ايماقتار • 19 ناۋرىز، 2019

پاۆلودار اكىمدىگىندە اۋديتورلىق تەكسەرىس جانە كولىكتىك باقىلاۋ جۇرگىزۋ ماسەلەلەرى تالقىلاندى

805 رەتكورسەتىلدى

بۇگىن وبلىس اكىمدىگىنىڭ ءماجىلىس زالىندا قوستاناي وبلىسىنىڭ اكىمى ا.ب. مۇحامبەتوۆتىڭ توراعالىعىمەن وبلىستىق باسقارمالار مەن دەپارتامەنتتەردىڭ باسشىلارىنىڭ قاتىسۋىمەن كەڭەس ءوتتى. ول كادرلىق تاعايىنداۋلارمەن باستالدى. بۇل تۋرالى پاۆلودار وبلىسىنىڭ ءباسپاسوز قىزمەتى حابارلادى. 

سونىمەن، قوستاناي وبلىستىق ءماسليحاتىنىڭ شەشىمىمەن كوستيۋكوۆ دميتري اناتولەۆيچ - قوستاناي وبلىسى بويىنشا تەكسەرۋ كوميسسياسىنىڭ توراعاسى بولىپ تاعايىندالدى.

سونداي-اق، قازاقستان رەسپۋبليكاسى ۇلتتىق ەكونوميكا مينيسترلىگىنىڭ جاۋاپتى حاتشىسىنىڭ بۇيرىعىمەن ەستاەۆ ابزال كۋانىشبەك ۇلى – قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ قوستاناي وبلىسى بويىنشا دەپارتامەنتىنىڭ باسشىنىڭ مىندەتىن اتقارۋشىسى بولىپ تاعايىندالدى.

كەڭەستە كۇن تارتىبىندەگى ەكى ماسەلە تۇردى.

ءبىرىنشى «2018 جىلعا ارنالعان قوستاناي وبلىسى بويىنشا تەكسەرۋ كوميسسياسىنىڭ وتكىزىلگەن اۋديتورلىق ءىس-شارالارىنىڭ ناتيجەلەرى تۋرالى» ماسەلەسى بويىنشا قوستاناي وبلىسى بويىنشا تەكسەرۋ كوميسسياسىنىڭ جاڭا عانا تايىندالعان توراعاسى ەسەپ بەردى.

كوستيۋكوۆ وتكىزىلگەن اۋديتورلىق ءىس-شارالاردىڭ سانى تۋرالى، اۋديت قورىتىندىسى بويىنشا انىقتالعان بۇزۋشىلىقتاردى جانە قابىلدانعان شارالار تۋرالى باياندادى. سونداي-اق، كوستيۋكوۆ اۋديت بۇزۋشىلىقتارىن جىبەرگەن وبەكتىلەردىڭ الدىن-الۋ، ەسكەرتۋ جانە ءتۇسىرۋ تۋرالى جانە مەملەكەتتىك ءاۋديتتىڭ ساپالى جۇرگىزىلۋى تۋرالى ايتتى.

سونىمەن قاتار ول جۇيەلى تۇردە جىبەرىلەتىن بۇزۋشىلىقتار تۋرالى دا مالىمدەدى.

تەكسەرۋ كوميسسياسىنىڭ توراعاسى: «ەڭبەكاقىنى، دەمالىس جالاقىسىن جانە باسقا تولەمدەردى نەگىزسىز ەسەپتەۋ جانە اۋدارۋ; اۆتوكولىك قۇرالدارىنىڭ شەكتەۋ نورمالارى مەن ءجۇرۋ ءليميتىن ساقتاماۋ; ءىسساپار شىعىندارىن ەسەپتەۋ جانە تولەۋدە جىبەرىلگەن بۇزۋشىلىقتار جۇيەلى تۇردە انىقتالۋدا. سونداي-اق بيۋدجەت قاراجاتىن ءتيىمدى پايدالانباۋ تۋرالى» اقپاراتتاردى جىپكە ءتىزىپ بەردى.

«قوستاناي وبلىسى بويىنشا كولىكتىك باقىلاۋ ينسپەكتسياسىنىڭ   2018 جىلعا ارنالعان قىزمەتى تۋرالى» ماسەلەسى بويىنشا قوستاناي وبلىسى بويىنشا كولىكتىك باقىلاۋ ينسپەكتسياسىنىڭ باسشىسى ج.ق. اراپباەۆ ءسوز سويلەدى.

ول ينسپەكتسيا قىزمەتىنىڭ باعىتى جانە 2018 جىلى اتقارىلعان جۇمىس تۋرالى ايتىپ بەردى.

«ينسپەكتسيا قازاقستان رەسپۋبليكاسىنىڭ زاڭناماسىنا سايكەس، قازاقستان رەسپۋبليكاسىنىڭ كولiك سالاسىنداعى زاڭداردى جانە وزگە دە نورماتيۆتiك قۇقىقتىق اكتiلەردiڭ ساقتالۋىن ءوز قۇزىرەتi شەگiندە قامتاماسىز ەتەتiن فۋنكتسيالاردى ورىندايدى. وسىلايشا، 2018 جىلى بارلىعى  1614 اكىمشىلىك قۇقىق بۇزۋشىلىق انىقتالدى، ال جەكە جانە زاڭدى تۇلعالار 98،603 مىڭ تەڭگە ايىپپۇل تۇرىندە اكىمشىلىك جاۋاپكەرشىلىككە تارتىلدى، ونىڭ 85 656 مىڭ تەڭگەسى جينالدى، بۇل 87% قۇرايدى» دەدى اراپباەۆ.

وبلىس اكىمى ارحيمەد مۇحامبەتوۆ قورىتىندىلاي كەلە، بيۋدجەت قاراجاتىن ءتيىمدى پايدالانۋ ماسەلەلەرى ماڭىزدى ەكەنىن جانە قالالار مەن اۋداندار اكىمدەرىنە بارلىق باعىتتار بويىنشا ۇنەمى باقىلاۋدا ۇستاۋ كەرەكتىگىن تاپسىردى.

وبلىس اكىمى قوستاناي وبلىسىندا كولىكتىك باقىلاۋ ماسەلەسى بويىنشا ايىپپۇل تۇراعى مەن اۆتوكولىكتەردى ولشەيتىن ارنايى ورىنداردى قۇرۋ ماسەلەسىن قاراستىرۋدى، سونداي-اق كەلە جاتقان سۋ تاسقىنى كەزەڭىندە اۋىر كولىك قۇرالدارىنىڭ قوزعالىسىن باقىلاۋدى كۇشەيتۋدى تاپسىردى.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار