قازاقستان تاريحىندا قازاقستان رەسپۋبليكاسىنىڭ تۇڭعىش پرەزيدەنتى ەلباسى نۇرسۇلتان ءابىش ۇلى نازارباەۆتىڭ ەسىمى التىن ارىپتەرمەن جازىلاتىنى اقيقات.
ەلدىڭ قاۋىپسىزدىگى مەن تۇراقتىلىعىن جانە وركەندى دامۋعا سەرپىن بەرەتىن رەفورمالاردى جەدەل دە ءتيىمدى جۇرگىزۋ ءۇشىن جانە بۇل ماقساتقا جەتۋدە ءبىرىنشى كەزەكتە حالىقتىڭ قولداۋىنا يە بولاتىن قابىلەتتى دە كۇشتى تۇلعانىڭ قاجەت بولاتىنىن تاريح پاراقتارى الدەقاشان دالەلدەگەن. تاۋەلسىز قازاقستان تاريحىندا مۇنداي تۇلعا نۇرسۇلتان نازارباەۆ بولىپ ايقىندالدى.
تۇڭعىش پرەزيدەنتىمىزدىڭ جەتەكشىلىگىمەن ەلىمىز تالاي بيىك شىڭداردى باعىندىرىپ, تولىمدى تابىستارعا قول جەتكىزدى. ونىڭ بارلىعىن ءتىزىپ شىعۋ ءۇشىن توم-تومداپ كىتاپ جازساق تا جەتكىلىكسىز.
سارىارقا تورىنەن ارايلى استانانىڭ بوي كوتەرۋى – تاۋەلسىزدىكتىڭ باستى جەمىسى, تۇڭعىش پرەزيدەنت ن.نازارباەۆتىڭ ەرەن ەڭبەگىنىڭ ناتيجەسى دەپ بىلەمىن.
بۇگىنگى استانا ەلىمىزدىڭ ساياسي ورداسى عانا ەمەس, حالقىمىزدىڭ ارمان-مۇراتىن اسقاقتاتقان ارايلى شاھار بولىپ بەكىدى. قازاقتىڭ ەلورداسى جەر-جاھاندا بەيبىتشىلىكتى ورنىقتىرۋعا ۇندەيتىن الاڭ رەتىندە تانىلدى.
قازاقستان رەسپۋبليكاسىنىڭ پرەزيدەنتى ق.توقاەۆتىڭ ۇسىنىسىمەن, قازاقستان رەسپۋبليكاسى پارلامەنتىنىڭ قولداۋىمەن استانا قالاسىن نۇر-سۇلتان شاھارى بولىپ اۋىستىرىلۋىن قولدايمىن.
نۇرلى شاھار نۇر-سۇلتان تۇڭعىش پرەزيدەنتىمىزدىڭ ءتول تۋماسى رەتىندە قازاق ەلىنىڭ مەرەيىن اسىرا بەرسىن!
نۇرعازى بۇحارباەۆ,
شىمكەنت قالالىق ءماسليحاتىنىڭ دەپۋتاتى
