وبلىستىق يۋۆەنالدى پوليتسيانىڭ باسشىسى, پوليتسيا مايورى داۋلەت سماقوۆتىڭ ايتۋىنشا, بالالار اراسىنداعى قۇقىق بۇزۋ دەرەكتەرى نەگىزىنەن قولايسىز وتباسىنان شىققان جاسوسىپىرىمدەرگە ءتان بولىپ وتىر. قازىر ارنايى پوليتسيا ايماقتاعى 800 وتباسىنىڭ بالا تاربيەسىنە كوڭىل بولمە ءيتىن, ىشكىلىك پەن ناشاقورلىققا اۋەس نەمەسە باسقا دا جات قىلىقتارعا جاقىن ەكەنىن انىقتاپ, ەسەپكە الىپتى.
- ءبىزدىڭ پوليتسەيلەر جاسوسپىرىمدەر تاربيەسىنە قاتىستى سەمينار, كەڭەستەردى ءجيى وتكىزەدى. بۇل بالالاردى جات ادەتتەن ساقتاندىرۋعا كومەكتەسەدى. ادەتتە ءبىلىم باسقارماسىمەن بىرگە وتكىزىلگەن ءىس-شاراعا دەنساۋلىق ساقتاۋ جانە ءبىلىم بەرۋ سالاسىنىڭ, اتا-انالار كوميتەتىنىڭ, سونداي-اق مەملەكەتتىك ەمەس ۇيىمداردىڭ وكىلدەرىن قاتىستىرامىز, - دەيدى پوليتسيا مايورى داۋلەت سماقوۆ.
ايتپاقشى, جىل باسىنان بەرى وبلىس اۋماعىندا ويىن كلۋبتارى مەن كومپيۋتەر ورتالىقتارىنان شىقپايتىن بالالاردىڭ دا قاتارى ءوسىپتى. ءتىپتى, تۇنگى كوڭىل كوتەرۋ ورىندارىنا دا ءجيى باس سۇعاتىن جاسوسپىرىمدەر بار ەكەن. پوليتسەيلەر «پروفيلاكتيكا» جەدەل الدىن الۋ ءىس-شاراسى بارىسىندا وسىنداي 155 بالانى انىقتاپتى.
قالماحانبەت مۇقامەتقالي,
«Egemen Qazaqstan»
الماتى وبلىسى
