ايماق باسشىسى ەرمەك مارجىقپاەۆ اتاپ وتكەندەي, اۋا رايى بولجامدارىنا سايكەس ناۋرىزدىڭ 18-نەن باستاپ وبلىستىق ازاماتتىق قورعانىس جۇيەسى جوعارى دايىندىق رەجىمىنە كوشتى. سۋ تاسقىنىنىڭ قاتەرى استراحان, اتباسار, ارشالى, ساندىقتاۋ جانە تسەلينوگراد اۋداندارىندا ساقتالادى. بارلىق وڭىرلەردە شتاب قۇرىلىپ, تاۋلىك بويى جاعدايدى باقىلاۋدا ۇستاۋدا جانە مونيتورينگ جۇرگىزۋدە. سونداي-اق, قاجەتتى كۇشتەر مەن قاراجات دايىندالدى.
«بۇدان بولەك, ۇكىمەتتىك توپ مۇشەلەرى اتباسار قالاسىنداعى سۋ تاسقىنىنا قاۋىپتى اۋماقتا ورنالاسقان №1 ورتا مەكتەپتە, 2017 جىلى سۋ تاسقىنىنان زارداپ شەككەندەرگە ارنالىپ جاڭا تۇرعىن ۇيلەر سالىنعان شاعىناۋداندا بولدى. قازىرگى كەزدە قاۋىپتى اۋماقتا 419 تۇرعىن ءۇي ورنالاسقان. الداعى جىلدارى سۋ تاسقىنىڭ قاۋىپىن بولدىرماۋ ماقساتىندا قوسىمشا تاعى 12 تۇرعىن ءۇي سالۋ جوسپاردا بار», دەيدى اقمولا وبلىسى اكىمىنىڭ ءباسپاسوز قىزمەتى.
