قازاقستان • 27 اقپان، 2019

كۇنشىعىس ەلىنەن قايتارىمسىز كومەك

836 رەتكورسەتىلدى

بۇگىن جاپونيانىڭ قازاقستانداعى ەلشىلىگىندە ء«شوپ تامىرى» باعدارلاماسى بويىنشا گرانتتىق كەلىسىمگە قول قويۋ ءراسىمى ءوتتى. ء«شوپ تامىرى» - ادام قاۋىپسىزدىگىن قامتاماسىز ەتۋ بويىنشا الەۋمەتتىك جوبالارعا ارنالعان قايتارىمسىز كومەك باعدارلاماسى.

شارا بارىسىندا جاپونيا ەلشىسى تاتسۋحيكو كاساي ء«شوپ تامىرى» باعدارلاماسىنىڭ جەرگىلىكتى حالىقتىڭ ءومىر ساپاسىن جاقسارتۋعا باعاتتىلعان ەرەكشە جوبا ەكەنىن اتاپ ءوتتى. باعدارلاما اياسىندا  مەديتسينا ورتالىقتارىنا، ەكولوگيالىق ايماقتارعا، وقۋ ورىندارىنا، مۇمكىندىگى شەكتەۋلى جاندارعا، بالالار ۇيىنە كومەك كورسەتۋ كوزدەلگەن.

«قازاقستان دامۋدىڭ جاڭا ساتىسىنا كوتەرىلىپ كەلەدى. بىراق، وسى جولدا ءتۇرلى قيىندىقتار بولۋى مۇمكىن. ال ءبىزدىڭ ماقساتىمىز – سىزدەرگە كومەك قولىن سوزۋ. ءبىز ء«شوپ تامىرى» جوباسىن قازاق جەرىندە 1997 جىلدان باستادىق. بيىل وسى باعدارلاما بويىنشا 8 جوباعا 340 339 اقش دوللار بولەمىز. وسى ۋاقىتقا دەيىن وسىنداي 100 جوباعا قولداۋ كورسەتىلىپ، بارلىعى 6 770 027 اقش دوللارى كولەمىندە قاراجات ءبولىندى. قازاقستاننىڭ دامۋىنا ۇلەس قوسىپ جاتقانىمىزعا ەرەكشە قۋانىشتىمىز»، دەدى ول.

قوستاناي وبلىسىنداعى مۇمكىندىگى شەكتەۋلى ايەلدەرگە ارنالعان ء«ۇمىت-نادەجدا» قوعامدىق بىرلەستىگىنىڭ توراعاسى ۇلىقپان دۇيسەنعالي بۇل گرانتتى بىرنەشە جىلدان بەرى الىپ كەلە جاتقانىن ايتىپ جاپون ەلشىلىگىنە، جاپون حالقى مەن ۇكىمەتىنە العىس ءبىلدىردى.

ال جوبا بويىنشا قارجىلاي كومەك العان «بايتاق دالا» قوعامدىق بىرلەستىگىنىڭ باسشىسى گاۋحاربەك ساتەكەەۆ «ەكولوگيالىق ءبىلىم بەرۋ مەكتەبى» قۇرىلىپ، ارال كولىنىڭ ماڭايىن جاسىلداندىرۋ مەن ورمان وتىرعىزۋ جۇمىستارىنا جەرگىلىكتى تۇرعىندار تارتىلاتىنىن ايتتى.

سونىمەن قاتار ء«شوپ تامىرى» جوباسى 10 جىلدان بەرى جوندەۋدەن وتپەگەن وقۋ ورىندارىنا دا قارجى بولگەن.

وسكەمەن قالاسىنداعى احمەر ورتا مەكتەبىنىڭ ديرەكتورى ايگۇل قادىروۆا مەكتەپ تەرەزەلىرىنىڭ 1973 جىلدان بەرى جاڭارتىلماعانىن، قازىر تەرەزەلەردى اشىپ-جابۋ مۇمكىن ەمەسىن ايتتى. مەكەمە بولىنگەن قاراجاتقا 129 جاڭا تەزەرە الۋدى جوسپارلاپ وتىر. بۇگىندە ءبىلىم ۇياسىندا 1257 شاكىرت ءبىلىم الۋدا.

سونىمەن قاتار جاپونيا ء«شوپ تامىرى» جوباسى اياسىندا قوستاناي وبلىسىنداعى قاراعايلى ورتا مەكتەبىنە، سەمەي قالاسىنداعى مامانداندىرىلعان بالالار ءۇيىنىڭ كىر جۋاتىن ورنىنا، ورال قالاسىنداعى جانعالا اۋداندىق ەمحاناسىنا، سەمەي قالاسىنداعى №3 ناشار كورەتىن بالالارعا ارنالعان ينتەرناتتى مەديتسينالىق جابدىقتارمەن قامتاماسىز ەتۋگە، پاۆلودار وبلىسىنداعى وكپە قابىنۋىنا قارسى بالالار ساناتوريىنە جەلدەتۋ جابدىقتارىن الۋعا قاراجات بولگەن.

ناشار كورەتىن بالالارعا ارنالعان №3 مەكتەپ-ينتەرناتتىڭ  ديرەكتورى اكرام قاليعوجين سەمەي قالاسى كوپ جىلدان بەرى پوليگوننان زارداپ شەككەن ايماق ەكەنىن ايتا وتىرىپ، ەلشىگە يادرولىق جارىلىس كەزىندە بالاسىن قورعاعان انا بەينەلەنگەن سۋۆينەر سىيعا تارتتى.

شاراعا قاتىسقان سىرتقى ىستەر مينيسترلىگى سىرتقى ەكونوميكالىق ساياسات دەپارتامەنتىنىڭ كەڭەسشىسى اسەت ماحمەتوۆ: «قازاقستان ۇكىمەتى اتىنان جاپونيا ۇكىمەتىنە العىس بىلدىرەمىز. سىزدەردىڭ الەۋمەتتىك جوبالارعا ارنالعان كومەكتەرىڭىز دەنساۋلىق ساقتاۋ سالاسىنا عانا ەمەس، باسقا دا سالالاردىڭ دامۋىنا ۇلكەن كومەك. ارينە، بۇل – ماڭىزدى جۇمىس. ەكى ەل اراسىنداعى قارىم-قاتىناس باۋىرمالدىققا نەگىزدەلگەن»، دەدى.

سالتانات شىءنادىل

ەۇۋ ستۋدەنتى

سوڭعى جاڭالىقتار

ۇقساس جاڭالىقتار