«ەڭبەك سالاسىنداعى قازىرگى جاعدايدى مينيسترلىك ەڭبەك تاۋەكەلدەرى كارتاسى بويىنشا باعالايدى, ونىڭ شەڭبەرىندە مونيتورينگپەن تاۋەكەل ايماعىندا ورنالاسقان 100 مىڭنان استام جۇمىسكەرلەرى بار 200-دەن استام كاسىپورىن قامتىلادى. كارتا ناتيجەلەرى جاعدايدى اي سايىن دامىتۋدىڭ مۇمكىن شارالارىن ەسكەرە وتىرىپ, دەن قويۋ شارالارىن قابىلداۋمەن تالداۋ جۇرگىزىلەدى», دەدى ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ.
مينيستر جۇرگىزىلگەن جۇمىستىڭ ناتيجەسىندە سوڭعى جىلدارى ەڭبەك جانجالدارىنىڭ 5 ەسە تومەندەگەنىن ايتىپ ءوتتى.
اتالعان باعىتتاعى جۇمىستى كۇشەيتۋ ءۇشىن مينيسترلىك ەڭبەك جانجالدارىن شەشۋ جانە الدىن الۋ جونىندەگى ءىس-شارالارىنىڭ جاڭا جوسپارىن ازىرلەدى. جوسپار شەڭبەرىندە مەملەكەتتىك ورگانداردىڭ جانە الەۋمەتتىك ارىپتەستەردىڭ ەڭبەك جانجالدارىنىڭ الدىن الۋ بويىنشا ءوزارا ءىس-قيمىل الگوريتمى ازىرلەندى.بارلىق الەۋمەتتىك ارىپتەستەردىڭ كۇشىمەن جۇمىس بەرۋشىلەر مەن جۇمىسكەرلەردى كەلىسسوزدەر جۇرگىزۋ ماشىقتارىنا جانە كونسەنسۋسقا قول جەتكىزۋگە وقىتۋ جۇرگىزىلەدى», دەدى ول.
سونىمەن قاتار مينيستر جۇمىس بەرۋشىلەر بىرلەستىكتەرىنىڭ ەڭبەك داۋلارىنىڭ الدىن الۋ بويىنشا جۇمىسى بارىنشا بەلسەندەندىرىلىپ, جۇمىس بەرۋشىلەردىڭ رەسپۋبليكالىق, سالالىق بىرلەستىكتەرى جانىندا «ەڭبەك ومبۋدسمەنى» ينستيتۋتى قۇرىلاتىنىن اتاپ ءوتتى.
«جەرگىلىكتى اتقارۋشى ورگاندار, كاسىپوداقتار مەن جۇمىس بەرۋشىلەر ءۇشىن نىسانالى ينديكاتورلاردى انىقتاۋ ماقساتىندا ەڭبەك جانجالدارىن بولدىرماۋ بويىنشا ءسىزدىڭ تاپسىرماڭىز بويىنشا, اسقار ۇزاقباي ۇلى, 2018 جىلى وڭىرلەردە, ونىڭ ىشىندە ءسىزدىڭ قاتىسۋىڭىزبەن قاراعاندى قالاسىندا فورۋمدار وتكىزىلدى», دەدى ب. ساپارباەۆ.
