى ۇلتتىق ۇلان اسكەري ينستيتۋتىنىڭ كومانداسى;

III ورىندى تەمىرتاۋ ق. وقۋ ورتالىعىنىڭ كومانداسى يەلەندى. جوعارىدا اتالعان ءارتۇرلى سالماقتاعى پالۋاندارعا ديپلومدار مەن مەدالدار, كۋبوكتار تابىس ەتىلدى.

سونىمەن قاتار اتالعان ءىس-شارانى جوعارى دەڭگەيدە ۇيىمداستىرىپ, وتكىزگەندەرى ءۇشىن قوستاناي اكادەمياسىنىڭ, «دينامو» دشسق وڭىرلىك فيليالىنىڭ وكىلدەرى مەن تورەشىلەر ديپلومدارمەن ماراپاتتالدى. «قازاق كۇرەسى» سپارتاكياداسى بويىنشا قورىتىندى ماراپاتتاۋلار الماتى قالاسىندا وتكىزىلەتىن بولادى.

و. ۋاقپاەۆا,

ءىىم ش.قابىلباەۆ اتىنداعى

قوستاناي اكادەمياسىنىڭ ءباسپاسوز حاتشىسى