“نۇر وتان” ءار وتباسىن قولدايدى

8 ناۋرىز كۇنى “نۇر وتان” پار­تياسى ايرىقشا اكتسيا ۇيىمداس­تىر­دى. ۇيىم مۇشەلەرى حالىقارا­لىق ايەلدەر كۇنى دۇنيەگە ءسابي اكەلگەن جاس انالاردى قۇتتىقتاپ, قۇرمەت كورسەتتى. قازاقستاننىڭ ءتۇپ­كىر-تۇپكىرىندەگى جۇزدەگەن ءسابي ءوز ومىرلەرىندەگى العاشقى سىي­لىقتى پرەزيدەنت كوشباسشىسى بولىپ تابىلاتىن پارتيا اتىنان الدى. نۇروتاندىقتار ءار قالانىڭ, ءار ءوڭىردىڭ پەرزەنتحانالارىن ارالاپ, انالار مەن نارەستەلەرگە ارنايى سىيلىقتار تابىس ەتتى. جاس انالاردى قۇتتىقتاي وتىرىپ, نۇروتاندىقتار انالاردى قورعاۋ مەن وتباسى مارتەبەسىن نى­عايتۋ پارتيانىڭ باسىم باعىت­تارىنىڭ ءبىرى ەكەنىن اتاپ ءوتتى. قازىرگى تاڭدا ەلباسى, پارتيا كوشباسشىسى نۇرسۇلتان نازار­باەۆتىڭ ءاربىر اناعا, ءاربىر بالاعا جاساپ جاتقان قامقورلىعى قا­زاقستاننىڭ بولاشاعى ءۇشىن جا­سالىپ جاتقان جۇمىس. دەنساۋلىق ساقتاۋ سالاسىندا اتقارىلىپ جاتقان ىستەردىڭ ارقاسىندا سوڭعى جىلدارى ەلىمىزدە انا ءولىمى ەكى ەسە ازايىپ, تۋ كورسەتكىشى 1,5 ەسەگە ارتتى. نۇروتاندىقتاردىڭ ايتۋى بوي­ىنشا, ەلدەگى دەموگرافيالىق احۋال­دى جاقسارتۋ جالپى العاندا ەكونوميكالىق دامۋمەن, قازاق­ستان­دىق قوعامنىڭ ءال-اۋقاتىنىڭ وسۋىمەن تىعىز بايلانىستى. سون­دىقتان دا 8 ناۋرىزدا رەسپۋبليكا كولەمىندە وتكىزىلگەن اكتسيا تەرەڭ ماعىناعا يە. ويتكەنى, بۇگىنگى سابيلەر ەرتەڭگى ەل ءىسىنىڭ تىزگىنىن ۇستاۋشىلار ەكەنى ءسوزسىز. ءدال وسى كۇنى ەلىمىز كولەمىندە 1236 ءسابي جارىق دۇنيە ەسىگىن اشتى. دەرەك كوزى: “ەگەمەن-اقپارات”.