«ەلوردامىز – نۇر-سۇلتان» مەرەكەلىك كونتسەرتىندە جۇرتشىلىق قازاقستاننىڭ تۇڭعىش پرەزيدەنتىنىڭ مەملەكەت قۇرۋداعى ءرولى تۋرالى پىكىرلەرىن ءبىلدىردى.
قازاقستاننىڭ تۇڭعىش پرەزيدەنتىنىڭ تاريحي ەڭبەگىنىڭ ارقاسىندا بۇگىنگى قازاقستان الەم تانىعان, قارقىندى دامىپ كەلە جاتقان ءىرى ەكونوميكالىق, ونەركاسىپتىك, عىلىمي, مادەني الەۋەتى, جاڭا يننوۆاتسيالىق تەحنولوگيالارى بار مەملەكەتكە اينالدى.
«ۇلت كوشباسشىسى قازاقستاندا عانا ەمەس, الەمدىك دەڭگەيدە بەدەلدى مەملەكەت قايراتكەرى رەتىندە تاريحقا ەندى»-دەيدى مەرەكەلىك كونتسەرتكە قاتىسقاندار.
- حالىق تاريحي ماڭىزى بار بۇل وقيعاعا وڭ كوزقاراس بىلدىرۋدە. استانا اتىن ەلباسى قۇرمەتىنە اۋىستىرۋ – تاريحي ادىلەتتىلىك. نۇرسۇلتان ءابىش ۇلى ءوز ابىرويى ارقىلى ۇلى دالا ەلىن ءا لەمدەگى تابىستى دامىپ كەلە جاتقان مەملەكەتتەر قاتارىنا قوستى. ونىڭ ساياسي, الەۋمەتتىك-ەكونوميكالىق سالالاردا اتقارعان قىزمەتى مەن جەتىستىكتەرى حالىقتىڭ بولاشاعىنا ارنالدى»-دەپ اتاپ ءوتتى «نۇر وتان» پارتياسى اتىراۋ وبلىستىق فيليالى توراعاسىنىڭ ءبىرىنشى ورىنباسارى نۇرلىبەك وجاەۆ.
اتىراۋلىق جاستار تاۋەلسىز ەلىمىزدىڭ استاناسىن نۇر-سۇلتان دەپ اتاۋ تۋرالى يدەيانى قۋاتتايدى. بىرلىك پەن كەلىسىمنىڭ سيمۆولىنا اينالعان قازاقستان استاناسى ەلباسى ەسىمىمەن تىعىز بايلانىستى.
– ەلىمىزدە بولىپ جاتقان تاريحي وقيعالار جاستاردى سىرت اينالىپ وتپەيدى. قازاقستاننىڭ تۇڭعىش پرەزيدەنتىنىڭ ەسىمى استاناعا بەرىلۋگە ابدەن لايىقتى. مەملەكەتىمىزدىڭ بارلىق تابىستارى تۇڭعىش پرەزيدەنتتىڭ ەسىمىمەن بايلانىستى. ونىڭ باستاماسىمەن الەم كارتاسىندا قازاقستاننىڭ جاڭا استاناسى پايدا بولدى. ەلورداعا نۇر-سۇلتان ەسىمىنىڭ بەرىلۋى – حالىقتىڭ ماحابباتى مەن العىسى, - دەيدى كاسپي ءوڭىرى قازىرگى زامانعى كوللەدجىنىڭ 3 كۋرس ستۋدەنتى اينۇر زينەتۋللينا.
باقىتگۇل باباش,
«Egemen Qazaqstan»
اتىراۋ
