كوپبالالى وتباسىلارعا كامەلەتكە تولماعان ءتورت جانە ودان دا كوپ بالالارى بار وتباسىلار جاتادى. جۇمىسپەن قامتۋ جانە الەۋمەتتىك قورعاۋ باسقارماسىنىڭ مالىمەتىنشە, بۇگىن استانادا 434 وتباسىعا اتاۋلى الەۋمەتتىك كومەك كورسەتىلەدى.
باسقارما وكىلدەرى الدىمەن نۇرسۇلۋ ەسجانوۆاعا كەلدى. ونىڭ بالاسىنا مۇگەدەكتىك بويىنشا جاردەماقى تاعايىندالعان. سەبەبى ونىڭ قىزى ايزادا وزدىگىنەن قوزعالا المايدى. وسىعان سايكەس, وتباسى بارلىق قاجەتتى جاردەماقىنى الىپ وتىر.ء سابي ۇنەمى مەديتسينالىق تەكسەرۋدەن ءوتىپ تۇرادى. جاقىندا اناسىنىڭ ءوتىنىشى بويىنشا ولارعا قازاقستاندىق ءوندىرىستىڭ جاڭا ارباسى بەرىلدى. قىز بەن ونىڭ اپكەسى سىيلىقتى ۇلكەن قۋانىشپەن قابىلدادى. جاڭا اربانىڭ ىڭعايلىلىعى ءوز الدىنا, سونداي-اق ول بالانىڭ پارامەترلەرى بويىنشا دايىندالادى. جينالمالى اربا بالانىڭ وسۋىنە قاراي رەتتەلەدى دە.
اربالاردى «دوس.«تاۋەلسىز ءومىر» ورتالىعى مۇگەدەكتەردىڭ قوعامدىق بىرلەستىگى دايىندايدى. 2019 جىلدىڭ باسىنان 4 اربا بەرىلدى. بالا وسكەن جاعدايدا, وتباسى ولاردى ورتالىققا قايتارا الادى نەمەسە قايىرىمدىلىققا بەرە الادى. ودان ءارى ءبىز مىرزاعاليەۆتەر وتباسىنا باردىق. وتباسى بۇگىن بەس بالانى تاربيەلەۋدە. ەڭ كىشى بالاسى 7 ايدا. وتباسىنىڭ اناسى جۇمىسپەن قامتۋ باسقارماسىنىڭ وكىلىنەن قاجەتتى قۇجاتتار پاكەتىن قالاي الۋعا بولاتىنىن ءتۇسىندىرۋدى سۇرادى.
الماتى اۋدانى الەۋمەتتىك جاردەماقى تاعايىنداۋ ءبولىمىنىڭ باس مامانى ناعيما ماناقباەۆا كوپبالالى اناعا الەۋمەتتىك كومەك الۋدىڭ جولدارى تۋرالى ايتىپ بەردى.
«قازىرگى ۋاقىتتا كوپبالالى انالاردىڭ ءوتىنىشى بويىنشا باسقارما قىزمەتكەرلەرى ءبىزدىڭ ۆەدومستۆو جەلىسى بويىنشا اتاۋلى الەۋمەتتىك كومەك كورسەتۋ بويىنشا ءتۇسىندىرۋ جۇمىستارىن جۇرگىزۋدە. مىسالى, بۇل جانۇيادا جەتى ادام بار: اتا-اناسى جانە بەس بالا. وتاعاسى جالدامالى قىزمەتكەر بولىپ جۇمىس ىستەيدى. ولار جۇمىسقا ورنالاستىرۋ جانە الەۋمەتتىك قورعاۋ بولىمىنە ءوتىنىش جاساۋعا جانە قاراستىرىلعان الەۋمەتتىك تولەمدەردى الۋ ءۇشىن قۇجاتتاردى تاپسىرۋعا قۇقىلى. وتباسىنىڭ بارلىق مۇشەلەرىنىڭ جەكە باسىن كۋالاندىراتىن قۇجاتتار, وتباسىنىڭ تابىسى تۋرالى انىقتاما قاجەت. وسى قۇجاتتاردىڭ نەگىزىندە جاردەماقى تاعايىندالادى. بۇدان كەيىن بالالار وقيتىن مەكتەپ اكىمشىلىگىنە وتباسى جاعدايى تومەن ەكەندىگىن راستايتىن انىقتاما جىبەرىلەدى», دەدى الماتى اۋدانى الەۋمەتتىك جاردەماقى تاعايىنداۋ ءبولىمىنىڭ باس مامانى ناعيما ماناقباەۆا.
