«پارلامەنت ءماجىلىسى اگرارلىق ماسەلەلەر كوميتەتى توراعاسى باسقا قىزمەتكە اۋىسۋىنا بايلانىستى ءبىز كوميتەت توراعاسىن سايلاۋىمىز قاجەت. وسى ورايدا زاڭناماعا سايكەس, بوس ورىنعا دەپۋتات بەرىك سەرىك ۇلى وسپانوۆتىڭ كانديداتۋراسىن ۇسىنامىن», - دەدى ءماجىلىس توراعاسى نۇرلان نىعماتۋلين پالاتانىڭ جالپى وتىرىسىندا.
دەپۋتاتتار بەرىك سەرىك ۇلى وسپانوۆتىڭ كانديداتۋراسىن بىراۋىزدان قولدادى.
ايتا كەتەيىك, بەرىك وسپانوۆ اگرارلىق ماسەلەلەر كوميتەتىنىڭ مۇشەسى رەتىندە قىزمەت ەتۋدە. وسىعان دەيىن ءبىراز جىل بويى اۋىل شارۋاشىلىعى سالاسىندا قىزمەت اتقاردى. ول زاڭگەر ماماندىعىن مەڭگەرگەن, سونداي-اق6 ەكونوميكا عىلىمدارىنىڭ دوكتورى دارەجەسىن العان.
بۇدان بۇرىن حابارلانعانداي, ءماجىلىس دەپۋتاتى, اگرارلىق ماسەلەلەر كوميتەتىنىڭ توراعاسى ساپارحان وماروۆتىڭ وكىلەتتىگى مەرزىمىنەن بۇرىن توقتاتىلدى.
جاقىندا ساپارحان كەسىكباي ۇلى اۋىل شارۋاشىلىعى ءمينيسترى قىزمەتىنە تاعايىندالدى.
