تاۋەلسىز قازاقستاننىڭ تۇڭعىش پرەزيدەنتى, دارا كوشباسشى نۇرسۇلتان نازارباەۆ وتىز جىلدىق باسقارۋدان كەيىن سەيسەنبىدە ءوزىنىڭ پرەزيدەنتتىك وكىلەتتىگىن توقتاتۋ تۋرالى شەشىم قابىلدادى.
«تاۋەلسىز قازاقستاننىڭ نەگىزىن قالاۋشى رەتىندە بيلىككە جاڭا تولقىن كوشباسشىلارىنىڭ كەلۋىن قامتاماسىز ەتۋ – مەنىڭ مىندەتىم» دەدى ول ءوز مالىمدەمەسىندە. الداعى ۋاقىتتا نازارباەۆ ءوزىنىڭ «ەلباسى» جانە «ۇلت كوشباسشىسى» قۇرمەتتى اتاقتارىن ساقتاپ قانا قويماي, ماڭىزدى ساياسي بيلىككە يە بولىپ قالا بەرەدى. سونىمەن قاتار ول ەلدىڭ قاۋىپسىزدىك كەڭەسىنىڭ توراعاسى جانە «نۇر وتان» باسقارۋشى پارتياسىنىڭ باسشىسى بولىپ قالا بەرەتىنىن مالىمدەدى…»
«نازارباەۆ 1989 جىلى رەسپۋبليكانىڭ كوممۋنيستىك پارتياسىنىڭ باسشىسى رەتىندە قازاقستاننىڭ جەتەكشىلىگىنە كەلدى جانە 1991 جىلى كسرو ىدىراماستان بىرنەشە اپتا بۇرىن العاش رەت ونىڭ پرەزيدەنتى بولىپ سايلاندى, ناتيجەسىندە ەل تاۋەلسىزدىگىن الدى. سول كەزدەرى قازاقستان ءوزىنىڭ تۇرمەلەرىمەن, يادرولىق سىناق ورىندارىمەن جانە كەڭەس عارىش باعدارلاماسى شەڭبەرىندە بايقوڭىر عارىش ايلاعىنىڭ ورنالاسقان ورنى رەتىندە عانا تانىمال وقشاۋلانعان ايماق بولدى. سوندىقتان دا نازارباەۆ تۇراقتىلىق پەن ۇلتارالىق بەيبىتشىلىكتى قولداعان قازاقستاندى قۇرعانى ءۇشىن ۇلكەن قولداۋعا يە بولدى...»
«ول رەسەي مەن باتىس اراسىنداعى بالانستى ساقتاي ءبىلدى. قازاقستان پرەزيدەنتى شەتەلدە مۇناي ونەركاسىبىن جاڭعىرتقانى جانە يادرولىق قارۋدان باس تارتۋ تۋرالى شەشىمى ءۇشىن ۇلكەن بەدەلگە يە بولدى».
«1997 جىلى نازارباەۆ ەل استاناسىن الماتىدان سولتۇستىكتەگى استانا قالاسىنا كوشىردى ...جاڭا قالا پوستمودەرنيستىك ارحيتەكتۋراعا تولى بولدى, ونىڭ ىشىندە ءدىني جانە ەتنيكالىق توپتاردىڭ اراسىنداعى ۇيلەسىمدىلىكتى دارىپتەۋ ورنىنا اينالعان «بەيبىتشىلىك پەن كەلىسىم سارايى» شىنى پيراميداسى دا بار».
