وتىرىستى اشقان م.اشىمباەۆ قازىرگى تاڭدا قازاقستان حالقىنىڭ تاريحي كەزەڭدى باستان كەشىرىپ جاتقانىن ايتتى. سونداي-اق ول ەلباسىنىڭ ءوزىنىڭ پرەزيدەنتتىك وكىلەتتىگىن توقتاتۋ تۋرالى شەشىمى ءبىر ساتتە قابىلدانباعانىن, ول ءۇشىن تۇڭعىش پرەزيدەنتىمىز ۇزاق ويلانىپ, بارلىق سالانى سارالاپ, سالماقتاعانىنا نازار اۋداردى.
– ەلباسى ەل مەن حالىقتىڭ مۇددەسىن ءبىرىنشى كەزەككە قويىپ, ءاردايىم دۇرىس شەشىمدەر قابىلدايدى. سوندىقتان نۇرسۇلتان ءابىش ۇلى نازارباەۆ قاشاندا ءبىزدىڭ ەلباسىمىز, تاۋەلسىز قازاقستاننىڭ نەگىزىن قالاۋشى تۇلعا, ەل ىشىندە جانە حالىقارالىق ارەنادا وراسان زور بەدەلگە يە الەمدىك دەڭگەيدەگى ساياساتكەر, اسا كورنەكتى رەفورماتور بولىپ قالا بەرەدى. ونىڭ ەرىك-جىگەرى مەن تاباندىلىعىنىڭ ارقاسىندا قازاقستان تاۋەلسىز مەملەكەت بولىپ قالىپتاستى, – دەدى پارتيا توراعاسىنىڭ ءبىرىنشى ورىنباسارى.
بۇدان بولەك ول ەلباسىنىڭ قاۋىپسىزدىك كەڭەس توراعاسى, قازاقستان حالقى اسسامبلەياسىنىڭ جانە «Nur Otan» پارتياسىنىڭ توراعاسى رەتىندە مەملەكەتتىڭ ستراتەگيالىق دامۋىنا ايرىقشا ىقپال ەتەتىن تۇلعا بولىپ قالاتىنىن, ءارى قاراي دا ەل دامۋىندا ەلباسى جولى جالعاساتىنىن جانە وسى ىستە تۇڭعىش پرەزيدەنتىمىزدىڭ ەسىمىن ەلوردامىزعا بەرۋدىڭ ماڭىزى زور ەكەنىن اتاپ ءوتتى.
بۇدان كەيىن ءسوز العان قازاقستان كوممۋنيستىك حالىق پارتياسىنىڭ حاتشىسى, ءماجىلىس دەپۋتاتى جامبىل احمەتبەكوۆ تۇڭعىش پرەزيدەنتتىڭ حالىققا ۇندەۋىن جاريالاپ, كەلەسى پرەزيدەنتكە تاپسىرۋى – ونىڭ ەل دامۋىنداعى ەلەۋلى شەشىم ەكەنىنە توقتالدى. سونىمەن قاتار ول قازاقستان شەكاراسىن بەكىتۋدەگى ەلباسىنىڭ ەڭبەگى ەرەن بولعانىن, ەكونوميكالىق جانە قارجىلىق داعدارىسقا ۇشىراتپاي, تۇراقتىلىقتى ساقتاۋدا قاجىرلى جۇمىستىڭ جەمىسى, حالىقتىڭ تۇرمىس ساپاسىن ارتتىرۋعا باعىتتالعان رەفورمالاردىڭ جۇزەگە اسىرىلۋىنان بولعانىن, ءوز پارتيا مۇشەلەرىنىڭ وسى جولدا ەرەكشە قولداۋ بىلدىرەتىنىن ايتتى.
«اۋىل» حالىقتىق-دەموكراتيالىق پاتريوتتىق پارتياسىنىڭ توراعاسى, پارلامەنت سەناتىنىڭ دەپۋتاتى ءالي بەكتاەۆ سوناۋ جىلدارى تۇڭعىش پرەزيدەنتتىڭ ەل استاناسىن الماتىدان كوشىرۋ تۋرالى شەشىمىن شىعارعاندا ونىڭ بولاشاعىنا سەنىم ارتقانداردىڭ از بولعانىن جەتكىزدى. «مىنە, بۇگىن ەلوردامىز – نەبارى 20 جىلدا بوي كوتەرگەن اسەم قالا. وسى قالانىڭ ىرگەتاسىن قالاعان باس قالانىڭ ارحيتەكتورى – تۇڭعىش پرەزيدەنتىمىز», دەي كەلە پارتيا اتىنان بۇگىنگى كواليتسياسىنداعى ۇندەۋلەرمەن تولىق تانىسقانىن جانە قولداۋعا دايىن ەكەنىن ايتتى.
