«قازاقستاننىڭ تۇڭعىش پرەزيدەنتى ن.ءا. نازارباەۆ الداعى 10 جىل ەلىمىزدى دامىعان 30 مەملەكەتتىڭ قاتارىنا قوسۋداعى شەشۋشى كەزەڭ بولاتىنىن ايتتى. پرەزيدەنت قاسىم-جومارت توقاەۆ نەگىزگى باسىمدىق - تۇرعىنداردىڭ ءومىر ءسۇرۋ دەڭگەيىن كوتەرۋ جانە الەۋمەتتىك جاعدايىن جاقسارتۋ ەكەنىن اتاپ كورسەتتى. بۇگىن ءبىز دامۋدىڭ جاڭا كەزەڭىنە قادام باستىق. وتانىمىزدىڭ ەلورداسى ەندى زاماناۋي قازاقستاننىڭ نەگىزىن قالاۋشىنىڭ ەسىمىمەن اتالاتىن بولادى. پرەزيدەنتتىڭ باستاماسىمەن ءبىزدىڭ قالا نۇر-سۇلتان دەپ وزگەرتىلمەك. بۇل باستاما ۇلى دالا ەلىن قۇرۋ يدەياسىن ىسكە اسىرعانى, ەلوردا ءۇشىن ەتكەن ەڭبەكتەرى ءۇشىن تۇڭعىش پرەزيدەنتكە العىس ءبىلدىرىپ, قۇرمەت كورسەتۋ ماقساتىندا ىسكە اسىرىلۋدا», - دەدى اكىم.
ودان بولەك باقىت سۇلتانوۆ ەلوردا تۇرعىندارى وزدەرىن قالاي اتايتىنىنا دا قاتىسى پىكىر ءبىلدىردى.
«سونىمەن قاتار ءبىز, ەلوردا تۇرعىندارى - استانالىقتار بولىپ قالا بەرەمىز. بۇل قالىپتاسقان تەرمين. جاڭا ءداۋىردىڭ باستاماسى بولعان ناۋرىز مەيرامى ءار وتباسىنا قۋانىش پەن گۇلدەنۋ الىپ كەلسىن! سىزدەرگە جانە جاقىندارىڭىزعا دەنساۋلىق, باقىت جانە قۇت-بەرەكە تىلەيمىن!» - دەدى ەلوردا باسشىسى.
