فەستيۆال اياسىننداعى كورمەدە كوپشىلىككە بەيبىتشىلىك قۇستارىنىڭ 20-دان استام ءتۇرى ۇسىنىلدى. جيىن باستالار الدىندا اقتوبە قالاسى اكىمىنىڭ ورىنباسارى ك.ايدارحانوۆا مەن اقتوبە قالاسى «الماتى» اۋدانىنىڭ اكىمى ا.الىمباەۆ تۇرعىندار مەن قاتىسۋشىلاردى قۇستار مەرەكەسىمەن قۇتتىقتادى. فەستيۆال بارىسىندا جارمەڭكە مەن كونتسەرتتىك باعدارلامادان بولەك, 3 نوميناتسيا بويىنشا جارىستار ءوتتى.
كورمەگە قاتىسقان قۇسشىلاردىڭ ەڭ ۇلكەنى – 70 جاستان اسقان امانباي ساتىبالديەۆ. ول كوگەرشىننىڭ اقتوبەدە جوق تۇرلەرىن عانا اسىرايدى. «1956 جىلدان بەرى كوگەرشىن ۇستايمىن. وزگەلەرگە «سەن ومىرگە كەلگەندە مەن كوگەرشىن باعىپ جۇرگەنمىن» دەپ ايتامىن. جاسىن 72-دە. مەنىڭ اسىراۋىمداعى كوگەرشىندەر 8 ساعات بويى ۇشا الادى. مەن سودان كۇش قۋات الامىن. تاڭعى 6-دا تۇرىپ, بىرنەشە ساعات بويى اسپانعا قارايمىن, ۇشىپ جۇرگەن قۇستىڭ ادەمىلىگىنە تامسانامىن. كوگەرشىننىڭ يراندىق, پاكىستاندىق ءتۇرى بار وزىمدە. وزگەلەردىڭ قولى جەتپەيتىنى دە وسى», دەيدى قاريا.
سوڭعى رەت اقتوبە قالاسىندا كوگەرشىندەر فەستيۆالى 2011 جىلى وتكەن ەكەن. بارلىق قاتىسۋشىلار ءىس-شارانىڭ جوعارى دەڭگەيدە ۇيىمداستىرىلعانىن اتاپ ءوتتى. «بيىلعى جىلدى ەلباسى تاپسىرماسىمەن جاستار جىلى دەپ اتادىق. وسى ءىس-شارانىڭ ماقساتى دا سول, كەيىنگى بۋىندى تاتۋلىققا, بىرلىككە شاقىرىپ, جاقسىلىققا باۋلۋ بولىپ تابىلادى. كوپشىلىككە ءمالىم, كوگەرشىن قۇسى – بەيبىتشىلىكتىڭ, ىنتىماقتىڭ سىيمۆولى. سوندىقتان دا بۇل باسقوسۋعا وزگە مەملەكەتتەردەن قوناقتاردى شاقىردىق, ولار بەلسەندى اتسالىستى. سونىمەن قاتار ەلىمىزدىڭ وبلىستارىنىڭ اۋداندارىنان, ەلدىمەكەندەرىنەن دە تۇرعىندار كوپتەپ قاتىستى.
جالپى كوگەرشىننىڭ 360-تان استام ءتۇرى بولاتىن بولسا, مۇنداعى كورمەگە جيىرما شاقتى قاناتتى دوسىمىزدى كوپشىلىككە تانىستىردىق. ەندى وسىنداي شارانى جىل سايىن ۇيىمداستىرىپ, داستۇرگە اينالدىرساق دەگەن ويدامىز», دەيدى «اقتوبە قۇسشىلارى» قورىنىڭ مۇشەسى نۇربەك قۋاتوۆ.
جيىنعا وزبەكستاننان كەلگەن دەلەگاتسيانى باستاپ كەلگەن ناديربەك دجاباروۆتىڭ ايتۋىنشا, قۇستارعا دەگەن ادامداردىڭ قۇرمەتىن ارتتىراتىن مۇنداي باسقوسۋلار جالعاسىن تابۋ كەرەك. ء«بىز قازاقستاننىڭ وڭتۇستىكتەگى كورشىسى وزبەك ەلىنەن كەلىپ وتىرمىز. كوگەرشىننىڭ بىرنەشە ءتۇرىن قوناقتارعا ۇسىندىق. اقتوبە وبلىسىنىڭ باسشىلىعىنا بەيبىتشىلىكتى ناسيحاتتايتىن, ىنتىماعىمىزدى جاراستىراتىن وسىنداي باسقوسۋ ۇيىمداستىرعانىنا ريزاشىلىعىمدى بىلدىرگىم كەلەدى» دەيدى ول.
