جارىسقا 16 كوماندادان قۇرالعان 233 اتلەت قاتىسادى (152 – ۇل, 81- قىز). سپورتشىلاردىڭ دەنى - قازاقستاننىڭ وبلىستارى مەن قالالارىنان كەلگەن.
جارىستىڭ جاتتىقتىرۋشىلار جانە تورەشىلەر قۇرامى اتاپ وتكەندەي, الماتى, الماتى وبلىسى جانە قىزىلوردا وبلىستارىنىڭ كوماندالارى ءداستۇرلى تۇردە مىقتىلىعىمەن كوزگە تۇسكەن.
ء«بىز قازاقستان اۋىر اتلەتيكاسىنىڭ ۇستاحاناسى - قىزىلوردا قالاسىندا وسى دەڭگەيدەگى كەزەكتى جارىستى وتكىزۋگە قۋانىشتىمىز. جاقىندا قىزىلوردالىق اۋىر اتلەتيكا مەكتەبىنىڭ تاربيەلەنۋشىلەرى – جاس اتلەتتەر ەسەنگەلدى ساپي مەن راحات بەكبولات قازاقستان حالقىنا ناۋرىز مەرەكەسىنە سىيلىق جاساپ, لاس-ۆەگاس قالاسىندا وتكەن جاستار اراسىندا اۋىر اتلەتيكادان الەم چەمپيوناتىندا التىن مەدالداردى جەڭىپ الدى. وسىنداي وڭىرلىك ءىس-شارالاردى جوعارى دەڭگەيدە وتكىزۋ قازاقستان جاستارى اراسىندا اۋىر اتلەتيكانىڭ دارىپتەلۋىنە جانە وسى سپورت تۇرىندە جاڭا جۇلدىزداردىڭ پايدا بولۋىنا سەپتىگىن تيگىزەدى دەپ ۇمىتتەنەمىز», دەدى اۋىر اتلەتيكا فەدەراتسياسىنىڭ اتقارۋشى ديرەكتورى الديار نۋرالينوۆ.
