جۇمىس ساپارى اقكەمەر اۋىلىنىڭ اقساقالدارىمەن كەزدەسۋدەن جانە جاقىن جەردە ورنالاسقان كوتىبار باتىر باسەن ۇلى كەسەنەسىنە بارۋدان باستالدى. مادەني-تاريحي ورىندى ارالاۋ اقساقالداردىڭ ء داستۇرلى باتا بەرۋىمەن اياقتالدى.
ەلەك اۋىلىندا وڭداسىن ورازالين 100 وقۋشىعا ارنالعان جاڭا مەكتەپتىڭ قۇرىلىسىن تەكسەردى. بارلىق زاماناۋي ستاندارتتارعا سايكەس كەلەتىن ەكى قاباتتى عيماراتتى سالۋ ءۇشىن مەملەكەت 300 ملن. تەڭگەدەن استام قارجى ءبولدى. مەكتەپتىڭ جالپى اۋدانى شامامەن 2 مىڭ شارشى مەتردى قۇرايدى. قۇرىلىسشىلار نەگىزگى جۇمىستى اياقتاپ, ىشكى ارلەۋگە كىرىستى. نىسان اعىمداعى جىلدىڭ تامىز ايىندا پايدالانۋعا بەرىلەدى دەپ جوسپارلانۋدا. وبلىس باسشىسىنىڭ كەلۋىنە وراي اۋىل تۇرعىندارى وڭداسىن ورازالينگە اۋىلدى گازداندىرۋعا ۇسىنىس جاساپ ۇجىمدىق حاتتى تابىس ەتتى. گاز قۇبىرى ەلەك اۋىلىنان ەكى شاقىرىم قاشىقتىقتا ەكەنىن ەسكەرە وتىرىپ, وبلىس اكىمى اۋدان باسشىسى ەربول داناعۇلوۆقا بيىلعى جىلى اۋىلىشىلىك گاز قۇبىرى قۇرىلىسىنىڭ جوبالىق-سمەتالىق قۇجاتتاماسىن دايىنداۋدى تاپسىردى, سودان كەيىن 2019 جىلى بۇل جوبانى قارجىلاندىرۋدى اشا باستاۋعا بولادى.
وبلىس اكىمى جەم قالاسىندا بۇرىنعى قاتاڭ ءتارتىپتى رەجيم كولونياسى بولعان عيماراتتى ارالاپ كوردى. قازىر مۇندا ءىىم ۇلتتىق گۆاردياسى ورنالاسقان, جاقىن ارادا عيمارات قورعانىس مينيسترلىگىنىڭ اسكەري بولىمىنە بەرىلەدى.
و.ورازالين ەمبى قالاسىن ارالاعان كەزدە بوس ۇيلەرگە ەرەكشە نازار اۋداردى. بوس قالعان عيماراتتاردى ۇتىمدى پايدالانۋ ءۇشىن وبلىس اكىمى ەكى ءۇيدى 135 پاتەرگە قايتا سالۋ جوباسىن قولدادى. بۇل جەرگىلىكتى اتقارۋشى ورگاندا كەزەكتە تۇرعانداردىڭ جارتىسىنا جۋىعىن تۇرعىن ۇيمەن قامتاماسىز ەتەدى. وبلىس اكىمىنىڭ قولداۋىن قامتاماسىز ەتۋ ءۇشىن اۋداندىق بيلىك جاقىن ارادا جوبالىق-سمەتالىق قۇجاتتامانى ازىرلەۋگە كىرىسەدى.
ەمبىدە تۇرعىندارمەن كەزدەسۋ وتكىزىلىپ, قالا تۇرعىندارىن جەكە ماسەلەلەر بويىنشا قابىلداۋ جۇرگىزىلدى. جۇمىس اياعى بارىسىندا وبلىس اكىمىنە سەرۆيستىك كومپانيالاردىڭ ەڭبەكاقىنى تولەۋدەگى ۇزىلىستەرىنە شاعىمدانعان قىزمەتكەرلەر بولدى. وبلىس اكىمى كاسىپورىن باسشىسىمەن قىسقا مەرزىمدە كەزدەسۋ وتكىزىپ, جاعدايدى تەزىرەك شەشۋگە قاجەتتى بارلىق شارالاردى جۇزەگە اسىرۋعا ۋادە بەردى. كەزدەسۋ بارىسىندا از قامتىلعان وتباسىلاردىڭ پروبلەمالىق ماسەلەلەرىن شەشۋ ءۇشىن ارقايسىسى 100 مىڭ تەڭگەلىك اقشالاي سەرتيفيكاتتار تاپسىرىلعانىن اتاپ ءوتۋ كەرەك. اتاپ ايتقاندا, قاراجات كوممۋنالدىق قىزمەتتەر ءۇشىن قارىزداردى وتەۋگە, قۇرىلىس ماتەريالدارى مەن باسقا دا قاجەتتىلىكتەرگە جۇمسالادى.
قاندىاعاشتا وتكەن ەكىنشى وسىنداي كەزدەسۋدە 500 مىڭ تەڭگەگە دەيىنگى سەرتيفيكاتتاردى تاعى توعىز وتباسى الدى. دەمەۋشىلىك ارقاسىندا ولار ۇيلەردى, گازدى, سۋدى جوندەۋگە جانە باسقا دا ماسەلەلەردى شەشە الادى.
وڭداسىن ورازالين دەمەۋشىلىك جاساعان كاسىپكەرلەرگە جاقسى ءىس-ارەكەتتەرى ءۇشىن العىس ءبىلدىردى. ول سونداي-اق, بيىلعى جىلى مەملەكەت ازاماتتاردى الەۋمەتتىك قولداۋ شارالارىن ەداۋىر نىعايتقانىن اتاپ ءوتتى.
«تۇڭعىش پرەزيدەنتتىڭ ازاماتتاردىڭ ءال-اۋقاتىن جاقسارتۋ تۋرالى تاپسىرماسىنا سايكەس, 1 ساۋىردەن باستاپ تابىسى از, كوپ بالالى وتباسىلار جاڭا نىسانداعى اتاۋلى الەۋمەتتىك كومەك كورسەتە باستايدى. نەگىزگى مىندەت – اتاۋلى الەۋمەتتىك كومەك جانە ءارتۇرلى جەڭىلدىكتەرگە شىنىمەن مۇقتاج ازاماتتار قابىلدايتىنىن قامتاماسىز ەتۋ. سونىمەن قاتار, ازاماتتاردى جۇمىسپەن قامتۋعا جاردەمدەسۋدىڭ بارلىق تۇرلەرىمەن قامتاماسىز ەتۋ قاجەت, وسىلايشا ەڭبەك - سالاۋاتتى ادام ءۇشىن نەگىزگى تابىس كوزى», - دەپ اتاپ ءوتتى وبلىس اكىمى.
اۋدان اكىمى ەربول داناعۇلوۆتىڭ اۋداننىڭ الەۋمەتتىك-ەكونوميكالىق دامۋى تۋرالى بايانداماسىن تىڭداپ, تۇرعىنداردىڭ سۇراقتارىنا جاۋاپ بەرگەن وڭداسىن ورازالين كۇشەيتىلۋى قاجەت بىرقاتار باعىتتاردى اتاپ ءوتتى. ولاردىڭ قاتارىندا اۋدان تۇرعىندارىنىڭ تابىسىن ارتتىرۋ, شاعىن جانە ورتا بيزنەستى قولداۋ جانە دامىتۋ, اۋىل شارۋاشىلىعىن دامىتۋ, سونىڭ ىشىندە مال شارۋاشىلىعى, ەلدى مەكەندەردى ساۋىقتىرۋ ماسەلەلەرى بار.
سودان كەيىن ازاماتتاردى جەكە قابىلداۋدا وبلىس اكىمى 10-نان استام ادامدى تىڭدادى. ءار ءتۇرلى وتىنىشتەر مەن ۇسىنىستار ايتىلدى, ولاردىڭ ارقايسىسى باقىلاۋعا الىندى. سونىڭ ىشىندە جارىق اۋىلىنىڭ تۇرعىنى ەربولات سارسەنباەۆقا 2013 جىلى بولعان مال ۇرلىعىنا قاتىستى سوت ىسىنە كومەك كورسەتىلەتىن بولادى. سونداي-اق, پروفەسسور, دوكتور امانجول اداەۆ وبلىس اكىمىنىڭ جۇمىسىنا ساتتىلىك تىلەپ, وبلىس ورتالىعىنداعى ارحيتەكتۋرا مەن قۇرال-جابدىقتاردان كەم تۇسپەيتىن اۋدان ورتالىعىنداعى زاماناۋي مادەني ورتالىق قۇرۋدى تىلەدى. وڭداسىن ورازالين بۇل ماسەلە ايماقتاعى بارلىق مادەنيەت ۇيىمدارىنىڭ جەلىسىن كەڭەيتۋ جونىندەگى جۇمىستى جالعاستىرۋدى قامتاماسىز ەتۋ ءۇشىن قوسىمشا قاراۋدى قاجەت ەتەتىنىن اتاپ ءوتتى.
بۇدان باسقا, قاندىاعاشتا وبلىس اكىمى «قاندىاعاشكوممەرتس گرۋپپ» جشس ەت وڭدەۋ تسەحىنا بارىپ, 90 پاتەرلى بۇرىنعى بوس جاتاقحانانى قالپىنا كەلتىرۋ جۇمىستارىمەن تانىستى.
وڭداسىن ورازالين سونداي-اق بيىلعى جىلدىڭ تامىز ايىندا پايدالانۋعا بەرىلەتىن ءۇش كوپپاتەرلى كوممۋنالدىق ءۇيدىڭ قۇرىلىسىن تەكسەردى. ءاربىر ۇيدە 8 پاتەر بار. تۇرعىن ءۇي جەرگىلىكتى اتقارۋ ورگاندارىنىڭ كەزەكتەگىلەرىنە جالعا بەرۋ بويىنشا قامتاماسىز ەتىلەدى.
تەمىر قۇسايىن,
«ەگەمەن قازاقستان»
اقتوبە
