ۇستىمىزدەگى جىلدىڭ مامىر ايىندا وتەتىن وسى جارىستا ەلىمىزدىڭ بىرقاتار بەلدى سپورتشىلارى ونەر كورسەتەدى. ولاردىڭ قاتارىندا ايدار شارىباەۆ, ءالي بالوەۆ, ۆيكتور كوتوچيگوۆ, كونستانتين برۋسەنسكي جانە تاعى باسقا ساڭلاقتار بار. سونداي-اق, الىس-جاقىن شەت مەملەكەتتەردەن دە جۋان جۇدىرىقتى جىگىتتەر كەلەدى دەپ كۇتىلۋدە.
ءبىز قازاقستاندا كاسىپقوي بوكستى دامىتىپ, دارىندى جاستارعا جول اشقىمىز كەلەدى. باستى ماقساتىمىز – وسىنداي تۋرنيرلەردى كوبىرەك ۇيىمداستىرۋ ارقىلى وسى سپورت ءتۇرىنىڭ كوكجيەگىن كەڭەيتۋ. استاناداعى جارىستى ۇلكەن سپورت كەشەنىندە ەمەس, شاعىن عانا وتەلدەردە وتكىزۋدىڭ ەش ابەستىگى جوق. بۇل – الەمدىك تاجىريبەدە بار ءۇردىس. كەزىندە گەننادي گولوۆكين, دەنيس لەبەدەۆ سىندى ساڭلاقتار باستاعان اتاقتى بوكسشىلاردىڭ دەنى ءدال وسىنداي شاعىن وتەلدەر مەن كازينولاردان جۇدىرىقتاسقان, – دەيدى فيرۋزا ءشارىپوۆا.
عالىم سۇلەيمەن,
«Egemen Qazaqstan»
