«اكىمشىلىك قىزمەتشىلەرىنىڭ جالاقىسىنا قاتىستى ايتار بولساق, اتالعان ءوسىم 78 مىڭ مەملەكەتتىك قىزمەتشىگە قاتىستى بولادى. ولار - جەرگىلىكتى جەردە جۇمىس ىستەيتىن ماماندار. نەگىزىنەن, ساراپشىلار, جەتەكشى ماماندار جانە باس ماماندار. ورتاشا ەسەپپەن العاندا جالاقى 25 پايىزعا وسەدى. مىسالى, ەگەر باس ماماننىڭ ورتاشا جالاقىسى 84 مىڭ تەڭگەنى قۇراسا, ەندى ول 100 مىڭ تەڭگە بولدى», دەدى ر.دالەنوۆ ۇكىمەتتىڭ وتىرىسىندا. ءمينيستردىڭ سوزىنە قاراعاندا, اكىمدىك قىزمەتكەرلەرىنىڭ جالاقىسىن كوتەرۋگە قوسىمشا 76,5 ميلليارد تەڭگە قاجەت بولادى. سونىڭ ىشىندە 2019 جىلدا 15,3 ميلليارد تەڭگە كەرەك. ايتا كەتەيىك, كەشە «نۇر وتان» پارتياسىنىڭ XVIII سەزىندە نۇرسۇلتان نازارباەۆ اكىمدىك قىزمەتكەرلەرىنىڭ جالاقىسىن 25 پايىزعا كوتەرۋدى تاپسىردى.
