قاۋىپ جوق ەمەس. كوكتەمنىڭ شۋاقتى كۇندەرىمەن بىرگە داريانىڭ بەتىندەگى مۇز ەرىپ جاتىر.
جيىندا بايانداما جاساعان وبلىستىق جۇمىلدىرۋ دايىندىعى باسقارماسىنىڭ باسشىسى اسىلبەك شامەنوۆ:
– قازىرگى كەزدە «شاردارا» سۋ قويماسىندا 4 ملرد 770 ملن, «كوكساراي» سۋ رەتتەگىشىندە 2 ملرد 86 ملن تەكشە مەتر سۋ جينالعان. وبلىس اۋماعىنا سەكۋندىنا 120 تەكشە مەتر سۋ كەلىپ جاتىر. ارال, قازالىدان باسقا اۋداندار مەن قىزىلوردا قالاسىندا وزەن بەتى تازا. ەكى اۋدان اۋماعىنداعى مۇزدىڭ ورتاشا قالىڭدىعى – 10-40 سانتيمەتر ارالىعىندا, – دەدى.
بىلتىر شاردارا سۋ قويماسى مەن كوكساراي سۋ رەتتەگىشىنە مول سۋ تۇسكەنىمەن ناعىز كەرەك كەزىندە قىزىلوردالىق ديحاندار داقىلدارىنا سۋ جەتكىزە الماي قاتتى قينالعان ەدى.
وبلىس باسشىسى بيىل دا ونداي قاۋىپتىڭ بولماۋىنا كەپىلدىك جوق ەكەندىگىن, مەيىلىنشە قويمالارعا سۋ جيناپ الۋدىڭ جايىن تاپسىردى.
باقتيار تايجان,
«Egemen Qazaqstan»
قىزىلوردا وبلىسى
